‘કડકે તો કડકે પર નવાબ કે લડકે’, પ્રજાને ખાવાના ફાંફા અને ચૂંટણી પ્રચારમાં 1 લાખની ટોપી પહેરી નીકળ્યા નવાજ શરીફ
મોટા આર્થિક સંકટનો સામનો કરી રહેલા પાકિસ્તાનમાં ચૂંટણી પ્રચાર ચાલી રહ્યો છે અને આગામી મહિને 8 ફેબ્રુઆરીએ અહીં મતદાન કરવામાં આવશે. પૂર્વ વડાપ્રધાન નવાજ શરીફ આ વખતે ચૂંટણીના કેન્દ્રમાં છે અને માનવામાં આવી રહ્યું છે કે તે દેશના આગામી વડાપ્રધાન બની શકે છે. જો કે ચૂંટણી પ્રચાર દરમિયાન સિનિયર શરીફ અચાનક ચર્ચામાં આવ્યા છે. ચર્ચાનું કારણ તેમની 1 લાખ રૂપિયાની ટોપી છે.
નવાજ શરીફની મોંઘી ટોપીને લઈ પાકિસ્તાનના સોશિયલ મીડિયામાં દાવો કરવામાં આવી રહ્યો છે કે પૂર્વ વડાપ્રધાને પંજાબ પ્રાંતના જિલ્લા નનકાના સાહેબમાં પોતાની રેલી દરમિયાન 1 લાખ પાકિસ્તાની રૂપિયાથી વધારે મૂલ્યની ગુચ્ચી (Gucci)ની ટોપી પહેરી હતી. શરીફે આ મોંઘી ટોપી પહેરી એટલે લોકો ભડકી રહ્યા નથી પણ ટોપીની કિનારી ઈમરાન ખાનની પાર્ટી પાકિસ્તાન તહરીક-એ-ઈન્સાફના ઝંડાથી મળતી જોવા રહી હતી. ઘણા લોકોએ ટોપીની કિનારીના રંગ તરફ પણ ઈશારો કર્યો હતો.
એક તરફ ગરીબી સામે ઝઝૂમી રહેલા લોકો, અને બીજી તરફ શરીફની મોંઘી ટોપી
નવાઝ શરીફની ગુચી કંપનીની મોંઘી ટોપીની અણધારી કિંમત દર્શાવવા માટે લોકોએ સોશિયલ મીડિયા પર કિંમતની રસીદ અને ઇન્વૉઇસ પણ બતાવ્યા. શરીફે પહેરેલી રૂ. 1 લાખની ટોપી પાકિસ્તાનમાં વિવાદનો વિષય બની હતી કારણ કે ઈંધણ, વીજળી અને ખાદ્યપદાર્થો જેવી પાયાની સુવિધાઓના આસમાની કિંમતોને કારણે દેશ આર્થિક સંકટનો સામનો કરી રહ્યો છે. જ્યારે નવાઝ શરીફ જેવા નેતાઓ અણધારી મોંઘી વસ્તુઓ સાથે મત મેળવવા ચૂંટણી પ્રચારમાં વ્યસ્ત છે.
પાકિસ્તાનનો વિકાસ અટક્યો
વિશ્વ બેંકના અહેવાલ મુજબ, નાણાકીય વર્ષ 2023 માં કોરોના બાદ પાકિસ્તાનનો વિકાસ અટક્યો છે. વૈશ્વિક કોમોડિટીના ભાવમાં સતત વધારો, વૈશ્વિક નાણાકીય કઠોરતા, તાજેતરના વિનાશક પૂર અને સ્થાનિક રાજકીય અનિશ્ચિતતા વચ્ચે, સ્થાનિક કિંમતો, બાહ્ય અને રાજકોષીય સંતુલન, વિનિમય દરો અને વિદેશી વિનિમય અનામતો પર નોંધપાત્ર દબાણ છે.
મોંઘવારી નોંધપાત્ર રીતે વધી
વિશ્વ બેંકના આ રિપોર્ટમાં એવું પણ જણાવવામાં આવ્યું હતું કે વેતન અને નોકરીની ગુણવત્તામાં ઘટાડા સાથે મોંઘવારી નોંધપાત્ર રીતે વધી છે જેના કારણે ગરીબી વધી છે, ગરીબોની ખરીદ શક્તિ ઝડપથી ઘટી છે.
શરીફની પાર્ટીએ આપ્યું સસ્તી વીજળીનું વચન
જો કે, આ પહેલીવાર નથી કે જ્યારે પાકિસ્તાનના પૂર્વ વડાપ્રધાન આ પ્રકારના વિવાદમાં ફસાયા હોય. ગયા વર્ષે 2023 માં, લંડનના મોંઘા હેરોડ્સ ડિપાર્ટમેન્ટલ સ્ટોરમાં ખરીદી કરતાં સમયે વિવાદમાં સપડાયા હતા.
સામાન્ય ચૂંટણીઓ પહેલા, પાકિસ્તાન મુસ્લિમ લીગ-નવાઝ (PML-N) ના વડા નવાઝ શરીફ, જેઓ ઓક્ટોબર 2023 માં તેમના દેશમાં પાછા ફરવા માટે લંડનમાં 4 વર્ષનો સ્વ-નિવાસ જીવન જીવી રહ્યા છે, તેમણે શનિવારે પાર્ટીના ચૂંટણી ઢંઢેરાનું અનાવરણ કર્યું. ગયા સપ્તાહે . મેનિફેસ્ટોમાં શરીફે સસ્તી વીજળી આપવાનું વચન આપ્યું છે. આ ઉપરાંત વીજ બિલમાં 20 થી 30 ટકાનો ઘટાડો કરવાનું પણ વચન આપવામાં આવ્યું છે.
