વાલીઓ સાવધાન !!! બાળકોએ ગટરમાં ફટાકડાં ફોડયાં, લાગી અચાનક આગ, જુઓ સીસીટીવી દ્રશ્યો
આ ઘટના તારીખ- 26-10-2021ને સાંજે 5.43 કલાકની છે. જોકે ઘટનામાં કોઈ જાનહાનિ થવા પામી ન હતી.માત્ર બે બાળકોને મોંઢા પર સામાન્ય આગની વરાળને લઈ ઈજાઓ પહોંચી હતી.
સુરત શહેરના યોગીચોક વિસ્તારમાં આવેલ તુલસી દર્શન સોસાયટીમાં બાળકોએ ગટરમાં ફટાકડા ફોડતા ગટરમાં આગ ભભુકી હોવાના સીસીટીવી સામે આવ્યા છે.આ ઘટના બે દિવસ પહેલા હોવાનું મનાઈ રહયું છે.આગને લઈ બે બાળકો ને મોઠા પર સામાન્ય ઈજાઓ પણ થવા પામી હતી. આમ તો આ ઘટના દિવાળીના સમયે માતા-પિતા માટે ચેતવણી રૂપ દાખલો છે. કારણ કે બાળકો જ્યારે દિવાળીના સમયે ફટાકડા ફોડતા હોય ત્યારે કેટલીક બાબતો ધ્યાન રાખવી જરૂરુ બની જાય છે.
દિવાળીમાં ફટાકડા ફોડનાર લોકોએ સાવચેત રહેવાની જરૂર છે. સુરત શહેરમાં એવો જ એક કિસ્સો ચેતવણીરૂપ કિસ્સો પ્રકાશમાં આવ્યો છે. શહેરના વરાછા યોગીચોક વિસ્તારમાં આવેલ તુલસી દર્શન સોસાયટીમાં કેટલાક બાળકો સોસાયટીના ગેઈટ બહાર આવેલ ગટરમાં ફટાકડા ફોડવાનું કસબ અજમાવ્યું હતું. સોસાયટીના કેટલાક બાળકોએ ગટરમાં ફટાકડા ફોડતા ગટરમાં અચાનક આગ ભભુકી ઉઠતા બાળકો ગભરાઈ ગયા હતા.તેમજ સોસાયટીમાં કેટલીક મહિલાઓ પણ દોડી આવી હતી. દરમિયાન ફાયર બ્રિગેડને જાણ કરતાં ફાયરને એક ગાડી ઘટના સ્થળ પર પહોંચી આગ પર કાબુ મેળવ્યો હોવાના સીસીટીવી ફુટેજ સામે આવ્યા છે.
ઘટના 26 ઓકટોબરના રોજ ઘટી, પણ બાળકોના વાલીઓ માટે ચેતવણીરૂપ કિસ્સો
આ ઘટના તારીખ- 26-10-2021ને સાંજે 5.43 કલાકની છે. જોકે ઘટનામાં કોઈ જાનહાનિ થવા પામી ન હતી.માત્ર બે બાળકોને મોંઢા પર સામાન્ય આગની વરાળને લઈ ઈજાઓ પહોંચી હતી. પરંતુ દિવાળીમાં બાળકોના માતાપિતાએ પણ ખુબ જ ધ્યાન રાખવાની જરૂર છે. બાળકોને ફટાકડા સાવધાની પુર્વક ફોડવાની સમજ આપવી ખુબ જ જરૂરી છે. દિવાળીના સમયે મોટી અઘટીત ઘટના બનતા બનતા રહી ગઈ હતી.પરંતુ સાવચેતી પુર્વક ફટાકડા ફોડી ખુશીથી દિવાળીના પર્વની ઉજવણી કરવી ખુબ જ જરૂરી છે.
Published On - 3:14 pm, Thu, 28 October 21