આફ્રિકન દેશ કોંગોમાં ભયાનક વિસ્ફોટ, રેસ્ટોરન્ટ બારમાં આત્મઘાતી હુમલો, જીવ બચાવવા લોકોમાં મચી નાસભાગ

Suicide Bomb Attack at DR Congo: આફ્રિકન દેશ કોંગોમાં ક્રિસમસ પર એક રેસ્ટોરન્ટ બાર પર આત્મઘાતી હુમલાખોરે હુમલો કર્યો હતો, જેમાં 6 લોકોના મોત થયા હતા. બોમ્બ વિસ્ફોટ બાદ આ વિસ્તારમાં ભારે ગોળીબાર થયો હતો, જેના કારણે ગભરાયેલા લોકો પોતાનો જીવ બચાવવા રસ્તાઓ પર દોડી આવ્યા હતા. ઉત્તર કિવુ ગવર્નરના પ્રવક્તા, જનરલ સિલ્વેને જણાવ્યું હતું કે, હુમલાખોરે બારના પ્રવેશદ્વાર પર પોતાની જાતને ઉડાવી દીધી હતી જ્યારે સુરક્ષા દળોએ તેને ભીડવાળા બારમાં પ્રવેશતા અટકાવ્યો હતો.

તેમણે એક નિવેદનમાં જણાવ્યું હતું કે, અમે લોકોને સજાગ રહેવા અને રજાઓ દરમિયાન ભીડવાળા વિસ્તારોમાંથી દૂર રહેવા વિનંતી કરીએ છીએ શહેર અને બેની ક્ષેત્રમાં, આ દિવસોમાં કોણ શું છે તે શોધી કાઢવું ​​મુશ્કેલ છે. અધિકારીઓએ શનિવારના હુમલા માટે એલાઇડ ડેમોક્રેટિક ફોર્સિસ (એડીએફ)ને જવાબદાર ઠેરવ્યો છે. આતંકવાદી સંગઠન આ પ્રદેશના સૌથી ઘાતક સશસ્ત્ર જૂથોમાંનું એક છે અને ISIL જૂથ તેને તેની મધ્ય આફ્રિકા સ્થિત શાખા તરીકે વર્ણવે છે.

વિસ્ફોટનો મોટા અવાજ સંભળાયો

આ ઘટનાના પ્રત્યક્ષદર્શી, રશેલ માગલીએ જણાવ્યું કે, તે ત્રણ કલાક સુધી તેના સંબંધી સાથે આ સ્થળે હતી, જ્યારે બહાર જોરદાર ધડાકો સંભળાયો. તેણે કહ્યું, ‘અચાનક અમે બારની આસપાસ કાળો ધુમાડો જોયો અને લોકો બૂમો પાડવા લાગ્યા. અમે બહાર દોડ્યા, જ્યાં અમે લોકોને જમીન પર પડેલા જોયા. લીલા રંગની પ્લાસ્ટિકની ખુરશીઓ અહીં-તહીં વેરવિખેર પડી હતી અને ઘણા શરીરના માથા અને હાથ ધડથી દૂર પડેલા હતા. બધું ખૂબ જ ભયાનક હતું.

મૃતકોમાં બાળકો પણ હતા

મેયર નાર્સિસે કહ્યું કે, મૃતકોમાં બે બાળકો પણ સામેલ છે. આ ઘટનામાં ઓછામાં ઓછા 13 લોકો ઘાયલ થયા છે અને તેમને સારવાર માટે હોસ્પિટલમાં લઈ જવામાં આવ્યા છે. તેમણે એસોસિએટેડ પ્રેસ (એપી)ને જણાવ્યું હતું કે, “આ આતંકવાદી હુમલાના ગુનેગારોને શોધી કાઢવામાં આવી રહ્યા છે.” નોંધનીય છે કે આ વિસ્તારમાં ISના આતંકવાદીઓ સક્રિય છે અને જૂનમાં પણ ISએ બેની વિસ્તારમાં થયેલા બે વિસ્ફોટોની જવાબદારી લીધી હતી.

આ પણ વાંચો: MBA Admissions 2022: તમે IITમાંથી પણ MBA કરી શકો છો, CAT પરીક્ષા દ્વારા જાન્યુઆરીથી મળશે પ્રવેશ

આ પણ વાંચો: Bank PO Salary: શું તમે પણ બેન્ક પીઓ બનવા માંગો છો, જાણો કેટલો મળશે પગાર અને અન્ય સુવિધાઓ