ઈઝરાયલ અને પેલેસ્ટાઈન વચ્ચે ચાલી રેહલા ભિષણ જંગને પગલે ગાઝા પટ્ટી વિસ્તાર અને પેલેસ્ટાઈન રહિશોની જીંદગી દોઝખ બનવા લાગી છે. હમાસના આતંકવાદીઓ દ્વારા પ્લાન સાથે કરવામાં આવેલા ઈઝરાયલ પરના હુમલામાં 1200 જેટલા લોકોના મોત થઈ ચુક્યા છે. જો કે વળતા જવાબમાં ગાઝા પર કરાયેલા હુમલા બાદ હવે આરબ દેશોએ મધ્યસ્થી કરવાની શરૂ કરી છે.
એક તરફ ઈઝરાયલ અને બીજી તરફ 22 જેટલા આરબ દેશ હવે ગાઝાના સમર્થનમાં આવ્યા છે અને તેમણે આ યુદ્ધ કેવી રીતે ઝડપથી પુરૂ કરી શકાય તે માટે મધ્યસ્થી શરૂ કરી છે. જણાવવું રહ્યું કે ગાઝાનો વીજળીનો પુરવઠો તો કાપી નાખવામાં આવ્યો જ છે પણ સાથે ખોરાક પાણીના પુરવઠા પર પણ હવે અસર આવવા લાગી છે.
ઈઝરાયલ દ્વારા આ વિસ્તાર પર પોતાની પકડ મજબૂત કરી લેવામાં આવી છે. દિવાલો વચ્ચે કેદ આ શહેરમાં ચારે તરફથી જે હુમલાનો દોર ચાલી રહ્યો છે તેને લઈ આરબ દેશો એ વિરોધ વ્યક્ત કરીને તેને સમાપ્ત કરવા માટેની અપીલ કરી રહ્યા છે.
મળતી માહિતિ પ્રમાણે ઈજીપ્તના કૈરો શહેરમાં આરબ કાઉન્સિલની બેઠકમાં ભાગ લેવા માટે આરબ દેશોના વિદેશ પ્રધાનો પણ પોહચી ગયા હતા. આ બેઠક બોલાવવા માટે પેલેસ્ટાઈને વિનંતી કરી હતી. ઈઝરાયલ દ્વારા ગાઝા પટ્ટી વિસ્તારમાં વીજળી, પાણી અને ખોરાક બંધ કરવા માટેનો આદેશ અપાયા બાદ આરબ દેશો એ આ નિર્ણય પાછો ખેચવા માટે જણાવ્યું હતું.
પેલેસ્ટિનિયન શહેરમાં હાલમાં અંધકાર છવાયેલો છે અને બીજી તરફ ઈઝરાયેલ દ્વારા હવાઈ હુમલા સતત કરવામાં આવી રહ્યા છે જેના પગલે નાના બાળકોથી લઈને વૃદ્ધોના મોતનો આંકડો સતત વધી રહ્યો છે. આ જોતા 22 જેટલા આરબ દેશ દ્વારા આ યુદ્ધનો અંત લાવવા માટે અપીલ કરવામાં આવી રહી છે.
કૈરોમાં આરબ લીગના હેડક્વાર્ટરમાં ઈઝરાયલ અને હમાસ વચ્ચે ચાલી રેહલા યુદ્ધ વચ્ચે આરબ દેશો દ્વારા ઈઝરાયલને વિનંતી કરવામાં આવી હતી કે ગાઝા ફરતે તેમના દ્વારા કરવામાં આવેલા સુરક્ષા ઘેરાને હટાવવામાં આવે કે જેથી કરી ને આ ભરચક વિસ્તારમાં ખોરાક, પાણી, વીજળી જેવી પ્રાથમિક સુવિધાઓ પોહચાડી શકાય.