Harassment in Australian Parliament : મહિલાઓ માટે ‘હોન્ટેડ હાઉસ’ બની ઓસ્ટ્રેલીયાની સંસદ, 63% સાંસદો સાથે થયું યૌન શોષણ
ઓસ્ટ્રેલિયાની સંસદ અને સંઘીય નેતાઓના કાર્યાલયોમાં કામ કરતા ત્રીજા ભાગના લોકોએ જાતીય સતામણીનો સામનો કરવો પડ્યો છે, પરંતુ તેમાંથી માત્ર 11 ટકા લોકોએ તેની જાણ કરી છે.
Sexual Harassment in Australian Parliament: લોકશાહીનું મંદિર કહેવાતી ઓસ્ટ્રેલિયાની સંસદ હવે મહિલાઓના યૌન શોષણનું આશ્રયસ્થાન બની ગઈ છે. ઓસ્ટ્રેલિયન હ્યુમન રાઈટ્સ કમિશનના રિપોર્ટ (The Australian Human Rights Commission)અનુસાર લગભગ 63 ટકા મહિલા સાંસદો સંસદની અંદર યૌન શોષણનો ભોગ બની છે. રિપોર્ટ અનુસાર, 33 સંસ્થાઓના 1723 લોકોએ કહ્યું છે કે 33 ટકા સાંસદોએ ઓછામાં ઓછા એક વખત યૌન શોષણનો સામનો કર્યો છે. જ્યારે 51 ટકાને ત્રાસનો સામનો કરવો પડ્યો હતો અથવા બળજબરીથી બળાત્કારનો પ્રયાસ કરવામાં આવ્યો હતો.
સરકારના પૂર્વ સલાહકાર પર સંસદની અંદર બળાત્કારનો આરોપ હતો. જે બાદ વડાપ્રધાન સ્કોટ મોરિસનની આગેવાની હેઠળની સરકારે માનવ અધિકાર પંચને આ મામલાની તપાસ કરવા જણાવ્યું હતું. હવે આ કમિશનના રિપોર્ટમાં આ ચોંકાવનારી માહિતી સામે આવી છે. તપાસ દરમિયાન એક પુરૂષ સાંસદે કહ્યું કે મહિલાને કોમેન્ટ કરવી, ટચ કરવી, લિફ્ટ કરવી કે કિસ કરવી ખોટું નથી. રિપોર્ટમાં કહેવામાં આવ્યું છે કે આવી ઘટનાઓની મહિલાઓ અને તેમની ટીમ પર ખૂબ જ ખરાબ અસર પડે છે. આ સમગ્ર સંસદને અસર કરે છે.
સંસદની અંદર સાંસદો નશો કરીને આવે છે વડા પ્રધાન સ્કોટ મોરિસને (Prime Minister Scott Morrison) આ અહેવાલને ડરામણો ગણાવ્યો છે. અગાઉ, તેમના પર આરોપ છે કે તેઓ મહિલા સાંસદોના યૌન શોષણની ઘટનાઓ પર ચૂપચાપ બેઠા છે (ઓસ્ટ્રેલિયા સંસદ પર અહેવાલ). રિપોર્ટમાં કહેવામાં આવ્યું છે કે પુરૂષો કોરિડોરમાં ફરતા રહે છે અને ત્યાં ફરતી મહિલાઓને જોતા રહે છે. આવી સ્થિતિમાં મહિલાઓને પુરુષોથી બચાવવા માટે ઘણા ઉપાયો અપનાવવાની જરૂર છે. સંસદના સભ્યો નશામાં આવે છે. કેટલીકવાર તેઓ તેમની તમામ મર્યાદાઓ પાર કરે છે.
બહુ ઓછા લોકોએ ફરિયાદ કરી રિપોર્ટ અનુસાર, ઓસ્ટ્રેલિયાની સંસદ અને સંઘીય નેતાઓના કાર્યાલયોમાં કામ કરતા ત્રીજા ભાગના લોકોએ જાતીય સતામણીનો સામનો કરવો પડ્યો છે, પરંતુ તેમાંથી માત્ર 11 ટકા લોકોએ તેની જાણ કરી છે. રિપોર્ટમાં સ્વતંત્ર પંચની સ્થાપના સહિત 28 ભલામણો કરવામાં આવી હતી. આ સમીક્ષાઓ લિંગ ભેદભાવ કમિશનર કેટ જેનકિન્સ (Commissioner Kate Jenkins)દ્વારા કરવામાં આવી છે. ફેબ્રુઆરીની શરૂઆતમાં, લિબરલ પાર્ટીની કર્મચારી બ્રિટ્ટેની હિગિન્સે જાહેરમાં 2019માં મંત્રીની ઓફિસમાં એક સાથીદાર દ્વારા તેના પર કથિત બળાત્કારનો ખુલાસો કર્યો હતો. PM મોરિસને કહ્યું છે કે, ‘આ બિલ્ડિંગમાં કામ કરતા અન્ય વ્યક્તિની જેમ હું પણ આ આંકડાઓથી ચિંતિત છું. આ ખૂબ જ ડરામણા છે.’ તે જ સમયે, જેનકિન્સે કહ્યું છે કે તે રિપોર્ટમાં થયેલા ખુલાસાથી આશ્ચર્યચકિત છે.
આ પણ વાંચો: ભારતમાં ઓમિક્રોન વેરિન્ટની એન્ટ્રી ? દક્ષિણ આફ્રિકાથી મહારાષ્ટ્ર પરત ફરેલા 6 લોકો કોરોના સંક્રમિત
