Coronavirus Omicron Variant: કોરોનાવાયરસના નવા પ્રકાર, ઓમિક્રોન એ વિશ્વને ઘેરી લીધું છે. અમેરિકામાં ઓમિક્રોનના મૃત્યુનો પ્રથમ કેસ નોંધાયો છે. આરોગ્ય અધિકારીઓના જણાવ્યા અનુસાર, નવા ઓમિક્રોન વેરિઅન્ટ(Omicron Variant)ને કારણે પ્રથમ મૃત્યુ ટેક્સાસમાં નોંધાયું હતું. કોવિડ-19(Covid-19)ના કહેરનો ભોગ બનેલા અમેરિકામાં આ સમયે 73 ટકા કેસ ઓમિક્રોનના છે.
પબ્લિક હેલ્થના નિવેદન અનુસાર, આ વ્યક્તિની ઉંમર 50 વર્ષની આસપાસ હતી, તેણે રસી લીધી ન હતી અને તે પહેલાથી જ કોવિડ-19 (Covid-19)થી સંક્રમિત હતો. સમાચાર અનુસાર, અમેરિકામાં ઓમિક્રોન વેરિઅન્ટ (Omicron Variant)ના કારણે મૃત્યુનો આ પહેલો કેસ છે. આરોગ્ય વિભાગના જણાવ્યા અનુસાર, ‘રસી ન મળવાને કારણે આ વ્યક્તિ માટે જોખમ ઘણું વધારે હતું. આ સિવાય તેમની તબિયત પણ બહુ સારી નહોતી.
નવા વેરિઅન્ટના 73% કેસ
અમેરિકામાં ઓમિક્રોન (Omicron Variant)ખૂબ જ ઝડપથી ફેલાઈ રહ્યો છે. આરોગ્ય વિભાગ (Health Department )ના જણાવ્યા અનુસાર, છેલ્લા અઠવાડિયા સુધી, ચેપના 73 ટકા કેસ નવા પ્રકારો સાથે સંબંધિત છે. સેન્ટર્સ ફોર ડિસીઝ કંટ્રોલ એન્ડ પ્રિવેન્શન (CDC) ના આંકડા દર્શાવે છે કે માત્ર એક અઠવાડિયામાં ઓમિક્રોન ચેપના કેસોમાં લગભગ છ ગણો વધારો થયો છે. રાષ્ટ્રીય દર દર્શાવે છે કે ગયા અઠવાડિયે અમેરિકામાં ઓમિક્રોન વેરિઅન્ટના 6,50,000 થી વધુ કેસ નોંધાયા હતા.
અન્ય દેશોમાં પણ કેસ વધી રહ્યા છે
સિંગાપોરમાં સ્થાનિક મીડિયાના અહેવાલો અનુસાર, દેશમાં કોવિડ-19ના 195 નવા કેસ સામે આવ્યા છે, જેમાંથી 45 કેસ ઓમિક્રોન વેરિઅન્ટના છે. સિંગાપોરના એક શોપિંગ સેન્ટરના જિમમાંથી ઓમિક્રોનના કેટલાયક કેસ નોંધાયા છે. ઑસ્ટ્રેલિયાના સૌથી વધુ વસ્તી ધરાવતા રાજ્ય ન્યુ સાઉથ વેલ્સમાં પ્રથમ વખત કોવિડ-19ના નવા કેસ 3,000ને પાર થયા છે, વડા પ્રધાન સ્કોટ મોરિસન પર બૂસ્ટર ડોઝ આપવાની ઝુંબેશને વેગ આપવાનું દબાણ વધ્યું.
દેશમાં કોરોના વાયરસ (Corona) સંક્રમણના ઓમિક્રોન વેરિઅન્ટના (Omicron Variant) વધુ 19 નવા કેસ સામે આવ્યા બાદ કુલ સંખ્યા વધીને 174 થઈ ગઈ છે. સોમવારે 5 રાજ્યોમાં પૈકી દિલ્હીમાં 8, કર્ણાટકમાં 5, કેરળમાં 4, રાજસ્થાન અને ગુજરાતમાં એક-એક કેસ નોંધાયા હતા. દિલ્હીમાં નોંધાયેલા મોટાભાગના કેસોમાં લોકો અન્ય સ્થળોએ ગયા હતા. રાષ્ટ્રીય રાજધાનીમાં નવા વેરિઅન્ટથી સંક્રમિત લોકોની કુલ સંખ્યા વધીને 30 થઈ ગઈ છે. જ્યારે ઓછામાં ઓછા 12 લોકોને હોસ્પિટલમાંથી રજા આપવામાં આવી છે.
Published On - 10:19 am, Tue, 21 December 21