UAEમાં મળી સૌથી જૂની ઈમારતો, પુરાતત્વવિદોને મળી મોટી સફળતા, 8500 વર્ષ જૂનો છે અહીંનો ઈતિહાસ
સંયુક્ત આરબ અમીરાત (UAE)માં પુરાતત્વવિદોએ દેશની સૌથી જૂની ઇમારતો શોધી કાઢી છે. આ ઇમારતો ઓછામાં ઓછી 8,500 વર્ષ જૂની છે. આ ઇમારતો ઓછામાં ઓછી 8,500 વર્ષ જૂની છે.
સંયુક્ત આરબ અમીરાત (UAE)માં પુરાતત્વવિદોએ દેશની સૌથી જૂની ઇમારતો (UAE Oldest Building) શોધી કાઢી છે. આ ઇમારતો ઓછામાં ઓછી 8,500 વર્ષ જૂની છે. અબુ ધાબીના સંસ્કૃતિ અને પર્યટન વિભાગે (Abu Dhabi Department of Culture and Tourism) ગુરુવારે એક અખબારી યાદીમાં જણાવ્યું હતું કે, તે અગાઉ માનવામાં આવતી સૌથી જૂની ઇમારત કરતાં 500 વર્ષ જૂની છે. આ ઇમારતો વિભાગ દ્વારા ચલાવવામાં આવેલા પુરાતત્વીય કાર્યક્રમ દરમિયાન મળી આવી હતી. આ ઈમારતો અબુ ધાબી શહેરની પશ્ચિમે ઘાઘા ટાપુ (Ghagha island) પર આવેલી છે.
અખબારી યાદીમાં જણાવવામાં આવ્યું છે કે, જે ઈમારતો શોધી કાઢવામાં આવી છે તે સામાન્ય રાઉન્ડ રૂમ જેવી જ રચના ધરાવે છે. આ રૂમની દિવાલો પથ્થરોથી બનેલી છે, જેની ઊંચાઈ લગભગ એક મીટર છે અને તે હજુ પણ સુરક્ષિત છે. ઇમારતોની શોધ કરનાર ટીમે એક નિવેદનમાં જણાવ્યું હતું કે, આ ઇમારતો નાના સમુદાયના ઘરો હોઈ શકે છે, જે આખું વર્ષ ટાપુ પર રહેતા હશે. તેમણે કહ્યું કે, આ શોધ નિયોલિથિક વસાહતોનું અસ્તિત્વ દર્શાવે છે જે લાંબા-અંતરના દરિયાઈ વેપાર માર્ગો વિકસિત થયા પહેલા અસ્તિત્વમાં હતી. આ પણ દર્શાવે છે કે વસાહતોના સમાધાન માટે કોઈ નક્કર કારણ નહોતું.
5000 વર્ષ જૂની દફનાવવામાં આવેલી લાશ પણ મળી આવી હતી
આ શોધ દરમિયાન સેંકડો કલાકૃતિઓ પણ મળી આવી છે. અહીં ઝીણવટથી બનાવેલા પથ્થરના તીરો પણ છે, જેનો ઉપયોગ શિકાર માટે કરવામાં આવ્યો હશે. ટીમે કહ્યું કે એવી સંભાવના છે કે, અહીં રહેતા લોકોએ સમુદ્રના સમૃદ્ધ સંસાધનોનો પણ ઉપયોગ કર્યો હશે. જો કે, પુરાતત્વવિદો હજુ પણ અનિશ્ચિત છે કે આ સ્થળનો ઉપયોગ કેટલા સમયથી થયો હશે. વાસ્તવમાં અહીં એક દટાયેલો મૃતદેહ મળી આવ્યો છે, જે લગભગ 5000 વર્ષ જૂનો છે. તે સમય દરમિયાન અબુ ધાબીમાં દફનાવવામાં આવેલા કેટલાક મૃતદેહોમાંથી તે એક હોઈ શકે છે.
અબુધાબીના ટાપુઓ ફળદ્રુપ હતા
વિભાગના અધ્યક્ષ મોહમ્મદ અલ મુબારકે જણાવ્યું હતું કે, ઘાઘા ટાપુ પરની શોધ દર્શાવે છે કે ઈનોવેશન, સ્થિરતા અને સ્થિતિસ્થાપકતાની લાક્ષણિકતાઓ હજારો વર્ષોથી પ્રદેશના રહેવાસીઓના ડીએનએનો ભાગ છે. યુનાઈટેડ આરબ અમીરાતમાં સૌથી જૂની જાણીતી ઈમારતો માટેનો અગાઉનો રેકોર્ડ અબુ ધાબીના દરિયાકિનારે મારવા ટાપુ પર શોધાયેલ માળખામાં જોવા મળ્યો હતો. અહીં 2017માં વિશ્વનું સૌથી જૂનું મોતી મળ્યું હતું. ટીમે કહ્યું કે, નવી શોધ સૂચવે છે કે અબુ ધાબીના ટાપુઓ શુષ્ક અને દુર્ગમ હોવાની જગ્યાએ ફળદ્રુપ હતા. જેના કારણે અહીં લોકોએ વસાહતો જમાવી હતી.
આ પણ વાંચો: CISF Recruitment 2022: ધોરણ 12 પાસ માટે CISFમાં કોન્સ્ટેબલની ભરતી, જાણો પગાર અને અરજીની વિગતો
આ પણ વાંચો: IAF Recruitment 2022: ભારતીય વાયુસેનામાં એપ્રેન્ટિસની જગ્યા માટે ભરતી, જાણો કોણ કરી શકે છે અરજી
