Surendranagar Breaking News : નવી બનેલ સુરેન્દ્રનગર મહાનગર પાલિકાની 52માંથી 51 બેઠક પર કમળ ખીલ્યું, માત્ર એક જ બેઠક કોંગ્રેસને
સ્થાનિક સ્વરાજ્યની ચૂંટણીના રણમેદાનમાં ખેલાયેલા જંગ બાદ, હવે ઉમેદવારોના હૃદયના ધબકારા વધ્યા હતા. કારણ કે, કેટલીક જગ્યાએ ભારતીય જનતા પાર્ટી તો કેટલીક બેઠકો પર કોંગ્રેસે ખાતું ખોલ્યું હતુ. ત્યારે સુરેન્દ્રનગરમાં 51 સીટ ભાજપને ફાળે ગઈ છે.
સુરેન્દ્રનગર મહાનગરપાલિકા સામાન્ય ચૂંટણીમાં કુલ 13 વોર્ડમાં 52 સીટ માટે યોજાયેલ ચૂંટણીમાં 13 વોર્ડની મતગણતરી પૂર્ણ થઈ છે.51 સીટ ભાજપના ફાળે છે. ત્યારે વોર્ડ નંબર 8માં એક કોંગ્રેસના મહિલા ઉમેદવારની જીત થઈ છે.સુરેન્દ્રનગર જિલ્લા પંચાયતની મુળી બેઠક પર રાજુભાઈ કરપડા પ્રથમ રાઉન્ડના અંતે 1400 મતથી આગળ રહ્યા હતા. કુલ 6 રાઉન્ડમાં મતગણતરી યોજાઈ હતી.અંતિમ પરિણામ મુજબ રાજુભાઈ કરપડા 2533 મતોથી વિજયી જાહેર થયા છે.
પુર્વધારાસભ્ય નૌશાદ સોલંકી અને પોલીસ વચ્ચે તું તું મે મે
સુરેન્દ્રનગરમાં મતગણતરી દરમિયાન માથાકૂટ સામે આવી હતી. ભાજપ અને કોંગ્રેસના કાર્યકરો વચ્ચે ઝપાઝપી થઈ હતી.પોલીસની હાજરીમાં ઝપાઝપી થઈ હતી.પુર્વધારાસભ્ય નૌશાદ સોલંકી અને પોલીસ વચ્ચે તું તું મે મે જોવા મળી હતી.કોઈએ છરી બતાવી હોવાના આક્ષેપ હાલ કરવામાં આવ્યો છે. પૂર્વ ધારાસભ્ય નૌશાદ સોલંકીનો આરોપ છે કે,પોલીસ દ્વારા ચેકીંગ કરાતુ નથી.બે Dy.S.P સહિત મોટો પોલીસ કાફલો છતા મારા મારી સર્જાઈ હતી.
લોકશાહીનો ‘મહા-ચુકાદો’. આજનો સૂર્યોદય હાર-જીતના રોમાંચક સમીકરણો લઈને ઉગ્યો છે. રાજ્યભરમાં કુલ 9,297 બેઠકો માટે થયેલી આ ચૂંટણીમાં 25,579 ઉમેદવારો મેદાનમાં હતા, જેમાંથી 730 બેઠકો પહેલેથી જ બિનહરીફ જાહેર થયા હતા. ત્યારે આજે સ્થાનિક સ્વરાજ્યની ચૂંટણીનું પરિણામ જાહેર થયું છે. સ્થાનિક સ્વરાજ્યની ચૂંટણીના પરિણામો સાથે હજારો ઉમેદવારોના રાજકીય ભાવિનો નિર્ણય થયો છે.
સુરેન્દ્રનગર માહા નગરપાલિકા ચુંટણી 2026
કુલ બેઠક – 52
- ભાજપ – 51
- કોંગ્રેસ – 01
- આપ- 00
- અપક્ષ – 00
Gujarat Local Body, Municipal Election Results 2026 LIVE: અમદાવાદના ખાડિયામાં ભાજપનું કમળ કરમાયું, વર્ષો બાદ કોંગ્રેસના ઉમેદવારોની જીત અહી ક્લિક કરો
Published On - 3:17 pm, Tue, 28 April 26
