Valsad : વાપી જીઆઇડીસીની કેમિકલ કંપનીમાં ભીષણ આગથી નાસભાગ
કેમિકલની કંપનીમાં આગ હોવાથી તેને કાબુમાં લેવા ભારે જહેમત ઉઠાવવી પડી હતી. ફાયરના જવાનોએ આસપાસના આખા વિસ્તારને કોર્ડન કરીને આગને કાબુમાં કરવાના પ્રયાસો હાથ ધર્યા હતા.
વલસાડની(Valsad ) વાપી જીઆઇડી સી ની એક કેમિકલ કંપની માં આગનો મામલો સામે આવ્યો છે. વાપી જીઆઈડીસીમાં થર્ડ ફેસ માં આવેલી સુપ્રિત કેમિકલ(Chemical ) કંપની માં આગ ફાટી નીકળી હતી. જેનો કોલ મળતાની સાથે જ 6 થી વધુ ફાયર બ્રિગેડ ની ટીમ સ્થળ પર પહોંચી ગઈ હતી અને આગ પર કાબૂ મેળવવા પ્રયાસ કર્યો હતો. સદનસીબે આગની આ ઘટનામાં કોઈ ઈજા કે જાનહાનિ થઇ ન હતી. આગ કેવી રીતે લાગી તે હજી સુધી જાણી શકાયું નથી.
આજે સવારે લાગેલી આગની આ ઘટના ને લઈ સમગ્ર વિસ્તારમાં દોડધામ મચી જવા પામી હતી. કેમિકલની કંપની હોવાથી જોતજોતામાં આગે વિકરાળ સ્વરૂપ ધારણ કરી લીધું હતું. આગ એટલી ભયંકર હતી કે ધુમાડાના ગોટેગોટા દૂર સુધી જોઈ શકાતા હતા. જોતજોતામાં કંપનીના દરેક માળ આગની લપેટમાં આવી ગયા હતા. કેમિકલની કંપનીમાં આગ હોવાથી તેને કાબુમાં લેવા ભારે જહેમત ઉઠાવવી પડી હતી. ફાયરના જવાનોએ આસપાસના આખા વિસ્તારને કોર્ડન કરીને આગને કાબુમાં કરવાના પ્રયાસો હાથ ધર્યા હતા.
જોકે કંપનીમાં ફાયર સેફટી હતી કે કેમ તેમજ જો હતી તો કાર્યરત અવસ્થામાં હતી કે કેમ તે હજી તપાસનો વિષય બની જાય છે. હજી સુધી આગ ક્યા કારણોસર લાગી તે હજી સુધી જાણી શકાયું નથી. સદનસીબે આગની આ ઘટનામાં હજી સુધી કોઈને જાનહાની થઇ હોય તેવા સમાચાર મળ્યા નથી.
આ સમાચાર હજી અપડેટ થઇ રહ્યા છે.