VADODARA : વીજ કંપનીના કર્મચારીઓનું વિરોધ પ્રદર્શન, ખાનગીકરણ અંગે નારાજગી

VADODARA : વીજ કંપનીના કર્મચારીઓનું વિરોધ પ્રદર્શન યોજાયું છે. વીજકંપનીના ખાનગીકરણ થઇ રહેલા સરકારના પ્રયત્નોનો વિરોધ કરવામાં આવ્યો છે. રેસક્રોસ સ્થિત વિજકંપનીની મુખ્ય કચેરી ખાતે MGVCLના કર્મચારીઓએ સૂત્રોચ્ચાર કર્યા હતા. ખાનગીકરણથી પ્રજા-વીજકર્મીઓને પારાવાર નુકસાન થશે તેવું વીજકંપનીના કર્મચારીઓનું કહેવું છે. સાથે જ ખાનગીકરણનું બિલ પાસ થશે તો વીજળી મોંઘી બનશે તેવું પણ વીજકંપનીના કર્મચારીઓનું કહેવું છે. સાથે જ ખાનગી કંપનીઓની મનમાની વધી જશે અને પેટ્રોલ-ડીઝલના ભાવોની જેમ વીજળીમાં ભાવો સતત વધશે તેવું કર્મચારીઓ જણાવી રહ્યાં છે. ત્યારે આ વિરોધ પ્રદર્શનને લઇને શું નિર્ણય આવે છે તે જોવું રહ્યું.