Health Tips: કલાકો સુધી બેસી રહેવાની ટેવ પડી જશે ભારે, થઇ શકે છે આ ગંભીર બીમારીઓ

આપણે બધા જાણીએ છીએ કે કલાકો સુધી બેસવું સ્વાસ્થ્ય માટે હાનિકારક હોય છે. પરંતુ શું તમે જાણો છો કે કલાકો સુધી એક જગ્યાએ બેસી રહેવાથી બ્લડ પ્રેશર વધે છે અને હૃદયરોગ તેમજ કેન્સરનું જોખમ પણ વધે છે. હા, તમે તે બરાબર વાંચ્યું છે. પછી ભલે તમે ડેસ્ક પર બેઠા હોવ, અથવા કારની સીટ પર. અધ્યયનમાં દાવો કરવામાં આવ્યો છે કે કલાકો સુધી સતત બેસવાથી અનેક પ્રકારના રોગો થઈ શકે છે. આમાં મેદસ્વીપણા, હાઈ બ્લડ પ્રેશર, કમરની આજુબાજુ ચરબીનો સંચય અને કોલેસ્ટરોલનું સ્તર વધે છે.

ઘણાં કલાકો સુધી બેસી રહેવાથી થતાં આરોગ્યના જોખમો વચ્ચેના સંબંધને શોધવા માટે ઘણા અભ્યાસ કરવામાં આવ્યા છે. એવું જાણવા મળ્યું છે કે 8 કલાક સતત કોઈ શારીરિક પ્રવૃત્તિ વિના બેસવામાં ધૂમ્રપાન અને મેદસ્વીપણાને કારણે થતા મૃત્યુનાં જેટલું જ જોખમ છે. એ જ રીતે, દિવસ દરમિયાન તમે જેટલું ઓછું બેસો અથવા સૂવો છો, તેટલું તમારું સ્વાસ્થ્ય સારું રહે છે. પરંતુ કોરોનાને લીધે, આપણે બધા બેઠાડુ જીવન ધરાવીએ છીએ અને સ્ક્રીન પર વધુ સમય વિતાવીએ છીએ.

શા માટે કલાકો સુધી બેસવું ના જોઈએ

જ્યારે આપણે ઉભા રહીને કેટલાક કામ કરીએ છીએ, ત્યારે આપણું રક્તવાહિની તંત્ર અસરકારક રીતે કાર્ય કરે છે. તે જ સમયે, જે લોકો કલાકો સુધી બેસે છે અથવા સૂતા રહે છે, તેઓને ઘણા રોગોની સંભાવના રહે છે.

પગ અને ગ્લુટનાં સ્નાયુઓ

લાંબા સમય સુધી બેસવાને કારણે, પગની માંસપેશીઓ નબળી પડી જાય છે. પગના સ્નાયુઓ શરીરને ચાલવામાં અને સંતુલિત કરવામાં મદદ કરે છે. જો આ સ્નાયુઓ નબળી પડી જાય છે તો કસરત કરવી મુશ્કેલ બની જાય છે. આ સિવાય અનેક પ્રકારની સમસ્યાઓ પણ થઇ શકે છે.

મેટાબોલિક સમસ્યા

જ્યારે આપણે શારીરિક વ્યાયામ કરીએ છીએ, ત્યારે આપણે ચરબી અને સુગર પચાવીએ છીએ. પરંતુ જ્યારે આપણે લાંબો સમય બેસીએ છીએ ત્યારે પાચક સિસ્ટમ નબળી પડી જાય છે. જેના કારણે મેટાબોલિક ડિસઓર્ડર વધુ ખરાબ થાય છે.

હિપ્સ અને સાંધામાં સમસ્યા

જ્યારે તમે લાંબા સમય સુધી બેસો છો, ત્યારે હિપ ફ્લેક્સર્સ ટૂંકા થાય છે અને હિપ તેમજ સાંધામાં સમસ્યા આવી શકે છે. આના કારણે, પીઠનો દુખાવો થવાની સમસ્યા થાય છે. ખાસ કરીને જો તમે ખોટી મુદ્રામાં બેસો, તો સમસ્યાઓ વધારે વધારે છે.

કેન્સર

કેટલાક અભ્યાસો સૂચવે છે કે લાંબા સમય સુધી બેસી રહેવાથી ફેફસાંનું કેન્સર, ગર્ભાશય અને આંતરડાના કેન્સર સહિતના અન્ય પ્રકારનાં કેન્સરનું જોખમ વધે છે.

કેવી રીતે બચી શકાય?

સક્રિય રહેવાથી એનર્જીનું સ્તર વધે છે અને તમારા હાડકાંની શક્તિમાં વધારો થાય છે. તક મળે ત્યારે બેસવાને બદલે ઉભા રહો. દર 30 મિનિટ બેસ્યા બાદ વિરામ લો. ફોન પર વાત કરતી વખતે અથવા ટેલિવિઝન જોતી વખતે હરતા ફરતા રહો. આનાથી તમે ઘણી સમસ્યાથી બચી શકો છો.

આ પણ વાંચો: Brain food: ભણતા વિદ્યાર્થી અને વારંવાર વસ્તુ ભૂલી જતા લોકો માટે ખાસ, આ ફૂડથી વધશે યાદશક્તિ અને એકાગ્રતા