અમેરિકાએ રશિયા, ચીન, પાકિસ્તાન, ઇરાન સહિત 12 દેશોના નામ ધાર્મિક સ્વતંત્રતાની ખરાબ સ્થિતિ માટે આપ્યા, ભારતનો યાદીમાં સમાવેશ નહીં

અમેરિકાએ શુક્રવારે ચીન, પાકિસ્તાન અને મ્યાનમાર સહિત 12 દેશોને ધાર્મિક સ્વતંત્રતાની વર્તમાન સ્થિતિ માટે ‘ખાસ ચિંતાના દેશો’ તરીકે નિયુક્ત કર્યા છે. વિદેશ મંત્રી એન્ટોની બ્લિંકન પર ભારતીય-અમેરિકન મુસ્લિમ કાઉન્સિલ જેવા જૂથો દ્વારા ભારતને આ યાદીમાં સામેલ કરવા માટે દબાણ કરવામાં આવ્યું હતું. પરંતુ અમેરિકાએ આ યાદીમાં ભારતનો સમાવેશ કર્યો નથી. અમેરિકી વિદેશ મંત્રી એન્ટની બ્લિંકને કહ્યું કે આ યાદીમાં ઉત્તર કોરિયા અને મ્યાનમારનો પણ સમાવેશ કર્યો છે. આંતરરાષ્ટ્રીય સમાચાર અહીં વાંચો.

યુએસ સ્ટેટ સેક્રેટરીએ શુક્રવારે એક નિવેદન બહાર પાડ્યું હતું, જેમાં તેમણે ધાર્મિક સ્વતંત્રતાના ખાસ કરીને ગંભીર ઉલ્લંઘનમાં સામેલ અથવા સહન કરતા દેશોને જાહેર કર્યા હતા. જેમાં મ્યાનમાર, ચીન, ક્યુબા, એરિટ્રિયા, ઈરાન, નિકારાગુઆ, ઉત્તર કોરિયા, પાકિસ્તાન, રશિયા, સાઉદી અરેબિયા, તાજિકિસ્તાન અને તુર્કમેનિસ્તાનને સામેલ કર્યા છે. બ્લિંકને કહ્યું કે આ તમામ દેશો ધાર્મિક સ્વતંત્રતાનું ગંભીરપણે ઉલ્લંઘન કરે છે. તેથી, તેઓને ‘આંતરરાષ્ટ્રીય ધાર્મિક સ્વતંત્રતા અધિનિયમ 1998’ હેઠળ ‘ખાસ ચિંતાના દેશો’ તરીકે નિયુક્ત કરવામાં આવ્યા છે.

અમેરિકા ભારતને ધાર્મિક સ્વતંત્રતાનો ભંગ ન કરતો દેશ માને છે, તેથી તેને આ યાદીમાં સામેલ કરવામાં આવ્યું નથી. આ 12 દેશો સિવાય કેટલાક દેશો એવા છે જેને ધાર્મિક સ્વતંત્રતાના ઉલ્લંઘનના મામલામાં ‘સ્પેશિયલ વોચ લિસ્ટ’માં રાખવામાં આવ્યા છે. આ દેશોમાં અલ્જેરિયા, સેન્ટ્રલ આફ્રિકન રિપબ્લિક, કોમોરોસ અને વિયેતનામનો સમાવેશ થાય છે.

વધુમાં, બ્લિંકને અલ્જેરિયા, સેન્ટ્રલ આફ્રિકન રિપબ્લિક, કોમોરોસ અને વિયેતનામને ધાર્મિક સ્વતંત્રતાના ગંભીર ઉલ્લંઘનમાં સામેલ થવા અથવા તેને સહન કરવા માટે ખાસ વોચ લિસ્ટમાં મૂક્યા હતા. યુએસએ અલ-શબાબ, બોકો હરામ, હયાત તહરિર અલ-શામ, હુથી, ISIS-ગ્રેટર સહારા, ISIS-પશ્ચિમ આફ્રિકા, જમાત નુસરત અલ-ઈસ્લામ વાલ-મુસ્લિમીન, તાલિબાન અને વેગનર જૂથને પણ નિયુક્ત કર્યા છે.

આ યાદીમાં અનેક કટ્ટરપંથી સંગઠનોના નામનો પણ સમાવેશ કરાયો 

આ સિવાય અમેરિકાએ આમાં અલ-શબાબ, બોકો હરામ, હુથી, હયાત તહરિર અલ-શામ, ISIS-વેસ્ટ આફ્રિકા, ISIS-ગ્રેટર સહારા, જામા નુસરત ઉલ-ઇસ્લામ વા અલ-મુસ્લિમિન, તાલિબાન અને વેગનર ગ્રૂપનો સમાવેશ થાય છે. જે દેશો ધાર્મિક સ્વતંત્રતા અને માનવ અધિકારોનું રક્ષણ કરે છે. તેઓ શાંતિપૂર્ણ, સ્થિર અને સમૃદ્ધ છે અને અમેરિકાના સૌથી ભરોસાપાત્ર મિત્રો છે.

(ઇનપુટ-ભાષા-પીટીઆઇ)