Breaking News : ભારત પર 100% ટેરિફ લગાવવાની દિશામાં અમેરિકા, આજે હાઉસ ઓફ રિપ્રેઝન્ટેટિવ્સમાં મતદાન !
અમેરિકાની હાઉસ ઓફ રિપ્રેઝન્ટેટિવ્સ રશિયા પર પ્રતિબંધો લગાવનારા એક બિલ પર મતદાન કરવાની પ્રક્રિયામાં છે. આ બિલમાં રશિયન તેલ ખરીદનારા દેશો પર 100% સુધીનો ટેરિફ લગાવવાની જોગવાઈ છે. તેમાં ભારતનું નામ પણ સામેલ છે.
અમેરિકા ભારત પર 100% ટેરિફ લાદવાની તૈયારી કરી રહ્યું છે. યુએસ હાઉસ ઓફ રિપ્રેઝન્ટેટિવ્સે રશિયા પર પ્રતિબંધો લાદતા બિલ પર મતદાન કરીને આગળ વધ્યું છે. બિલમાં રશિયા પાસેથી તેલ ખરીદવા પર ભારત પર 100% ટેરિફ લાદવાની જોગવાઈ છે. આ બિલ રાષ્ટ્રપતિ ડોનાલ્ડ ટ્રમ્પને રશિયાના મુખ્ય તેલ અને ગેસ ખરીદદારો, (જેમાં ભારતનો પણ સમાવેશ થાય છે) પર 100% સુધી ટેરિફ લાદવાનો અધિકાર આપી શકે છે. જેની સીધી અસર થઈ શકે છે.
આ બિલનું નામ Lindsey O. Graham Sanctioning Russia and Iran Act of 2026 છે. અમેરિકન સેનેટે ગયા મહિને આ બિલને 86-11 ના મતથી પાર કર્યું હતું. હવે બિલ હાઉસ ઓફ રિપ્રેઝન્ટેટિવ્સ સમક્ષ છે. હાઉસ રુલ્સ કમિટીએ તેને આગળની વિચારણા માટે મંજૂરી આપી છે.
પ્રતિનિધિ ગૃહમાં ઠરાવ પસાર
મંગળવાર 15 સપ્ટેમ્બરના રોજ પ્રતિનિધિ ગૃહમાં પ્રક્રિયાગત મતદાનમાં 214-211 મતથી આ ઠરાવ પસાર થયો હતો. બે ડેમોક્રેટિક કોંગ્રેસમેનોએ પાર્ટી લાઇન તોડીને રિપબ્લિકન સાથે મતદાન કર્યું. જેના કારણે રાજકીય વર્તુળોમાં ભારે ચર્ચા શરૂ થઈ. રશિયા પ્રતિબંધ બિલ અને અન્ય ઘણા કાયદાઓને આગળ ધપાવતો ઠરાવ 214-211 મતથી પસાર થયો છે. આ પરિણામથી હાઉસ ડેમોક્રેટિક નેતૃત્વને ફટકો પડ્યો છે.
ગૃહમાં અંતિમ મતદાન
આ બિલ પર આજે બુધવારે (16 સપ્ટેમ્બર) ગૃહમાં મતદાન થવાની ધારણા છે. હાઉસ ફોરેન અફેર્સ કમિટીના રેન્કિંગ સભ્ય, ડેમોક્રેટિક કોંગ્રેસમેન ગ્રેગરી મીક્સે સોમવારે બિલનો વિરોધ કર્યો હતો, દલીલ કરી કે તે રાષ્ટ્રપતિ ટ્રમ્પને કોઈપણ સુરક્ષા વગર ટેરિફ લાદવાની અમર્યાદિત સત્તા આપશે.
10 દેશો પર 100 ટકા ટેરિફ
ડેમોક્રેટિક કોંગ્રેસમેન સ્ટેની હોયર દ્વારા રજૂ કરાયેલા સુધારામાં 10 દેશોને 100 ટકા સુધીના ટેરિફ માટે પાત્ર જાહેર કરવામાં આવ્યા છે. આમાં ચીન, ભારત, તુર્કી, અઝરબૈજાન, હંગેરી, સ્લોવાક રિપબ્લિક, સંયુક્ત આરબ અમીરાત, સિંગાપોર, કઝાકિસ્તાન અને કિર્ગીઝ રિપબ્લિકનો સમાવેશ થાય છે.
આ સુધારાથી ભારત પર આપમેળે 100 ટકા ટેરિફ લાદવામાં આવશે નહીં, પરંતુ જો બિલ કાયદો બની જાય અને રાષ્ટ્રપતિ ડોનાલ્ડ ટ્રમ્પ સત્તાનો ઉપયોગ કરે, તો ભારત આવા ટેરિફ માટે પાત્ર બની શકે છે.
રશિયા પાસેથી મોટા પ્રમાણમાં ક્રૂડ ઓઇલની આયાત
સેનેટ દ્વારા પસાર કરાયેલા સંસ્કરણમાં દેશોના નામ સ્પષ્ટ રીતે આપવામાં આવ્યા નહોતા. તેમાં રશિયન તેલ અને ગેસના પાંચ સૌથી મોટા આયાતકારોનો ઉલ્લેખ હતો. બિલમાં રશિયાના નેતૃત્વ અને એનર્જી સેક્ટર પર પ્રતિબંધો લગાવવા ઉપરાંત પ્રતિબંધોથી બચવા માટે ઉપયોગમાં લેવાતા જહાજો સામે પણ કાર્યવાહી કરવાની જોગવાઈ છે.
સાથે જ રશિયન ઊર્જાના મોટા ખરીદદારો પર 100% સુધીનો ટેરિફ લગાવવાની સત્તા રાષ્ટ્રપતિને આપવાની જોગવાઈ છે. ભારત અને ચીન હાલમાં રશિયા પાસેથી મોટી માત્રામાં ક્રૂડ ઓઇલની આયાત કરે છે, તેથી બંને દેશો આ ચર્ચાના કેન્દ્રમાં છે.
રશિયાના નેતૃત્વ અને ઉર્જા ક્ષેત્ર પર પ્રતિબંધો
આ બિલ દ્વારા, અમેરિકા ખાસ કરીને રશિયાના નેતૃત્વ અને ઉર્જા ક્ષેત્ર પર પ્રતિબંધો લાદવાનો પ્રયાસ કરે છે. તે રશિયા પર લાદવામાં આવેલા પ્રતિબંધોને બાયપાસ કરીને રશિયન તેલના વેપારને સરળ બનાવતા જહાજો પર પણ પ્રતિબંધ મૂકવાનો પ્રયાસ કરે છે. આને સામાન્ય રીતે શેડો ફ્લીટ તરીકે ઓળખવામાં આવે છે. અમેરિકાએ દાવો કર્યો છે કે રશિયા આ શેડો ફ્લીટમાંથી ક્રૂડ ઓઇલનો ઉપયોગ કરીને યુક્રેન સામેના તેના યુદ્ધને ભંડોળ પૂરું પાડી રહ્યું છે.
