North Korea Missile Test: વિશ્વને ‘ડરાવવા’માં વ્યસ્ત ઉત્તર કોરિયા, પહેલા કરી મિસાઈલ લોન્ચ અને હવે દરિયામાં ગોળીબાર

ઉત્તર કોરિયાએ (North Korea) ફરી એકવાર હથિયારોનું પરીક્ષણ શરૂ કર્યું છે. કિમ જોંગ ઉનના (Kim Jong Un) દેશે રવિવારે દરિયામાં ગોળીબાર કર્યો હતો. દક્ષિણ કોરિયાની સેનાએ આ જાણકારી આપી છે. આના થોડા દિવસો પહેલા ઉત્તર કોરિયાએ પણ મિસાઈલ પરીક્ષણ કર્યું હતું, જે નિષ્ફળ સાબિત થયું હતું. આ નિષ્ફળ મિસાઈલ પરીક્ષણ બાદ એવી અટકળો ચાલી રહી છે કે ઉત્તર કોરિયા તેના શસ્ત્રાગારને વધારતા તેની લાંબા અંતરની બેલેસ્ટિક મિસાઈલનું પરીક્ષણ કરવાનો પ્રયાસ કરી શકે છે. ઉત્તર કોરિયા આ વર્ષની શરૂઆતથી સતત પરીક્ષણ કરી રહ્યું છે.

દક્ષિણ કોરિયાના સંરક્ષણ મંત્રાલયે રવિવારે જણાવ્યું હતું કે તેણે ઉત્તર કોરિયાના પશ્ચિમ કિનારેથી ગોળીબાર કરતી સંભવિત મલ્ટીપલ રોકેટ લોન્ચર સિસ્ટમ શોધી કાઢી છે. મંત્રાલયે કહ્યું કે, દક્ષિણ કોરિયાની સેના ઉત્તર કોરિયાના પગલા પર નજીકથી નજર રાખે છે અને તૈયાર છે. દક્ષિણ કોરિયાના રાષ્ટ્રપતિ કાર્યાલયે અન્ય એક નિવેદનમાં જણાવ્યું હતું કે તે ઉત્તરના “ટૂંકા અંતરના પ્રક્ષેપણોના લોન્ચ” પર ચર્ચા કરવા માટે રાષ્ટ્રીય સુરક્ષા પરિષદની કટોકટી બેઠક યોજશે. કાઉન્સિલના સભ્યો યુએસ સાથે મળીને તેનું વિશ્લેષણ કરી રહ્યા છે. નિવેદનમાં કહેવામાં આવ્યું છે કે દક્ષિણ કોરિયા તેની સૈન્ય ક્ષમતા વધારશે.

ઉત્તર કોરિયા હ્વાસોંગ-17 સિસ્ટમના પ્રક્ષેપણમાં વ્યસ્ત

રાષ્ટ્રપતિ મૂન જે-ઈનનો પાંચ વર્ષનો કાર્યકાળ મે મહિનામાં પૂરો થાય છે. નવા ચૂંટાયેલા રાષ્ટ્રપતિ યુન સુક યેઓલ તેમનું સ્થાન લેશે. તેઓ ભૂતપૂર્વ વકીલ છે. યૂને કહ્યું છે કે, તે અમેરિકા સાથે પોતાનો સંરક્ષણ સહયોગ વધારશે અને ઉત્તર કોરિયાના પરમાણુ ખતરાનો સામનો કરવા માટે અમેરિકાની મદદ લેશે. બુધવારે નિષ્ફળ મિસાઇલ પ્રક્ષેપણ ઉત્તર કોરિયા દ્વારા આ વર્ષે 10મું શસ્ત્ર પ્રક્ષેપણ હતું. યુએસ અને દક્ષિણ કોરિયાની સૈન્યએ કહ્યું છે કે, તેઓ માને છે કે બુધવાર પહેલા ઉત્તર કોરિયાના શસ્ત્રોનું પ્રક્ષેપણ હ્વાસોંગ-17 સિસ્ટમ વિશે હતું. ઉત્તર કોરિયાએ પાછળથી કહ્યું હતું કે, તે પ્રક્ષેપણ જાસૂસી ઉપગ્રહ માટે કેમેરા અને અન્ય સિસ્ટમના પરીક્ષણ માટે ડિઝાઇન કરવામાં આવ્યા હતા.

‘ઈન્ટરકોન્ટિનેન્ટલ બેલિસ્ટિક મિસાઈલ’નું કર્યું પરીક્ષણ

યુ.એસ.માં રાષ્ટ્રપતિ જો બાઈડેનના (Joe Biden) વહીવટીતંત્રે કહ્યું કે, ઉત્તર કોરિયા દ્વારા તાજેતરના અઠવાડિયામાં છોડવામાં આવેલી બે મિસાઇલોમાં એક શક્તિશાળી, નવી લાંબા અંતરની ઇન્ટરકોન્ટિનેન્ટલ બેલિસ્ટિક મિસાઇલ (ICBM)નું પરીક્ષણ હતું અને તેઓએ ચેતવણી આપી હતી કે, ટૂંક સમયમાં સંપૂર્ણ ક્ષમતા સાથે પરીક્ષણ કરવામાં આવશે. જણાવવામાં આવી રહ્યું છે કે, એક મિસાઈલનું પરીક્ષણ કરવામાં આવ્યું છે, જે 2017માં પરિક્ષણ કરવામાં આવેલી ઉત્તર કોરિયાની ICBM મિસાઈલ કરતાં વધુ શક્તિશાળી છે.

આ પણ વાંચો: બ્રિટાનિયા મહિલા કર્મચારીઓની સંખ્યા વધારશે, વર્ષ 2024 સુધીમાં કંપનીમાં મહિલાઓનું યોગદાન 50 ટકા હશે

આ પણ વાંચો: અહીં ઇંધણ પાછળનો ખર્ચ ઘટાડવા Four Working Days Formula અપનાવવામાં આવશે, જાણો વિગતવાર