ભારતના પાડોશી દેશ પાકિસ્તાનમાં (Pakistan) હાલમાં રોટલીના પણ ફાંફા છે. ઇમરાન ખાનના રાજમાં મોંઘવારી (Inflation) સતત વધી રહી છે. જનતા મોંઘવારીના કારણે પરેશાન છે લોકોને પેટ ભરીને ખાવા નથી મળી રહ્યુ અને આવી પરિસ્થિતીમાં જનતાની મદદ કરવાની બદલે ઇમરાન ખાનની સરકારના નેતા લોકોને અજીબો ગરીબ સલાહ આપતા જોવા મળ્યા. તેમની આ સલાહ બદલ સોશિયલ મીડિયામાં (Social Media) તે હાલમાં ટ્રોલ થઇ રહ્યા છે.
પીઓકે અને ગિલગિટ બાલ્ટિસ્તાન મામલાના મંત્રી અલી અમીન ગંડાપુરે (Ali Amin Gandapur) થોડા દિવસો પહેલા એક સભામાં ભાષણ આપતી વખતે લોકોને મોંઘવારી સામે લડવા માટે ઓછી રોટલી અને સાકર ખાવાની સલાહ આપી દીધી.
અમીન ગંડાપુરે કહ્યું, ‘હું ચામાં ખાંડના સો દાણા નાખું છું, જો હું નવ દાણા ઓછા નાખું તો ચાનો સ્વાદ ઓછો મીઠો થશે ? આપણે ઘણા નબળા બની ગયા છીએ કે આપણા દેશ અને આપણી જાતિ માટે આટલું બલિદાન આપી શકતા નથી.
તાજેતરમાં પાકિસ્તાન સ્ટેટિસ્ટિક્સ બ્યુરો દ્વારા જાહેર કરવામાં આવેલા આંકડા મુજબ સપ્ટેમ્બરમાં કન્ઝ્યુમર પ્રાઇસ ઇન્ડેક્સ 9 ટકા નોંધાયો હતો. મોંઘવારીમાં વધારો થવાને કારણે ત્યાંના લોકોને રોજબરોજની વસ્તુઓ ખરીદવામાં વધુ પૈસા ખર્ચવા પડે છે.
ઇમરાન ખાનથી નથી સચવાઇ રહ્યો દેશ
ઇમરાન ખાને જ્યારથી પાકિસ્તાનની સરકાર સંભાળી છે ત્યારથી પાકિસ્તાનમાં મોંઘવારીનો દર સતત વધી રહ્યો છે. ક્યારે પાકિસ્તાનમાં ટામેટા મોંઘા થઇ જાય છે તો ક્યારે રોટલીના ફાંફા પડી જાય છે. લોકો ઇમરાન ખાનની સરકાની ખૂબ આલોચના કરી રહ્યા છે. લોકોનું કહેવું છે કે ઇમરાન ખાનને દેશ ચલાવતા નથી આવડતું જેના કારણે પ્રજાને હાલાકી પડી રહી છે. લોકોનું કહેવું છે કે સરકારની નવી નીતિઓના કારણે મોંઘવારીનો દર ઉંચો જઇ રહ્યો છે.
આ પણ વાંચો –
આ પણ વાંચો –
આ પણ વાંચો –