શું તમારું માટલું પાણી ઠંડુ નથી કરતું? જાણો પાણીને બરફ જેવું રાખવા માટેની એ ગુપ્ત રીત જે ફ્રીજને પણ કરી દેશે ફેલ!

ભારતમાં વર્ષોથી ગરમીમાં માટીના ઘડા કે માટલાનો ઉપયોગ થતો આવ્યો છે. ફ્રીજના પાણીથી ગળામાં તકલીફ થઈ શકે છે પરંતુ માટલાનું પાણી સ્વાસ્થ્ય માટે ઉત્તમ અને તાજગીભર્યું માનવામાં આવે છે. તેમ છતાં ઘણા લોકો ફરિયાદ કરે છે કે તેમના માટલામાં પાણી ઠંડુ રહેતું નથી. આ માટે માટલાની માટી નહીં પણ તેને રાખવાની રીત જવાબદાર હોઈ શકે છે.

માટલું રાખવાની સાચી જગ્યા

માટલાને હંમેશા એવી જગ્યાએ રાખવું જોઈએ જ્યાં હવાની અવરજવર વધુ હોય. જો માટલાને સૂર્યના સીધા તડકામાં અથવા બંધ કબાટ જેવી જગ્યાએ રાખવામાં આવે તો પાણી ઠંડુ થતું નથી. તેને બારી પાસે અથવા ખુલ્લા સ્થાને રાખવું જોઈએ. વધુમાં માટલાને સીધું જમીન પર રાખવાને બદલે સ્ટેન્ડ પર રાખવું જોઈએ જેથી નીચેથી પણ હવા લાગતી રહે.

ભેજ અને બાષ્પીભવનનું વિજ્ઞાન

માટલાની સપાટી પર ઝીણા છિદ્રો હોય છે જેમાંથી પાણી બહાર આવીને હવાના સંપર્કથી સુકાય છે અને અંદરના પાણીને ઠંડુ કરે છે. જો તમે પાણીને વધુ ઠંડુ રાખવા માંગતા હોવ તો માટલાની બહારની સપાટી પર દિવસમાં એક-બે વાર પાણીનો છંટકાવ કરો અથવા તેના પર ભીનું સુતરાઉ કપડું લપેટો. આ દેશી નુસખો પાણીને લાંબા સમય સુધી ઠંડુ રાખશે.

તાજગી અને સફાઈનું મહત્વ

માટલામાં લાંબા સમય સુધી ભરેલું પાણી ધીમે-ધીમે તેની ઠંડક અને સ્વાદ ગુમાવે છે. તેથી દરરોજ જૂનું પાણી ખાલી કરી નવું તાજું પાણી ભરવું જોઈએ. તેમજ સમયાંતરે માટલાને અંદરથી સાફ કરવું પણ એટલું જ જરૂરી છે જેથી તેના છિદ્રો બંધ ન થઈ જાય.

ઢાંકણ અને હવાઈ સંતુલન

માટલાને હંમેશા ઢાંકીને રાખવું જોઈએ જેથી ધૂળ ન જાય. પરંતુ સાવ એરટાઈટ ઢાંકણ લગાડવાને બદલે માટીનું ઢાંકણ અથવા સુતરાઉ કાપડ વાપરવું વધુ સારું છે. માટલાને છેક ઉપર સુધી ગળા સુધી ન ભરવું જોઈએ. થોડી જગ્યા ખાલી રાખવાથી અંદર હવાનું સંતુલન જળવાય છે અને પાણી વધુ ઝડપથી ઠંડુ થાય છે.

આ સરળ પદ્ધતિઓ અપનાવીને તમે આ ઉનાળામાં ફ્રીજ વગર પણ માટલાના કુદરતી અને શુદ્ધ ઠંડા પાણીનો આનંદ માણી શકશો.

શું તમે પણ સસ્તું સમજીને 1 કે 3 સ્ટાર રેટિંગવાળા ઉપકરણો ખરીદો છો? ચેતી જજો! બદલાઈ ગયા BEE ના નિયમો