લો બોલો, મોટરસાયકલની સીટ નીચેથી નિકળ્યો દેશનો સૌથી ઝેરી સાપ કોબ્રા, જીંદગી અને મોત વચ્ચે સીટનું અંતર રહી ગયું

પાર્ક કરેલી બાઈક લઈને સીધું નીકળતા પહેલા બાઈકની તપાસ કર્યા પછી જ વાહન ઉપર બેસવા દાખલો આપતો કિસ્સો ભરૂચમાં બન્યો છે જ્યાં ભરૂચના વાંસી ગામે મોટરસાઇકલ ઉપર જતા યુવાન બાઇકમાં સળવળાટ અનુભવતા તપાસ દરમ્યાન બાઇકમાંથી દેશના સૌથી ઝેરી સાપ કોબ્રા નીકળ્યો હતી. એક કલાકની જહેમત અને બાઇકના અનેક પૂર્જા ખોલ્યા બાદ કોબ્રાને ઝડપી પડયો હતો. ભરૂચ તાલુકાના વાસી ગામનો યુવાન બાઈક લઈ નીકળ્યો ત્યારે અચાનક સળવળાટ અનુભવ્યો હતો. બાઇકમાં કંઈક જીવજંતુ સળવળતુ હોય તેવો અંદાજ આવતા રસ્તામાં વાહન ઉભું કરી તપાસ કરતા ફૂંફાડા મારતો સાપ નજરે પડ્યો હતો.

ગભરાયેલા યુવાને બાઈક રસ્તા ઉપર જ પાર્ક કરી દઈ જીવદયા પ્રેમી સંસ્થાને મદદે બોલાવી હતી . એક કલાકની મથામણ અને અનેક પૂર્જા ખોલ્યા બાદ બાઇકમાંથી સાપને બહાર કાઢયો હતો.સાપ બહાર કાઢવામાં આવતા તે દેશમાં નજરે પડતી અત્યંત ઝેરી સાપની પ્રજાતિ કોબ્રા હોવાનું બહાર આવ્યું હતું જે કરડે તો મનુષ્ય મુશ્કેલીમાં મુકાઈ શકે છે. જીવદયા પ્રેમીઓએ સાપને ઝડપી પાડી સુરક્ષિત વરાવરણમાં મુક્ત કર્યો હતો.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો