ગોંડલ માર્કેટિંગ યાર્ડમાં ડુંગળી બાદ હવે ધાણાની પુષ્કળ આવક, 5 કિલોમીટર લાંબી લાઈનો લાગી
સૌરાષ્ટ્રના મોટા માર્કેડિંગ યાર્ડમાં ગોંડલના યાર્ડની ગણના થાય છે તેથી ત્યાં બહારના વેપારીઓ માલની ખરીદી કરવા મોટા પ્રમાણમાં આવતા હોય છે. આ કારણે ત્યાં ખેડૂતો દ્વારા લાવવામાં આવતો પાક તરત જ વેચાઈ જાય છે અને તેના ભાવ પણ સારા મળે છે.
ગોંડલ માર્કેટિંગ યાર્ડના ડુંગળી બાદ હવે ધાણાની પુષ્કળ આવક થઈ છે. માર્કેટિંગ યાર્ડ બહાર ધાણા ભરેલા આશરે 1500થી વધુ વાહનોની લાઈનો લાગી છે. યાર્ડની બંને તરફ પાંચ કિલોમીટર લાંબી લાઈનો લાગી હતી. પોરબંદર ગીર સોમનાથ રાજકોટ સહિતના અનેક જિલ્લાના ખેડૂતો ગઇકાલ રાતથી જ ગોંડલ માર્કેટીંગ યાર્ડ ખાતે ધાણાનો પાક લઈને પહોંચ્યા હતા. ખેડૂતોને રાતભર હાઇવે પર હેરાન હેરાન થવાનો વારો આવ્યો હતો.
આ વર્ષે ગોંડલ માર્કેટિંગ યાર્ડ ગયા વર્ષની સરખામણીએ ધાણાનો ભાવ મળી રહ્યા છે. 20 કિલો ધાણાના ભાવ રૂપિયાથી 1200 લઈને રૂપિયા 1900 સુધી મળી રહ્યો છે જેથી ખેડૂતો દૂરથી ગોંડલ માર્કેટિંગ યાર્ડ ખાતે પહોંચી રહ્યા છે. આ વર્ષે ખૂબ સારો વરસાદ થયો હોવાથી સૌરાષ્ટ્રમાં અનેક ખેડૂતોએ ધાણાનું વાવેતર કર્યું હતું જેથી આ વર્ષે ઘણાં મબલક ઉત્પાદન પણ થયું છે.
સૌરાષ્ટ્રના મોટા માર્કેડિંગ યાર્ડમાં ગોંડલના યાર્ડની ગણના થાય છે તેથી ત્યાં બહારના વેપારીઓ માલની ખરીદી કરવા મોટા પ્રમાણમાં આવતા હોય છે. આ કારણે ત્યાં ખેડૂતો દ્વારા લાવવામાં આવતો પાક તરત જ વેચાઈ જાય છે અને તેના ભાવ પણ સારા મળે છે.