Breaking News : યુદ્ધ મોટું થશે કે નિવેડો આવશે..! આતંકવાદને આશરો આપનાર ‘નાપાક’ દેશ પાકિસ્તાનમાં જ અમેરિકા – ઈરાનની બેઠક શરૂ

ઇસ્લામાબાદમાં અમેરિકા અને ઈરાન વચ્ચે મહત્વપૂર્ણ વાતચીત શરૂ થઈ છે. આ બેઠક પહેલા ઈરાની સંસદના સ્પીકર Mohammad Bagher Ghalibaf અને અમેરિકાના ઉપપ્રમુખ JD Vanceએ પાકિસ્તાનના વડાપ્રધાન Shehbaz Sharif સાથે મુલાકાત કરી હતી, જે બાદ આ ચર્ચાનો માર્ગ સુગમ બન્યો છે.

પાકિસ્તાની અધિકારીઓ બન્યા ટપાલી

પાકિસ્તાની સરકારી સૂત્રોના જણાવ્યા અનુસાર, વાતચીત સાંજે લગભગ 4 વાગ્યે શરૂ થઈ હતી અને આ ચર્ચા ઇસ્લામાબાદની સેરેના હોટેલમાં ચાલી રહી છે. શરૂઆતમાં, આ પ્રક્રિયા સીધી નહીં પરંતુ મધ્યસ્થી દ્વારા આગળ વધારી રહી છે. પાકિસ્તાની અધિકારીઓ બંને દેશો વચ્ચે સંદેશાઓની આપ-લે કરી રહ્યા છે. જો વાતાવરણ અનુકૂળ રહેશે અને ચર્ચા સકારાત્મક દિશામાં આગળ વધશે, તો આગળ જઈને બંને દેશો વચ્ચે સીધી વાતચીત પણ થઈ શકે છે.

સૂત્રો મુજબ, ઈરાનનું પ્રતિનિધિમંડળ શુક્રવારે રાત્રે ઇસ્લામાબાદ પહોંચ્યું હતું, જ્યારે અમેરિકાનું પ્રતિનિધિમંડળ શનિવારે સવારે અહીં આવ્યું હતું. બંને પક્ષોની હાજરી બાદ ચર્ચા પ્રક્રિયા ઝડપથી શરૂ કરવામાં આવી.

રિપોર્ટ્સ ઈરાનને મજબૂત બતાવે છે…

આ દરમિયાન અમેરિકાના પૂર્વ પ્રમુખ Donald Trumpએ ઈરાન અંગે કડક નિવેદન આપ્યું છે. તેમણે કહ્યું છે કે ઈરાન આ સંઘર્ષમાં “ખરાબ રીતે હારી રહ્યું છે”. સોશિયલ મીડિયા પ્લેટફોર્મ પર કરેલી પોતાની પોસ્ટમાં તેમણે દાવો કર્યો કે કેટલીક મીડિયા રિપોર્ટ્સ ઈરાનને મજબૂત બતાવે છે, પરંતુ હકીકતમાં સ્થિતિ સંપૂર્ણપણે વિપરીત છે.

ટ્રમ્પે પોતાના દાવાઓમાં કહ્યું કે ઈરાનની નૌકાદળ અને વાયુસેના ભારે નુકસાનમાં ગઈ છે, તેમની હવાઈ સુરક્ષા પ્રણાલીઓ નાબૂદ થઈ ગઈ છે અને મિસાઈલ તથા ડ્રોન બનાવતી ફેક્ટરીઓનો મોટાભાગે નાશ થયો છે. તેમણે વધુમાં ઉમેર્યું કે ઈરાનની રડાર સિસ્ટમ પણ અસરગ્રસ્ત થઈ છે, જેના કારણે તેની રક્ષણ ક્ષમતા નબળી પડી છે.

હોર્મુઝ સ્ટ્રેટને લઈને પણ ટ્રમ્પે મહત્વપૂર્ણ નિવેદન આપ્યું. તેમણે કહ્યું કે ઈરાન દ્વારા દરિયામાં ખાણો નાખવાના પગલે હવે અમેરિકા વિશ્વના હિતમાં આ માર્ગને સુરક્ષિત બનાવવાની કામગીરી શરૂ કરી રહ્યું છે.

આ સમગ્ર પરિસ્થિતિ વચ્ચે ઇસ્લામાબાદમાં ચાલી રહેલી વાતચીત બંને દેશો વચ્ચે તણાવ ઘટાડવા માટે કેટલું સફળ રહેશે, તે આવનારા સમયમાં સ્પષ્ટ થશે.