અમેરિકાના મેગેઝીનનો દાવો ભારતીય વાયુસેનાએ નકાર્યો, કહ્યું કે ‘પાકિસ્તાનના F-16 વિમાન તોડી પાડ્યાના પુરાવા અમારી પાસે છે’

અમેરિકાની મેગઝીનમાં થયેલા દાવાને ભારતીય વાયુસેનાએ નકારી કાઢ્યો છે. અમેરિકાની મેગઝીને લખ્યું હતું કે, પાકિસ્તાન પાસે તમામ F-16 વિમાન સુરક્ષિત છે. જેના રડાર ઈમેજ પણ વાયુ સેનાએ જાહેર કર્યા છે. 

અમેરીકાના મેગેઝીને ભારતે પાકિસ્તાનનું કોઈ જ એફ-16 વિમાન તોડી પાડ્યું નથી તેવો દાવો કર્યો છે. મેગેઝીને લખ્યું કે પાકિસ્તાન પાસે પોતાના બધા જ એફ-16 વિમાનો સુરક્ષિત હાલતમાં છે અને તેની તપાસ પણ અમેરિકા દ્વારા કરવામાં આવી છે.  ભારતીય વાયુસેનાએ પોતાના અધિકૃત નિવેદનમાં કહ્યું કે, ભારતીય વાયુસેના પાસે વિશ્વસનીય સાબિતી છેજે  સાબિત કરી આપશે કે પાકિસ્તાને અમેરિકી ફાઈટર પ્લેન F-16નો ઉપયોગ કર્યો હતો. ઉપરાંત વાયુસેનાની જવાબી કાર્યવાહીમાં મિગ 21થી પાકિસ્તાનના  F-16 વિમાનને તોડી પાડ્યું તેના પુરાવા પણ છે.

ભારતીય વાયુસેનાનો દાવો છે કે, પાકિસ્તાને ભારતની સામે AARAM મિસાઈલનો ઉપયોગ કર્યો હતો. જેના જવાબમાં પાકિસ્તાનના F-16 વિમાનને ભારતીય વાયુસાનેના વિંગ કમાંન્ડર અભિનંદને પોતાના મિગ- 21 બાયસનથી તોડી પાડ્યું હતું. જેના ફોટા રડાર ઈમેજમાં પણ છે. જેના ટુકડા એલઓસી અને પીઓકેમાં પડ્યા હતાં.

આ પહેલા ભારતીય સેના ધ્વારા F-16ને તોડી પાડ્યાના પુરાવા પણ જાહેર કર્યા હતાં. સેનાના અધિકારીઓે એ કહ્યું કે, ભારતીય સીમાની અંદર પાકિસ્તાનનુ લડાકુ વિમાન F-16 આવ્યુ હતું. સેનાએ F-16 માંથી છોડાયેલી મિસાઈલના ટુકડા પણ મીડિયાને બતાવ્યા હતાં. જે મિસાઈલનો ઉપયોગ  માત્રને માત્ર એફ-16 પ્રકારના અને અમેરીકી બનાવટના વિમાનમાં જ થઈ શકે છે.

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]