Military Helicopter Crash : ઇઝરાયલમાં હાઇફાના દરિયાકાંઠે મિલ્ટ્રી હેલિકોપ્ટર ક્રેશ થતા બે પાઇલોટના કરુણ મોત
સોમવારે રાત્રે ઇઝરાયલમાં (Israel) હેલિકોપ્ટર ક્રેશની મોટી દુર્ઘટના બની હતી. આ દુર્ઘટનામાં બે પાયલોટના મોત થયા છે.
સોમવારે રાત્રે ઇઝરાયલમાં (Israel) એક મોટી દુર્ઘટના બની હતી. જ્યારે ઉત્તર ઇઝરાયેલમાં હાઇફાના દરિયાકાંઠે લશ્કરી હેલિકોપ્ટર ક્રેશ (Military Helicopter Crash) થયું હતું. આ દુર્ઘટનામાં બે પાયલોટના મોત થયા છે. દુર્ઘટના અંગે સેનાએ કહ્યું છે કે ક્રૂ મેમ્બર પણ ઘાયલ થયા છે અને તેને હોસ્પિટલમાં લઈ જવામાં આવ્યા છે. તેને સામાન્ય ઈજાઓ થઈ છે. હાલમાં ઘાયલ ક્રૂ મેમ્બરની હાલત સ્થિર છે અને તેને વોર્ડમાં સારવાર આપવામાં આવી રહી છે.
હોસ્પિટલે કહ્યું છે કે ક્રૂ મેમ્બરને વધુ સારવાર માટે ICUમાં ખસેડવામાં આવશે. આ ઘટના બાદ એરફોર્સના કમાન્ડિંગ ઓફિસરે અકસ્માતની તપાસ શરૂ કરી છે અને ટ્રેનિંગ ફ્લાઈટ્સ તેમજ મરીન પેન્થર હેલિકોપ્ટરના ઉપયોગને કામચલાઉ સ્થગિત કરવાનો આદેશ આપ્યો છે. ઇઝરાયેલના વાયુસેનાના વડા એમિકમ નોર્કિને ક્રેશ થતા તમામ હેલિકોપ્ટરને ગ્રાઉન્ડ પરથી ઉતારી દીધા છે. તમામ વાયુસેના પ્રશિક્ષણ ઉડાનો અટકાવી દીધા અને ક્રેશની તપાસ માટે એક ટીમની નિમણૂક કરી છે.
Video apparently shows the moment the helicopter crashed off the coast of Haifa. pic.twitter.com/Uqm8yldxIP
— Emanuel (Mannie) Fabian (@manniefabian) January 3, 2022
અકસ્માત અંગે નાગરિકોએ પોલીસને જાણ કરી હતી બચાવ કરાયેલા ક્રૂ મેમ્બરને નેવલ પોલીસ દ્વારા કિનારાથી દોઢ માઈલ દૂર પાણીમાંથી ખેંચવામાં આવ્યો હતો, ત્યારબાદ અકસ્માતના સાક્ષી બનેલા નાગરિકોએ પોલીસને બોલાવી હતી. ઇજાગ્રસ્ત ક્રૂ મેમ્બરને ત્યારબાદ હાઇફાના નેવલ બેઝ પર લાવવામાં આવ્યો હતો અને બાદમાં રામબામ હેલ્થ કેર કેમ્પસમાં લઈ જવામાં આવ્યો હતો.
IDFએ એક નિવેદનમાં જણાવ્યું છે કે પાઇલટ્સના પરિવારજનોને જાણ કરવામાં આવી છે. સેનાએ કહ્યું કે ક્રૂ મેમ્બર પેટ્રોલિંગ ઓફિસર હતા. ક્રેશ થયેલા હેલિકોપ્ટર મોડલમાં સામાન્ય રીતે પાઇલટ, એક સાથી અને નૌસેના અધિકારી હોય છે.
જે હેલિકોપ્ટર ક્રેશ થયું તે યુરોકોપ્ટર AS565 પેન્થર હતું, જેને IAF દ્વારા “અતાલેફ” અથવા બેટ તરીકે ઓળખવામાં આવે છે. એરક્રાફ્ટનો ઉપયોગ મુખ્યત્વે સમુદ્રમાં મિશન માટે થાય છે કારણ કે તે ઇઝરાયેલી નૌકાદળના મિસાઇલ જહાજો પર ઉતરાણ કરવા સક્ષમ છે, ખાસ કરીને સા’આર-5 વર્ગના મોડલ છે. સૈન્યના જણાવ્યા અનુસાર, હેલિકોપ્ટર તાલીમ અભ્યાસમાં ભાગ લઈ રહ્યું હતું ત્યારે તે ક્રેશ થઈને નીચે પડ્યું હતું.
આ પણ વાંચો : કોરોના નિયમોનું ઉલંઘન કરતા લોકોની ખેર નથી: AMCએ બે દિવસમાં માસ્ક વગરના આટલા લોકોને ફટકાર્યો દંડ
