ગૂગલે પ્લે સ્ટોર ઉપરથી 17 એપ્સ રિમૂવ કરી નાખી છે. આ એપ્સ ઉપર જોકર મૈલવેયરનો ખતરો જણાયો હોવાથી ગૂગલે પગલું ભર્યું છે. કેલિફોર્નિયા સ્થિત આઈટી સુરક્ષા કંપનીએ રિપોર્ટ કર્યો કે આ 17 એપ્સ થકી ખતરનાર મૈલવેયર ઘણા સમયથી પ્લે સ્ટોરની કામગીરીને પ્રભવિત કરી રહ્યા હતા. જોકર મૈલવેયર ઈન્ફેક્શનના પગલે જુલાઈમાં ગૂગલે 11 એપ્સ રિમૂવ કરી મૈલવેયર હટાવાના પ્રયાસ શરુ કર્યા હતા. જુલાઈ બાદ સપ્ટેમ્બરમાં 6 એપ્સ હટાવી હતી અને હવે વધુ 17 એપ્સને ઈન્ફેક્શનના પગલે દૂર કરવામાં આવી છે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
મૈલવેયર ઈન્ફેક્શન ફેલાવતી 17 એપ્સને કેલિફોર્નિયા સ્થિત IT સિક્યુરિટી કંપની Zscalerએ શોધી કાઢી છે. આઈટી સિક્યુરિટી અનુસાર તેમના ધ્યાને આવ્યું છે કે 17 એપ્સ જોકર મૈલવેયર ઈન્ફેક્ટેડ છે. ચોંકાવનારી બાબત એ છે કે આ 17 એપ્સ કુલ 1.20 લાખ લોકો ડાઉનલોડ કરી ચુક્યા છે. એપ્સને દૂર કરવા સાથે ડાઉનલોડ ઓપશન પણ હટાવી દેવાયા છે. જે યુઝર આ એપ્સ ઉપયોગ કરે છે તેમને પણ રિમૂવ કરી દેવા અનુરોધ કરાયો છે.
જોકર મૈલવેયર અને તેનું જોખમ શું છે?
જોકર મૈલવેયર એક માલિશસ બોટ છે. એકવાર ફોનમાં ડાઉનલોડ થયા બાદ તે માઈલવેયર જોખમીરૂપે કામ કરે છે. યુઝર્સના મોબાઈલ નંબરથી કોઈપણ પ્રકારના પ્રીમિયમ સબ્સ્ક્રીપશન જાતે ક્લિક કરે છે અને યુઝરને આ વાતનો અંદેશો પણ આવા દેતો નથી. માઈલવેયરમાં ઘણા નાના અને છુપી રીતે એક્ટિવ થતાં કોડનો ઉપયોગ થાય છે જે જોકર મૈલવેયર એક્ટિવ હોવાનું ધ્યાન ઉપર લાવવા દેતા નથી. પ્રમિયમ સર્વિસ સબ્સ્ક્રાઈબ કરી યુઝરની માહિતી ચોરી કરવાનો મુખ્ય ઉદ્દેશ્ય હોય છે. મૈલવેયર થતી આ સ્પાઈવેયર SMS, કોન્ટેક્ટ લિસ્ટ અને ફોનની માહિતી મેળવી લે છે જેનો બાદમાં સાઈબર ક્રાઈમને અંજામ આપવા ઉપયોગ થાય છે.
પ્લે સ્ટોર ઉપરથી રિમૂવ કરાયેલી 17 એપ્સ જે આપણા મોબાઈલમાં હોય તો તાત્કાલિક રિમૂવ કરવી હિતાવહ હોવાનું ગૂગલે તેના બ્લોગ દ્વારા કહ્યું છે.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો