કાચી કેરી ઘરે પકવવા માંગો છો તો અપનાવો 4 સરળ નુસખા, તમને કેમિકલ વગર પણ સંપૂર્ણ સ્વાદ અને મીઠાશ મળશે
How to Ripen Raw Mangoes: કેરીની સીઝન આવી ગઇ છે, ફળોના રાજાને ખાવા માટે લોકો ઘણા આતુર હોય છે, પરંતુ ઘણી વખત કેમિકલયુક્ત કેરી નુકસાનકારક સાબિત થાય છે, આજ અમે તમને કાચી કેરી ઘરે જ કેવી રીતે પકાવવી તેની ટીપ્સ આપશું.
Tips to Ripen Mangoes at home: ઘણા લોકો કેરી ખાવાના ક્રેઝી હોય છે અને સમગ્ર સીઝનમાં કેરીનો સ્વાદ માણવા માંગે છે. આજકાલ બજારમાં મળતી કેરીને પકવવા માટે કેમિકલનો ઘણો ઉપયોગ થાય છે. આવી સ્થિતિમાં આખી સિઝનમાં કેમિકલયુક્ત કેરી ખાવી તમારા સ્વાસ્થ્ય માટે હાનિકારક સાબિત થઈ શકે છે.
તમને જણાવી દઈએ કે રસાયણો દ્વારા પાકેલી કેરીને ઘરે લાવવા કરતાં કાચી કેરીને ઘરે લાવવી વધુ સારું છે અને તેને ઘરે સરળ રીતે પકાવીને તેનો ભરપૂર આનંદ માણો. હવે તમે વિચારતા હશો કે ઘરે કેરી કેવી રીતે પકવી શકાય? તમને જણાવી દઈએ કે કાચી કેરીને ઘરે પકવવી ખૂબ જ સરળ છે. ચાલો જાણીએ ઘરે કેરી પકવવાની ટીપ્સ.
ચોખાનો ઉપયોગ કરો
કેરીને પકવવા માટે તમે ચોખાની મદદ લઈ શકો છો. આ માટે ચોખાના બોક્સમાં કેરીને તળિયે રાખો. પછી ચારથી પાંચ દિવસ માટે બોક્સને સંપૂર્ણપણે બંધ રાખો. જ્યારે તમે પાંચમા દિવસે બોક્સ ખોલશો, ત્યારે કેરી પાકેલી અને તૈયાર હશે.
કાગળમાં લપેટી
કાચી કેરી પકાવવા માટે તમે કાગળની મદદ પણ લઈ શકો છો. આ માટે કાગળની ત્રણથી ચાર શીટ લો અને તેમાં કેરીને બરાબર લપેટી લો. પછી તેમને કોઈ વાસણની અંદર રાખી, જ્યાં હવે અને પ્રકાશ ન આવે ત્યાં રાખો, 4-5 દિવસમાં તુરંત પાકી જશે કેરી.
ઘાસનો ઉપયોગ કરો
કેરી પકાવવા માટે ઘાસની મદદ પણ લઈ શકો છો. આ માટે બોક્સમાં સૂકું ઘાસ ભરો. પછી ઘાસની ઉપર કેરીને મુકી રાખો. હવે આ બોક્સને એક ખૂણામાં અથવા અંધારાવાળી જગ્યાએ રાખો. બે-ત્રણ દિવસ પછી કેરી બરાબર પાકી ગઈ હશે.
આ પણ વાંચો : 10 થી 2000 રૂપિયાની નોટો છાપવામાં જાણો કેટલો થાય છે ખર્ચ
સુતરાઉ કાપડનો ઉપયોગ કરો
કેરી પકાવવા માટે સુતરાઉ કાપડનો પણ ઉપયોગ કરી શકાય છે. આ માટે કેરીને કપડામાં લપેટીને વાસણમાં રાખો અને અને બાદમાં કાપડને ઉપરથી ઢાંકી દો. કાચી કેરી ત્રણથી ચાર દિવસમાં બરાબર પાકી જશે.
નોંધ : આ લેખ માત્ર જાણકારી માટે છે અને તેને વિવિધ લેખનાં આધારે તૈયાર કરવામાં આવ્યો છે. આ તમામ સાથે Tv9 ગુજરાતી પણ સંમત જ છે તેમ માનવું નહી.
ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
