અફઘાનિસ્તાનના કાબુલમાં મોટો વિસ્ફોટ, 6ના મોત, 12 અન્ય ઘાયલ

અફઘાનિસ્તાનના (Afghanistan) કાબુલમાં (Kabul) મોટો બ્લાસ્ટ (Blast)થયો હોવાની માહિતી સામે આવી છે. જણાવવામાં આવી રહ્યું છે કે કાબુલના સર-એ કારેઝ વિસ્તારમાં એક વાહનમાં વિસ્ફોટ થયો હતો. આ વિસ્ફોટમાં 6 લોકોના મોત થયા છે જ્યારે 12 લોકો ઘાયલ થયા છે. તાલિબાનના એક અધિકારીએ જણાવ્યું કે વિસ્ફોટ શિયા વિસ્તારમાં એક મસ્જિદ પાસે થયો હતો. તેમણે કહ્યું કે અહીં એક વાહનમાં છુપાયેલ બોમ્બ વિસ્ફોટ થયો છે, જેમાં છ લોકોના મોત થયા છે જ્યારે 12 લોકો ઘાયલ થયા છે. તેમણે કહ્યું કે મૃત્યુઆંક વધી શકે છે.

તાલિબાનના પ્રવક્તા ખાલિદ ઝદરાનના જણાવ્યા અનુસાર, આ હુમલો પશ્ચિમ કાબુલના સર-એ કરેઝ વિસ્તારમાં થયો હતો. અત્યાર સુધી આ હુમલાની જવાબદારી કોઈએ લીધી નથી. જો કે આ હુમલા માટે ISISની શંકા વ્યક્ત કરવામાં આવી રહી છે. કહેવામાં આવી રહ્યું છે કે ભૂતકાળમાં ISISએ અફઘાનિસ્તાનના શિયા લઘુમતી પર નિશાન સાધ્યું છે.

અફઘાનિસ્તાનમાં આવા હુમલાઓ સતત થઈ રહ્યા છે

તમને જણાવી દઈએ કે અફઘાનિસ્તાનમાં તાલિબાનની સત્તાની સ્થાપના બાદથી ISISએ દેશભરમાં મસ્જિદો અને લઘુમતીઓ પર હુમલામાં વધારો કર્યો છે. આ આતંકી સંગઠન 2014થી અફઘાનિસ્તાનમાં કાર્યરત છે. ખરેખર, ISIS ને તાલિબાન શાસકો સામે સૌથી મોટા સુરક્ષા પડકાર તરીકે જોવામાં આવે છે. અફઘાનિસ્તાન પર કબજો કર્યા પછી, તાલિબાને ISIS હેડક્વાર્ટર સામે મોટા પાયે કાર્યવાહી શરૂ કરી છે.

ગયા મહિને કાબુલ ક્રિકેટ સ્ટેડિયમમાં બ્લાસ્ટ થયો હતો.

ગયા મહિને કાબુલ ક્રિકેટ સ્ટેડિયમમાં બ્લાસ્ટ થયો હતો. આ વિસ્ફોટમાં બે લોકોના મોતની પુષ્ટિ કરવામાં આવી છે. બ્લાસ્ટના કારણે બેન્ડ-એ-આમીર ડ્રેગન અને પામિર ઝાલ્મી વચ્ચેની ક્રિકેટ મેચ થોડા સમય માટે રોકવી પડી હતી. તે સમયે પણ કોઈએ હુમલાની જવાબદારી લીધી ન હતી. એવી આશંકા વ્યક્ત કરવામાં આવી હતી કે તાલિબાનના મુખ્ય હરીફ ઈસ્લામિક સ્ટેટના આતંકવાદીઓએ આ હુમલો કર્યો હતો.