ઉત્તર કોરિયા તરફથી ખતરો વધ્યો, ઓલિમ્પિક બાદ ચીન કરશે હથિયાર પરીક્ષણ, અમેરિકાએ જાપાન-દક્ષિણ કોરિયા સાથે બેઠક યોજી
Meeting on North Korea: ઉત્તર કોરિયાના સતત વધી રહેલા ખતરાને જોતા અમેરિકા, જાપાન અને દક્ષિણ કોરિયાના અધિકારીઓએ બેઠક યોજી છે. ત્રણેય દેશોનું કહેવું છે કે, ઉત્તર કોરિયાના મિસાઈલ પરીક્ષણો સુરક્ષાને અસ્થિર કરી રહ્યા છે.
Meeting on North Korea: અમેરિકી વિદેશ મંત્રી એન્ટની બ્લિંકને (US Secretary of State Antony Blinken) શનિવારે જાપાન અને દક્ષિણ કોરિયાના તેમના સમકક્ષો સાથે પરમાણુ સશસ્ત્ર ઉત્તર કોરિયા (North Korea)ના ખતરા અંગે ચર્ચા કરવા બેઠક યોજી હતી. બ્લિંકને હોનોલુલુમાં જાપાનના વિદેશ મંત્રી યોશિમાસા હયાશી અને દક્ષિણ કોરિયાના વિદેશ મંત્રી ચુંગ યુ-યોંગ સાથે મુલાકાત કરી. ત્રણેય દેશોના સંરક્ષણ વડાઓએ ગયા અઠવાડિયે કહ્યું હતું કે, ઉત્તર કોરિયાના તાજેતરના મિસાઈલ પરીક્ષણો (Missile Test) ક્ષેત્રીય સુરક્ષાને અસ્થિર કરી રહ્યા છે.
કેટલાક નિષ્ણાતો કહે છે કે ઉત્તર કોરિયા અને યુનાઈટેડ સ્ટેટ્સમાં દાયકાઓથી ચાલતા ગેરવહીવટને કારણે લાંબા સમયથી અટકેલી પરમાણુ વાટાઘાટો ફરી શરૂ કરવા માટે ઉત્તર કોરિયા રાષ્ટ્રપતિ જો બાઈડનના વહીવટીતંત્ર પર દબાણ કરવા માટે હથિયારનું પરીક્ષણ કરી રહ્યું છે.
વિન્ટર ઓલિમ્પિકના કારણે પરિક્ષણ રોકવામાં આવ્યું
ઉત્તર કોરિયા તેના સૌથી મહત્વપૂર્ણ સાથી ચીનમાં શિયાળુ ઓલિમ્પિકના કારણે તેના પરીક્ષણો અટકાવી રહ્યું હોય તેવું લાગે છે, તાજેતરના પરીક્ષણોએ ઉત્તર કોરિયાના પાડોશી દક્ષિણ કોરિયા અને જાપાનને આંચકો આપ્યો છે. 2018 અને 2019માં ઉત્તર કોરિયાના નેતા કિમ જોંગ ઉન અને ભૂતપૂર્વ રાષ્ટ્રપતિ ડોનાલ્ડ ટ્રમ્પ વચ્ચે ઐતિહાસિક વાટાઘાટો શરૂ કરવામાં મદદ કરનાર દક્ષિણ કોરિયાના રાષ્ટ્રપતિ મૂન જે-ઈને ગયા મહિને કહ્યું હતું કે આ પરીક્ષણ યુએન સુરક્ષા પરિષદના ઠરાવોનું ઉલ્લંઘન હશે.
2006માં પ્રથમ પરમાણુ પરીક્ષણ
ઉત્તર કોરિયાએ 2006માં તેનું પહેલું પરમાણુ પરીક્ષણ કર્યું હતું, ત્યારબાદ સુરક્ષા પરિષદે તેના પર પ્રતિબંધો લગાવ્યા હતા. ત્યાર પછીના પરમાણુ પરીક્ષણો પછી આ પ્રતિબંધો વધુ કડક કરવામાં આવ્યા હતા. ચીન અને રશિયાએ ઉત્તર કોરિયાની આર્થિક મુશ્કેલીઓને ટાંકીને સીફૂડની નિકાસ પર પ્રતિબંધ અને તેના નાગરિકો પર વિદેશમાં કામ કરવા અને તેમની કમાણી ઘરે મોકલવા પર પ્રતિબંધ જેવા નિયંત્રણો હટાવવાની હાકલ કરી છે.
યુએસ સેક્રેટરી ઓફ સ્ટેટ ફિજીની પ્રથમ મુલાકાતે
1985 પછી યુએસના વિદેશ મંત્રીની ફિજીની આ પ્રથમ મુલાકાત હતી. તેણે ઓસ્ટ્રેલિયાથી તેના પેસિફિક પ્રવાસની શરૂઆત કરી, જ્યાં તે ઓસ્ટ્રેલિયા, ભારત અને જાપાનના તેના સમકક્ષોને મળ્યા. ‘ક્વાડ’એ ઈન્ડો-પેસિફિકના આ ચાર લોકશાહી દેશોનું એક જૂથ છે, જે ચીનના પ્રાદેશિક પ્રભાવનો સામનો કરવા માટે બનાવવામાં આવ્યું છે.
આ પણ વાંચો : Ukraine Crisis 2022: યુક્રેન પર થશે હુમલો? બાઇડન-પુતિને 62 મિનિટની વાતચીત કરી, ડઝનેક દેશોએ નાગરિકોને દેશ છોડવા કહ્યું
