Surat : ડાયમંડ કિંગ સવજી ધોળકિયા વિષે જાણો કેટલીક અજાણી વાતો, પદ્મશ્રી એવોર્ડ માટે થઇ છે પસંદગી

ગુજરાતના સુરત (Surat )  શહેરના પ્રખ્યાત હીરા ઉદ્યોગપતિ સવજી ધોળકિયાનું (Savji Dholakiya )  નામ પણ ગૃહ મંત્રાલય દ્વારા જાહેર કરાયેલ 2022 માટે પદ્મશ્રીએવોર્ડ (Padma Shree Award ) યાદીમાં સામેલ કરવામાં છે. ઉદ્યોગપતિને વર્ષ 2022 માટે પદ્મશ્રી એવોર્ડથી નવાજવામાં આવ્યા છે. આ ઉદ્યોગપતિ દર વર્ષે તેમના કર્મચારીઓને મોટા બોનસ અને ભેટો આપીને કરોડો રૂપિયા ખર્ચવા માટે જાણીતો છે. તેણે પોતાના લગભગ 600 કર્મચારીઓને કાર ગિફ્ટ કરી છે.

ચાલો આ પદ્મશ્રી એવોર્ડ મેળવનાર વિશે વધુ જાણીએ:

કોણ છે સવજી ધોળકિયા?

સવજીભાઈ ધોળકિયાને સુરત અને સૌરાષ્ટ્રમાં સવજીકાકા તરીકે પણ ઓળખવામાં આવે છે અને તેઓ અમરેલી જિલ્લાના દુધાળા ગામના વતની છે. ધોળકિયા, જેમણે 13 વર્ષની વયે શાળા છોડી દીધી હતી, તેઓ 1977માં ટિકિટ ભાડા તરીકે તેમના ખિસ્સામાં માત્ર 12.5 રૂપિયા લઈને રાજ્ય પરિવહનની બસમાં સુરત આવ્યા હતા.

ધોળકિયાએ સુરતમાં તેમના કાકાના હીરાના વ્યવસાયમાં કામ કરવાનું શરૂ કર્યું, અને 10 વર્ષના સખત ડાયમંડ પોલિશિંગના કામ પછી, તેમણે 1992માં તેમની કંપનીનો પાયો નાખ્યો. 2014માં તેમની કંપનીએ રૂ. 400 કરોડનું ટર્નઓવર નોંધાવ્યું, જે અગાઉની તુલનામાં 104% વધુ હતું.

તેઓ ડાયમંડ જ્વેલરીના ઉત્પાદનમાં પણ સંકળાયેલા છે અને  યુનિટી જ્વેલ્સની નિકાસ કરે છે. સવજી ધોળકિયાની કંપની હાલમાં યુએસ, બેલ્જિયમ, યુએઈ, હોંગકોંગ અને ચીનમાં આનુષંગિકો ઉપરાંત મુંબઈથી સીધા જ 50 થી વધુ દેશોમાં તૈયાર હીરાની નિકાસ કરે છે.

નોંધનીય છે કે, તેમની કંપનીમાં કુલ 5,500 કર્મચારીઓની સંખ્યા છે અને કંપનીનું વાર્ષિક ટર્નઓવર રૂ. 6,000 કરોડ છે. આ વખતે તેમને સામાજિક કાર્ય માટે એવોર્ડ મળ્યો છે. તેઓએ તેમના ગામમાં અને સમાજ માટે અનેક સામાજિક કાર્યો કર્યા છે. સવજીભાઈ ધોળકિયાએ તેમના કર્મચારીઓને ફ્લેટ્સ અને મર્સિડીઝ કાર ગિફ્ટ કર્યા બાદ હેડલાઈન્સ બનાવી હતી. સવજી ધોળકિયાએ 2016માં દિવાળી પર તેમના કર્મચારીઓને 400 ફ્લેટ અને 1260 કાર ભેટમાં આપી હતી.

સવજી ધોળકિયાનો જન્મ ગુજરાતના અમરેલી જિલ્લાના એક નાનકડા ગામ દુધાળામાં થયો હતો. તેમને ભણવામાં મન લાગતું ન હતું. 13 વર્ષની ઉંમરે સવજી સુરત આવ્યા અને નાના કારખાનામાં કામ કરવા લાગ્યા. તેમના કહેવા પ્રમાણે, તેમણે લગભગ 10 વર્ષ સુધી હીરા ગ્રાઇન્ડીંગનું કામ કર્યું અને તેના વિશે ઘણો અનુભવ મેળવ્યા પછી તેમણે ઘરે કેટલાક મિત્રો સાથે મળીને હીરા ગ્રાઇન્ડીંગનું કામ શરૂ કર્યું, જે ધીમે ધીમે આગળ વધવા લાગ્યું. આજે તેમની કંપની 50 દેશોમાં હીરા સપ્લાય કરે છે.

સવજી ધોળકિયાએ મુંબઈમાં લક્ઝુરિયસ પ્રોપર્ટી ખરીદી હતી સવજી ધોળકિયાએ 2021માં મુંબઈના વર્લી સી ફેસ ખાતે 185 કરોડ રૂપિયાનો રહેણાંક બંગલો ખરીદ્યો હતો. પન્હાર બંગલા તરીકે ઓળખાતી, આ મિલકત ધોળકિયા પરિવાર દ્વારા સંપાદન પહેલાં એસ્સાર જૂથની માલિકીની હતી. 20,000 ચોરસ ફૂટ અને 15 એપાર્ટમેન્ટમાં ફેલાયેલી આ મિલકત સવજી ધોળકિયાના નાના ભાઈ ઘનશ્યામ ધોળકિયા હેઠળ નોંધાયેલ છે.

આ પણ વાંચો :

Surat: ગુરુવારે રજૂ થશે સુરત મહાનગરપાલિકાનું મહા બજેટ, નવા પ્રોજેક્ટ સામેલ થવાની સંભાવના ઓછી

Corona In Surat: સુરતીઓને મોટો હાશકારો, 5 જ દિવસમાં કેસો 50 ટકા ઘટ્યા