ઉકાઈ જળાશયમાંથી પાણી છોડાતા સુરતમાં તાપી નદી ઉપરના વિયર કમ કોઝવે ઉપર બે મીટરથી વધુ પાણી વહી રહ્યું છે. ઉપરવાસમાં વરસેલા ભારે વરસાદને કારણે ઉકાઈ ડેમમા 1.23 લાખ ક્યુસેકથી વધુ પાણીની સતત આવક થઈ રહી છે. હાલ ઉકાઈ ડેમના 16 દરવાજા ખોલીને 1.64 લાખ ક્યુસેક પાણી તાપી નદીમાં છોડાઈ રહ્યું છે. રાદેર અને કતાર ગામને જોડતા તાપી નદી ઉપરના વિયર કમ કોઝવે 6 મીટરની સપાટીની ઉપર પાણી વહે એટલે લોકો માટે બંધ કરી દેવાય છે. હાલ 8.84 મીટરે પાણી વહે છે. હવામાન વિભાગે આગાહી કરી છે કે આવનારા ત્રણથી પાંચ દિવસ ભારેથી અતિભારે વરસાદ પડશે. આ આગાહીને પગલે જો ઉકાઈના ઉપરવાસમાં અતિભારે કે ભારે વરસાદ પડશે તો તાપી નદીમાં હજુ પણ વધુ પાણી આવી શકે છે. અને અન્ય નીચાણવાળા વિસ્તારોમાં પાણી પ્રવેશી શકે છે. તંત્રને સાવચેત કરાયુ છે.
આ પણ વાંચોઃઉકાઈમાંથી પાણી છોડાતા, બારડોલીના હરીપુરાનો કોઝવે ડૂબ્યો, 12 ગામના લોકોને આવ જા કરવામાં મુશ્કેલી
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
Published On - 12:33 pm, Thu, 20 August 20