USA : હાઈસ્કૂલમાં ગોળીબાર, 3 વિદ્યાર્થીના મોત; શિક્ષક સહિત અન્ય આઠ ઘાયલ
USA School Shooting: શંકાસ્પદ વિદ્યાર્થીએ ધરપકડ સમયે વિરોધ કર્યો ન હતો અને ઘટના પાછળના કારણ અંગે કોઈ નિવેદન આપ્યું ન હતું. આરોપીએ વકીલની માંગણી કરી છે.
મંગળવારે, 15 વર્ષીય વિદ્યાર્થીએ યુએસએના (USA) નોર્થ ડેટ્રોઇટની (North Detroit) એક શાળામાં ગોળીબાર કર્યો હતો, જેમાં ત્રણ વિદ્યાર્થીઓના મોત થયા હતા અને ઓછામાં ઓછા 8 લોકો ઘાયલ થયા હતા. વહીવટીતંત્રે કહ્યું કે આ વર્ષે અમેરિકામાં (USA) શાળામાં ગોળીબારની સૌથી આઘાતજનક ઘટનાઓમાંની એક છે. અધિકારીઓના જણાવ્યા અનુસાર ઘાયલોમાં એક શિક્ષક પણ સામેલ છે.
અધિકારીઓએ જણાવ્યું કે પોલીસને લગભગ 12:55 વાગ્યે ઓક્સફર્ડ ટાઉનશીપની ઓક્સફર્ડ હાઈસ્કૂલમાં એક બંદૂકધારી હોવાની માહિતી મળી હતી. ઓકલેન્ડ કાઉન્ટી શેરિફ ઓફિસે જણાવ્યું હતું કે મૃતકોમાં એક 16 વર્ષીય વિદ્યાર્થી, એક 14 વર્ષનો અને એક 17 વર્ષનો સમાવેશ થાય છે. તે જ સમયે, ઘાયલોમાંથી 6ની સ્થિતિ સ્થિર છે અને બે લોકોની સર્જરી કરવામાં આવી રહી છે.
પોલીસે જણાવ્યું કે એક શંકાસ્પદની ધરપકડ કરવામાં આવી છે અને તેની પાસેથી એક પિસ્તોલ મળી આવી છે. જો કે, આ ગોળીબારનું કારણ શું હતું તે તેણે તાત્કાલિક જણાવ્યું ન હતું. શંકાસ્પદ વિદ્યાર્થીએ ધરપકડ સમયે વિરોધ કર્યો ન હતો અને ઘટના પાછળના કારણ અંગે કોઈ નિવેદન આપ્યું ન હતું. આરોપીએ વકીલની માંગણી કરી છે.
રાષ્ટ્રપતિ જો બાઈડને દુઃખ વ્યક્ત કર્યું
શેરિફ ઓફિસે જણાવ્યું હતું કે તેઓને લાગતું નથી કે એક કરતા વધુ હુમલાખોર હતા. બપોરે, પોલીસના 911 ઇમરજન્સી નંબર પર 100 થી વધુ કૉલ્સ આવ્યા અને શૂટરે 5 મિનિટમાં લગભગ 15-20 રાઉન્ડ ફાયરિંગ કર્યું. તેમણે કહ્યું કે પ્રથમ ઈમરજન્સી કોલની 5 મિનિટની અંદર શંકાસ્પદની ધરપકડ કરવામાં આવી હતી.
અમેરિકી રાષ્ટ્રપતિ જો બાઈડને આ ઘટના પર શોક વ્યક્ત કર્યો અને ટ્વિટર પર કહ્યું, “ઓક્સફર્ડ, મિશિગનની ઘટનામાં તેમના પ્રિયજનોને ગુમાવવાના અકલ્પનીય દુઃખની લાગણી અનુભવી રહેલા પરિવારોની સાથે હું ઉભો છું. શાળાના આ દુ:ખદ ઘટનાને લઈને હું મારી ટીમના નજીકના સંપર્કમાં છું.”
My heart goes out to the families of all those in Oxford, Michigan experiencing the unimaginable grief of losing a loved one. I’m remaining in close touch with my team as new information about this tragic school shooting surfaces.
— President Biden (@POTUS) November 30, 2021
આ પણ વાંચોઃ