દુનિયામાં 4 રંગના હોય છે પાસપોર્ટ, પસંદગી માટે દેશોને આપવામાં આવે છે છૂટ
વિશ્વના દેશોમાં અલગ અલગ રંગના પાસપોર્ટ બનાવવામાં આવે છે. દુનિયામાં 4 રંગોના પાસપોર્ટ છે. જેમાં લાલ, લીલો, વાદળી અને કાળા રંગના પાસપોર્ટ છે. પરંતુ તેમાં પણ જાણવા જેવી વાત એ છે કે, એક રંગના પાસપોર્ટ એક સરખા નથી હોતા. રંગ માટેના નિયમ દેશમાં પાસપોર્ટના રંગ માટે કડક નિયમ હોય છે. પરંતુ પાસપોર્ટનો આકાર, પેજ અને […]
વિશ્વના દેશોમાં અલગ અલગ રંગના પાસપોર્ટ બનાવવામાં આવે છે. દુનિયામાં 4 રંગોના પાસપોર્ટ છે. જેમાં લાલ, લીલો, વાદળી અને કાળા રંગના પાસપોર્ટ છે. પરંતુ તેમાં પણ જાણવા જેવી વાત એ છે કે, એક રંગના પાસપોર્ટ એક સરખા નથી હોતા.
રંગ માટેના નિયમ
દેશમાં પાસપોર્ટના રંગ માટે કડક નિયમ હોય છે. પરંતુ પાસપોર્ટનો આકાર, પેજ અને તેના પર લખેલી માહિતી માટે આંતરરાષ્ટ્રીય નિયમ હોય છે. રંગ માટે તેની છૂટ આપવામાં આવી છે.
લાલ રંગનો પાસપોર્ટ
યૂરોપીયન દેશોમાં મોટાભાગે લાલ રંગનો પાસપોર્ટ ચાલે છે. આંકડાની વાત કરીએ તો આશરે 68 એવા દેશો છે જ્યા પાસપોર્ટનો રંગ લાલ છે. જેમા ફ્રાન્સ, પોલેન્ડ, નેધરલેન્ડ અને જર્મની જેવા દેશો છે. જયા પાસપોર્ટના રંગ લગભગ એક સરખા છે.
લીલા રંગનો પાસપોર્ટ
દુનિયાના 43 દેશો પાસે લીલા રંગનો પાસપોર્ટ છે. જેમાં મોટા ભાગના દેશો ઈસ્લામીક છે. ઈસ્લામમાં લીલા રંગને પવિત્ર માનવામાં આવે છે. ઈસ્લામીક દેશ જેવા કે બાંગ્લાદેશ, પાકિસ્તાન અને ઈન્ડોનેશિયા વગેરે દેશોમાં લીલા રંગનો પાસપોર્ટ છે.
વાદળી રંગનો પાસપોર્ટ
વાદળી રંગ આધુનિકતાનું પ્રતિક માનવામાં આવે છે. વિશ્વના 78 દેશોમાં વાદળી રંગનો પાસપોર્ટ છે. પરંતુ તેમાં પણ રંગમાં થોડો ફેર છે. જેમ કે અફગાનિસ્તાન અને ફિજીના પાસપોર્ટ આછા વાદળી રંગના હોય છે. ત્યાં ભારત અને અમેરિકાના પાસપોર્ટ ઘાટા વાદળી રંગના છે.
પરંતુ ભારતમાં નાગરિકોના પાસપોર્ટનો રંગ ઘાટો વાદળી છે. જોકે ડિપ્લોમેટિક પાસપોર્ટનો રંગ ઘાટો લાલ અને સરકારના કેટલાક પ્રતિનિધિઓના પાસપોર્ટ સફેદ રંગના છે. જો કે આવુ જ કઈંક અમેરિકામાં પણ છે. સામાન્ય નાગરિકો માટે વાદળી રંગનો પાસપોર્ટ જ્યારે ડિપ્લોમેટિક પાસપોર્ટ કાળા રંગનો છે.
આફ્રિકાના દેશો પાસે કાળા રંગનો પાસપોર્ટ
મોટાભાગના આફ્રિકી દેશોમાં પાસપોર્ટનો રંગ કાળો છે. આ દેશોમાં અંગોલા, કાંગો, મલાવી, બોત્સવાના, ઝાંબિયા, બુરુંડી વગેરે સામેલ છે. ત્યારે ન્યૂઝીલેન્ડ પણ એક એવો દેશ છે. જે દેશનો પાસપોર્ટ પણ કાળા રંગનો છે.
આ દેશોએ બદલ્યો રંગ
જોકે કેટલાક દેશ એવા પણ છે. જેમને પોતાના પાસપોર્ટનો રંગ બદલ્યો છે. અન્ય કેટલાક દેશોના પાસપોર્ટનો રંગ આગામી સમયમાં બદલાઈ શકે છે. જો અમેરિકાની વાત કરીએ તો પહેલા પાસપોર્ટનો રંગ લાલ હતો. પરંતુ 1930ના દશકમાં પાસપોર્ટનો રંગ લીલો કરી દેવામાં આવ્યો. જો કે ફરી એક વખત 1970ના દશકમાં પાસપોર્ટનો રંગ વાદળી કરી દેવામાં આવ્યો હતો.
ત્યારે બ્રિટન પણ પાસપોર્ટના રંગ બદલવાવાળા દેશોમાં સામેલ થઈ શકે છે. જોકે હજી સુધી અન્ય યૂરોપીયન દેશોની જેમ બ્રિટનમાં પણ લાલ રંગનો પાસપોર્ટ છે. પરંતુ માનવામાં આવી રહ્યું છે કે, બ્રેક્જિટ પછી બ્રિટનના પાસપોર્ટનો રંગ પણ વાદળી થઈ શકે છે. પછી ભારત અને અમેરિકાની જેમ પાસપોર્ટનો રંગ વાદળી થઈ શકે છે.
[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]