આ છે વિશ્વની સૌથી મોટી કાર ફેક્ટરી, એક આખા દેશ કરતાં પણ મોટી; જ્યાં દર 16 સેકન્ડે તૈયાર થાય છે એક નવી કાર !

જો તમને પૂછવામાં આવે કે દુનિયાની સૌથી મોટી મેન્યુફેક્ચરિંગ ફેક્ટરી (Largest Manufacturing Plant) કઈ છે. તો કદાચ તમારા મગજમાં ટેસ્લા કે એપલનું નામ આવે. પરંતુ વાસ્તવમાં આ તાજ દુનિયાની દિગ્ગજ ઓટોમોબાઈલ કંપની Volkswagen (ફોક્સવેગન) પાસે છે.

જર્મનીના વુલ્ફ્સબર્ગ શહેર સ્થિત, ફોક્સવેગનનો મુખ્ય પ્લાન્ટ એટલો વિશાળ છે કે તેમાં એક આખું શહેર સમાઈ શકે છે. આ ફેક્ટરી ફક્ત એક મેન્યુફેક્ચરિંગ પ્લાન્ટ નથી; તે એક ‘મિનિ સિટી’ છે.

મોનાકો દેશ કરતા ત્રણ ગણી મોટી છે આ કંપની

વુલ્ફ્સબર્ગ પ્લાન્ટ કુલ 65 લાખ વર્ગ મીટર (આશરે 1,600 એકર) માં ફેલાયેલી છે. તેને આવરી લેવામાં આવેલા ફેક્ટરી હોલનું ક્ષેત્રફળ 1.6 વર્ગ કિલોમીટર છે—જે યુરોપના મોનાકો દેશ કરતાં પણ ઘણો મોટો છે.

દર 16 સેકન્ડે તૈયાર થાય છે એક કાર

આ પ્લાન્ટની ઉત્પાદન ગતિ નોંધપાત્ર છે; સરેરાશ, દર 16 સેકન્ડે એક નવી કાર એસેમ્બલી લાઇન પરથી સંપૂર્ણપણે બનીને બહાર આવે છે. આ પ્લાન્ટમાં દરરોજ લગભગ 4000 કારનું ઉત્પાદન કરવાની ક્ષમતા છે. તે મુખ્યત્વે ગોલ્ફ, ટિગુઆન અને ટુરાન જેવા પ્રખ્યાત ફોક્સવેગન મોડેલ્સનું ઉત્પાદન કરે છે.

ફેક્ટરીની અંદર 60 કિમી લાંબો રેલવે ટ્રેક !

ફેક્ટરી એટલી વિશાળ છે કે કર્મચારીઓ એક છેડાથી બીજા છેડા સુધી ચાલીને જઈ શકતા નથી. તેની અંદરનું ઈન્ફ્રાસ્ટ્રક્ચર કોઈ શહેરને માત આપે તેવુ છે. આ પ્લાન્ટમાં 75 કિલોમીટર સુધી ફેલાયેલું રોડ નેટવર્ક છે. માલ અને ભાગોના પરિવહન માટે ફેક્ટરીની અંદર 60 કિમી લાંબો રેલવે ટ્રેક ચાલે છે, જે સાત લોકોમોટિવ અને શન્ટિંગ રોબોટ્સ દ્વારા ચોવીસ કલાક કાર્યરત છે.

70,000 કર્મચારીઓની ફૌજ

આ ફેક્ટરી રોજગારનું એ વિશાળ કેન્દ્ર છે, જે આશરે 60,000 થી 70,000 કર્મચારીઓ કામ કરે છે. આ પ્લાન્ટમાં કામ કરનારા લોકોની વસતી અનેક નાના શહેરોની કૂલ વસતી કરતા પણ વધુ છે.

પોતાનો પાવર પ્લાન્ટ

આ વિશાળ ફેક્ટરી બાહ્ય વીજળી પર આધાર રાખતી નથી; તે તેના પરિસરમાં બે મોટા પાવર પ્લાન્ટ ધરાવે છે. રસપ્રદ વાત એ છે કે, આ પાવર પ્લાન્ટ માત્ર ફેક્ટરીને વીજળી અને હીટ જ નહીં પરંતુ સમગ્ર વુલ્ફ્સબર્ગ શહેરને ગરમી પણ પૂરી પાડે છે.

1938 માં શરૂ થઈ સફર

આ ઐતિહાસિક પ્લાન્ટનો પાયો 1938 માં નાખવામાં આવ્યો હતો. તે ફોક્સવેગન બીટલનું જન્મસ્થળ હતું – વિશ્વની સૌથી પ્રતિષ્ઠિત અને પ્રખ્યાત કારોમાંની એક – જે દાયકાઓથી આ સ્થાનથી વૈશ્વિક સ્તરે સપ્લાય કરવામાં આવતી હતી. હવે, પ્લાન્ટ ઇલેક્ટ્રિક (EV) અને સ્વાયત્ત વાહનોના ભવિષ્ય માટે ઝડપથી પોતાને અપગ્રેડ કરી રહ્યું છે.

જ્યારે માનવજાતે પહેલીવાર આફ્રિકાની બહાર પગ રાખ્યો હશે… પછી શું થયુ?- વાંચો