Pakistan news : પાકિસ્તાને માણસાઈ પણ મૂકી નેવે, રસ્તા વચ્ચે મહિલાઓના કપડાં ઉતારીને ફટકાર્યા ડંડા

Women Assaulted in Pakistan: પાકિસ્તાનના (pakistan) પંજાબ(Punjab) પ્રાંતમાં એક ખૂબ જ નિંદનીય ઘટના સામે આવી છે. અહીં રસ્તા વચ્ચે 15-20 મુસ્લિમ પુરુષોએ ચાર મહિલાઓના કપડાં ફાડી નાખી લાકડીઓ વડે માર માર્યો હતો. આ પછી આ ઘટનાનો વીડિયો પણ બનાવ્યો હતો. આ મામલો પાકિસ્તાનની સ્થાનિક બજારનો છે.

આ મહિલાઓ કચરો ઉપાડવાનું કામ કરે છે. જ્યારે તેને તરસ લાગી ત્યારે તેણે એક દુકાનમાંથી પાણી માંગ્યું. જે બાદ દુકાનદારે તેના પર ચોરીનો આરોપ લગાવ્યો. ત્યારબાદ તેઓને નિર્દયતાથી માર મારવામાં આવ્યો હતો.

પીડિતોએ પોલીસને જણાવ્યું કે કેટલાક શખ્સોએ તેમનો પીછો કરીને દુકાનની બહાર કાઢ્યા હતા. ત્યારબાદ તેમના કપડા ઉતારી લેવામાં આવ્યા અને સમગ્ર ઘટનાની વીડિયોગ્રાફી પણ કરવામાં આવી હતી. આ મામલે કાર્યવાહી કરતા પોલીસે દુકાનના માલિક ત્યાં કામ કરતા ત્રણ લોકો અને અન્ય એક વ્યક્તિને કસ્ટડીમાં લીધો છે. દુકાનના માલિકે પોલીસને જણાવ્યું હતું કે દુકાનમાંથી ચોરી કર્યા બાદ મહિલાઓએ જાતે જ પોતાના કપડા ઉતાર્યા હતા.

શ્રીલંકાના નાગરિકની હત્યા
આ ઘટના માત્ર પાકિસ્તાનમાં માનવતા ખતમ થવાની સાક્ષી નથી. તેના બદલે થોડા દિવસો પહેલા આ જ પ્રાંતના સિયાલકોટમાં શ્રીલંકાના એક નાગરિકને માર મારવામાં આવ્યો હતો અને પછી તેના મૃતદેહને સળગાવી દેવામાં આવ્યો હતો. તેમની ઘાતકી હત્યાની ઘટના માત્ર પાકિસ્તાન અને શ્રીલંકામાં જ નહીં પરંતુ સમગ્ર વિશ્વમાં નિંદા કરવામાં આવી હતી.

આ ઘટના તહરીક-એ-લબ્બેક પાકિસ્તાન (TLP)ના સમર્થકો દ્વારા કરવામાં આવી હતી. આ પાકિસ્તાનનું ઈસ્લામિક કટ્ટરવાદી સંગઠન છે. જેને સરકારે આતંકવાદી સંગઠન જાહેર કર્યું હતું. પરંતુ તેણે દેશમાં એવો હંગામો મચાવ્યો કે સરકારે દબાણમાં આવીને તેના પરનો પ્રતિબંધ હટાવી લીધો હતો.

ઈમરાન ખાને શું કહ્યું?
આ ઘટના પર પાકિસ્તાનના વડાપ્રધાન ઈમરાન ખાને (PM Imran Khan) કહ્યું કે તેમની સરકાર ધર્મના નામે ટોળાની હિંસા સહન કરશે નહીં અને તેના માટે જવાબદાર લોકોને પણ છોડશે નહીં. પંજાબ પ્રાંતના સિયાલકોટમાં ગયા અઠવાડિયે નિંદાના આરોપમાં હત્યા કરાયેલી શ્રીલંકાના નાગરિક પ્રિયંતા કુમારા માટે વડા પ્રધાનના કાર્યાલયમાં તેઓ શોકસભાને સંબોધિત કરી રહ્યા હતા.

આ પણ વાંચો : Delhi Air Pollution: સતત ત્રીજા દિવસે દિલ્લીવાસીઓને મળી રાહત ! AQI ઘટીને 235 પર આવી ગયો

આ પણ વાંચો : Omicron Variant : ઓમિક્રોનના ભય વચ્ચે WHOએ આપી યુરોપની ચેતવણી, ‘5 થી 14 વર્ષની વયના બાળકોમાં વધ્યું સંક્ર્મણ