Health Tips: જંક ફૂડ અને ફાસ્ટ ફૂડ બંને અલગ-અલગ છે, તેમની વચ્ચે છે મોટો તફાવત, જાણો સ્વાસ્થ્ય માટે કયું ફુડ વધારે નુકસાનકારક

Fast Food And Junk Food: ઘણા લોકો જંક ફૂડ અને ફાસ્ટ ફૂડ વચ્ચેનો તફાવત સમજી શકતા નથી. તેઓ વિચારે છે કે બંનેનો અર્થ એક જ છે. કેટલાક લોકો જંક ફૂડ સાથે સંબંધિત વસ્તુઓને ફાસ્ટ ફૂડ તરીકે જુએ છે, જ્યારે કેટલાક લોકો ફાસ્ટ ફૂડને જંક ફૂડ તરીકે જુએ છે. પરંતુ શું તમે જાણો છો કે જંક ફૂડ અને ફાસ્ટ ફૂડ બંને અલગ-અલગ છે અને તેમની વચ્ચે મોટો તફાવત છે? આટલું જ નહીં તેને ખાવાના ગેરફાયદા અને ફાયદા પણ અલગ છે. આવો જાણીએ.

આ પણ વાંચો : Health: પિઝા, બર્ગર જેવા ફાસ્ટ ફુડ ખાવાથી તમારુ પેટ ખરાબ થઇ ગયુ છે ? આ 5 ઘરગથ્થુ ઉપચાર રામબાણ બનશે

જંક ફૂડ

જંક ફૂડને એવી ખાદ્ય ચીજો કહેવામાં આવે છે, જે પેકેટમાં ઉપલબ્ધ હોય છે અને તેને બનાવવામાં કોઈ ઝંઝટ નથી હોતી.બસ ખરીદવા અને પેકેટ ખોલવાની જેટલી જ જહેમત ઉઠાવવી પડે છે,જંક ફૂડમાં પોષક તત્વોનું પ્રમાણ શૂન્ય છે. તેમાં સંતૃપ્ત ચરબી, વધારાની ખાંડ અને વધુ મીઠું હોય છે. આટલું જ નહીં, કેલરીની માત્રા પણ વધુ હોય છે, જેના કારણે હંમેશા વજન વધવાનું જોખમ રહે છે. તમારે હંમેશા જંક ફૂડનું સેવન મધ્યમ માત્રામાં કરવું જોઈએ. કારણ કે તેના સેવનથી સ્વાસ્થ્યને ઘણા જોખમો થઈ શકે છે. એટલે કે તેમાં કેલરી હોય છે પરંતુ પોષક મૂલ્ય હોતું નથી.

જંક ફૂડમાં શું સામેલ છે

1. પોટેટો ચિપ્સ અને નાચોસ

2. બિસ્કીટ

3. ચોકલેટ કેન્ડી

4. પેકેજ પીણાં અને કોલા

5. તળેલા નાસ્તા

6. કેક

આ તમામ ખાદ્ય પદાર્થોમાં મીઠું, ખાંડ અને તેલનું પ્રમાણ વધુ હોય છે અને તેમાં કોઈ પોષણ નથી.

ફાસ્ટ ફૂડ

ફાસ્ટ ફૂડ એવી ખાદ્ય વસ્તુઓ છે, જે ઝડપથી અને સરળતાથી તૈયાર કરી શકાય છે. ફાસ્ટ ફૂડ જંક ફૂડની જેમ પૂર્વ-તૈયાર અને સંગ્રહિત નથી. તેઓ તરત જ તૈયાર થાય છે. તમે રેસ્ટોરન્ટમાં જે વસ્તુઓનો ઓર્ડર કરો છો તેમાંથી મોટા ભાગની વસ્તુ ફાસ્ટ ફૂડ છે.

ફાસ્ટ ફૂડમાં શું સામેલ છે

1. બર્ગર

2. પોટેટો ફ્રાઈસ

3. નૂડલ્સ

4. પિઝા

5. સેન્ડવીચ

6. મિલ્ક શેક

વધુ હાનિકારક કઇ વસ્તુ છે ?

જંક ફૂડ અને ફાસ્ટ ફૂડ બંને સ્વાસ્થ્ય માટે ખૂબ જ હાનિકારક છે. પરંતુ જો આ બેમાંથી કોઈને પસંદ કરવાનું હોય તો ફાસ્ટ ફૂડ વધુ સારું રહેશે. જંક ફૂડની સરખામણીમાં ફાસ્ટ ફૂડ સ્વાસ્થ્યને ઓછું નુકસાન પહોંચાડશે. જો કે, બંને ખોરાક નુકસાનની દ્રષ્ટિએ બિનઆરોગ્યપ્રદ છે.