GK Quiz: દુનિયાનું એક એવું શહેર જ્યાં ભીખ માંગવા માટે પણ લેવું પડે છે લાયસન્સ, કારણ જાણીને ચોંકી જશો
એક શહેર એવું પણ છે જ્યાં લોકોએ ભીખ માંગવા માટે સ્થાનિક પ્રશાસન પાસેથી લાયસન્સ લેવું પડે છે. આ લાયસન્સ માટે પણ નિશ્ચિત ચાર્જ ચૂકવવો પડે છે. આ નિયમ 2019માં જ લાગુ કરવામાં આવ્યો હતો. આ નિયમનો અર્થ એ છે કે જો કોઈ વ્યક્તિ અહીંના લોકો પાસેથી ભીખ માંગે છે, તો તેણે પહેલા તેના માટે પરવાનગી લેવી પડશે.
GK Quiz : વિશ્વમાં કરોડો લોકો અમીરોની શ્રેણીમાં આવે છે. આવા લોકો પાસે ઘણી પેઢીઓ સુધી ચાલે તેટલી સંપત્તિ અને સંસાધનો હોય છે. પરંતુ બીજી તરફ અબજો લોકો એવા છે જેઓ ગરીબ છે. તો એવા ઘણા લોકો છે જેઓ ભીખ માંગીને પોતાનું ગુજરાન ચલાવવા માટે મજબૂર છે. વિશ્વમાં એક એવું શહેર પણ છે, જ્યાં લોકોને ભીખ માંગવા માટે લાયસન્સ મેળવવું પડે છે.
આ પણ વાંચો Japan Citizenship: કેવી રીતે મેળવશો જાપાનની નાગરિકતા? જાણો પુરી પ્રક્રિયા
આ શહેર યુરોપિયન દેશ સ્વીડનમાં આવેલું ‘એસ્કિલ્સ્ટુના’ (Eskilstuna) છે. લગભગ એક લાખની વસ્તી ધરાવતું આ શહેર સ્વીડનની રાજધાની સ્ટોકહોમની પશ્ચિમે આવેલું છે. થોડા વર્ષો પહેલા અહીં ભિખારીઓ માટે લાયસન્સ ફરજિયાત બનાવવામાં આવ્યું હતું.
લાયસન્સ મેળવવા માટે ભરવી પડશે ફી
આ નિયમનો અર્થ એ છે કે જો કોઈ વ્યક્તિ અહીંના લોકો પાસેથી ભીખ માંગે છે, તો તેણે પહેલા તેના માટે પરવાનગી લેવી પડશે. તેના માટે ફી પણ ચૂકવવી પડશે, પછી જ આ પરવાનગી મળશે. આ નિયમ 2019માં જ લાગુ કરવામાં આવ્યો હતો. આ નિયમ હેઠળ લાયસન્સ મેળવવા માટે માન્ય આઈડી કાર્ડ આપવું પડશે, આ સિવાય 250 સ્વીડિશ ક્રોના (સ્વીડનનું ચલણ) મહિને લાયસન્સ ફી ભરવી પડશે.
છેલ્લા ઘણા વર્ષોથી સ્વીડનના વિવિધ શહેરોમાં ભીખ માંગવા પર પ્રતિબંધ છે. અહીંના શહેરોના અમુક વિસ્તારોમાં ભીખ માંગવાની બિલકુલ મંજૂરી નથી. તો અમુક શહેરોમાં ભીખ માંગવા માટે ફી ભરીને લાયસન્સ લેવું પડે છે. આ પ્રકારના નિયમને લઈને ટીકાઓ થઈ છે, પરંતુ શાસક નેતાઓ માને છે કે આવી ટીકા માત્ર એક ઢોંગ છે.
સ્વીડનમાં ભીખારીઓ કેટલું કમાય છે
સ્વીડનના તમામ શહેરોમાં અંદાજે 5 હજારથી વધુ ભિખારીઓ છે, જેઓ આજીવિકા માટે ભીખ માંગવાના ઈરાદાથી સ્વીડનમાં આવતા હોય છે. તેમના પોતાના અંગત નિવેદન મુજબ, તેઓ સ્વીડનમાં એક દિવસમાં એટલી કમાણી કરી રહ્યા છે જેટલી તેઓ તેમના દેશમાં એક મહિનામાં કમાય છે. સ્વીડન આવતા ભિખારીઓ ઘણીવાર ત્રણ મહિનાના રોકાણ પછી તેમના દેશમાં પાછા ફરે છે.
નોલેજના તમામ સમાચાર વાંચવા માટે અહીં ક્લિક કરો
