ખરાબ લાઈફ સ્ટાઈલને લઈને લોકોમાં ડાયાબિટીસ અને હૃદય રોગની બિમારી વધુ જોવા મળી રહી છે. આ સાથે હાઈ બ્લડપ્રશેરની સમસ્યાઓ લોકોમાં સામાન્ય થઈ ગઈ છે. હાઈબીપીની સમસ્યામાંથી રાહત મેળવવા માટે લોકો દવા પર નિર્ભર બન્યા છે પરંતુ આ સમસ્યાને કંટ્રોલ કરવા માટે માત્ર દવાઓ પર નિર્ભર રહેવું પણ એક સમયે હેલ્થ માટે નુકસાનકારક છે.
હેલ્થ એક્સપર્ટની વાત માનીએ તો વધુ દવાઓ લેવાથી કિડની અને લીવરની સમસ્યાઓ થઈ શકે છે પરંતુ ખાણી-પીણી અને લાઈફસ્ટાઈલને સ્વસ્થ રાખવા માટે બ્લડપ્રશેરની સમસ્યાઓને પણ કંટ્રોલ કરી શકાય છે. આ આર્ટિકલમાં અમે તમને જણાવીશું કે, શેના દ્વારા બ્લડપ્રશેરને કંટ્રોલ કરી શકાય છે.
વધુ નમક ખાવાથી શરીરમાં સોડિયમની માત્રા વધી જાય છે. જેનાથી રક્તવાહિનીઓ પર દબાણ આવે છે, જેના કારણે હાઈ બ્લડ પ્રેશરનું જોખમ વધી જાય છે. તેથી જમતી વખતે ઓછામાં ઓછા મીઠાનો ઉપયોગ કરવો જોઈએ. નિયમિત મીઠા (નમક) ને બદલે સેંધા નમકનો ઉપયોગ ફાયદાકારક સાબિત થઈ શકે છે.
સ્મોકિંગ પણ હાઈ બ્લડપ્રશેરનું કારણ બને છે. સિગરેટમાં નિકોટીન નામનું ખતરનાક કેમિકલ હોય છે. જે સીધું બ્લડ ફ્લો પર અસર કરે છે, જો કોઈ વ્યક્તિને પહેલાથી જ હાઈ બીપીની સમસ્યા હોય તો તેણે સ્મોકિંગથી દૂર રહેવું જોઈએ.
જો તમે પૂરતી ઊંઘ લેશો તો તમે ઘણી બીમારીઓથી બચી શકશો. યોગ્ય ઊંઘ લેવાથી શરીર યોગ્ય રીતે કાર્ય કરે છે. આવી સ્થિતિમાં હૃદયના ધબકારા અને બ્લડપ્રેશર બંને નિયંત્રણમાં રહે છે. જો તમે દવા વગર બ્લડ પ્રશેરને કંટ્રોલ કરવા માંગો છઓ તો પૂરતી માત્રામાં ઊંધ લો.
બ્લ્ડ પ્રશેરને કંટ્રોલ કરવી છે તો ફિઝિકલ એક્ટિવિટીને વધારો. તમે જેટલા એક્ટિવ રહેશે તમે બ્લડ પ્રેશરને એટલું જ નિયંત્રણ રાખી શકશો.
નોંધ :આ લેખ માત્ર જાણકારી માટે છે.સ્વાસ્થ્ય સંબંધીત કંઇ પણ અનુસરતા પહેલા આપ આપના તબીબ અથવા તજજ્ઞોની સલાહ ખાસ લેવી.