AHMEDABAD : કેન્સરની સારવાર માટેનું આધુનિક મશીન દેશમાં સૌપ્રથમ ગુજરાતમાં, 75 કરોડના ખર્ચે લવાયા 5 આધુનિક મશીનો
Gujarat Cancer and Research Institute : નાયબ મુખ્યપ્રધાન નીતિન પટેલે GCRI ના નવા ભવનમાં સ્થાપિત મશીનોનું નિરીક્ષણ કર્યા બાદ જણાવ્યું હતું કે દેશમાં સરકારી હોસ્પિટલમાં પ્રથમ વખત આવા આધુનિક મશીન લાવવામાં આવ્યાં છે.
AHMEDABAD :એશિયાના સૌથી મોટી અમદાવાદ સ્થિત સિવિલ હોસ્પિટલ કેમ્પસની કેન્સર હોસ્પિટલ ગુજરાત કેન્સર એન્ડ રિસર્ચ ઇન્સ્ટિટ્યૂટમાં 75 કરોડના ખર્ચે આધુનિક મશીનો લાવવામાં આવ્યા છે, જે કેન્સરની ચોક્કસ સારવાર કરી શકશે.આ મશીનો દ્વારા દર્દીના શરીરમાં કેન્સરગ્રસ્ત ભાગમાં સારવાર કરી શકાશે. રાજ્યના નાયબ મુખ્યપ્રધાન અને આરોગ્ય પ્રદાન નીતિન પટેલે શુક્રવારે હોસ્પિટલની મુલાકાત બાદ આ માહિતી આપી હતી.
દેશમાં સૌપ્રથમ ગુજરાતમાં આવું મશીન એવો દાવો કરવામાં આવ્યો છે કે આવું આધુનિક મશીન દેશની કોઈ પણ સરકારી હોસ્પિટલમાં પ્રથમ વખત હશે. આ મશીનોમાં ટ્યુબીમ, ટોમોથેરાપી, સાયબર નાઈફ, બ્રેકીથેરાપી અને સીટી સિમ્યુલેટરનો સમાવેશ થાય છે.નાયબ મુખ્યપ્રધાન નીતિન પટેલે GCRI ના નવા ભવનમાં સ્થાપિત મશીનોનું નિરીક્ષણ કર્યા બાદ જણાવ્યું હતું કે દેશમાં સરકારી હોસ્પિટલમાં પ્રથમ વખત આવા આધુનિક મશીન લાવવામાં આવ્યાં છે.આ બાબતમાં પણ ગુજરાત દેશનું પ્રથમ રાજ્ય બન્યું છે. તેમણે કહ્યું કે આ મશીનોની મદદથી કેન્સરના દર્દીઓની જટીલ સારવાર કરવામાં આવશે.વળી, આ મશીનો શરીરના નાના ભાગમાં પણ રોગને ઓળખવામાં સક્ષમ છે. તેમણે કહ્યું કે દેશમાં આ પ્રકારનું મશીન મળવું મુશ્કેલ છે.
કેન્સર હોસ્પિટલ-અમદાવાદ ખાતે કેન્સરની સારવારમાં દર્દીઓ માટે અત્યાધુનિક અને અતિઉપયોગી અત્યાધુનિક તકનીકોથી સજ્જ એવા ટ્રુબીમ મશીન, ટીમોથેરાપી, સાઇબર નાઇફ, બ્રેકીથેરાપી અને સીટી સીમ્યુલેટર પ્રકારના રેડિયોથેરાપી મશીન ટૂંક સમયમાં કેન્સર ગ્રસ્ત દર્દીઓ માટે કાર્યરત થશે. pic.twitter.com/faAzcj2ImG
— Nitin Patel (@Nitinbhai_Patel) August 27, 2021
અમેરિકા અને યુરોપિયન દેશોમાંથી લવાયા મશીનો GCRI માં આ મશીનો અમેરિકા અને અન્ય યુરોપિયન દેશોમાંથી સરકારી ખર્ચે લાવવામાં આવ્યા છે. નાયબ મુખ્યપ્રધાન નીતિન પટેલે જણાવ્યું હતું કે, સિવિલ હોસ્પિટલ કેમ્પસ, અમદાવાદની કેન્સર હોસ્પિટલમાં રાજ્યભરમાંથી કેન્સરના દર્દીઓની સંખ્યામાં વધારો થતાં રાજ્ય સરકારે જામનગર, ભાવનગર, રાજકોટ અને વડોદરામાં પણ કેન્સરની સારવારની વ્યવસ્થા કરી છે. કેન્સરની સારવારને આધુનિક બનાવવાના હેતુથી સરકાર દ્વારા શક્ય વ્યવસ્થા કરવામાં આવી રહી છે. એટલા માટે નવી GCRI બિલ્ડિંગમાં 15 ઓપરેશન થિયેટર બનાવવામાં આવ્યા છે અને બોન મેરો ટ્રાન્સપ્લાન્ટ સારવારની સુવિધામાં ત્રણ ગણો વધારો કરવામાં આવ્યો છે.
75 કરોડના ખર્ચે લવાયા આધુનિક મશીનો અમદાવાદની કેન્સર હોસ્પિટલમાં 75 કરોડના ખર્ચે લાવવામાં આવેલા મશીનો ટૂંક સમયમાં કાર્યરત થશે. જેમાં આ મશીનોનો સમાવેશ થાય છે –
1)16.30 કરોડના ખર્ચે ટ્યૂબિમ મશીનનો ઉપયોગ મોં અને ગળાના કેન્સર ઉપરાંત ગર્ભાશય, સ્તન, પ્રોસ્ટેટ, મગજ અને ફેફસાના કેન્સર કેન્સરની સારવારમાં રેડિયોથેરાપીથી સારવાર કરવામાં આવશે. આનાથી શરીરના અન્ય ભાગોમાં રેડિયોથેરાપીની આડઅસર થવાની શક્યતા ઓછી થશે.
2)22 કરોડના ખર્ચે લાવવામાં આવેલ ટોમો થેરાપી મશીનથી શરીરના કેન્સરગ્રસ્ત ભાગોને એક સાથે રેડિયોથેરાપી ડોઝ આપી શકાશે.
3) 27.56 કરોડના ખર્ચે લાવવામાં આવેલ સાયબર નાઈફ મશીન કેન્સરની સારવાર માટે સૌથી આધુનિક માનવામાં આવે છે. આ રોબોટ સંચાલિત મશીનથી મગજના કેન્સર અને શરીરના અન્ય ભાગોમાં કેન્સરની નાની ગાંઠની પણ કોઇ આડઅસર વિના સારવાર કરી શકાય છે.
4) સાડા ત્રણ કરોડના ખર્ચે લાવવામાં આવેલ બ્રેકીથેરાપી મશીન કેન્સર પીડિત મહિલાઓ માટે મહત્વનું સાબિત થશે. આ મશીનથી ગર્ભાશયના મુખના કેન્સર, સ્તન કેન્સર, અન્નનળીના કેન્સરની સારવાર માટે રેડિયોથેરાપી કરી શકાશે.
5) પાંચ કરોડના ખર્ચે લાવવામાં આવેલ સીટી સિમ્યુલેશન મશીનથી રેડિયોથેરાપીની સારવાર પહેલા કોમ્પ્યુટરાઇઝ્ડ સારવારનું આયોજન તૈયાર કરશે. આ મશીન સીટી સ્કેન તરીકે કામ કરશે.