Gujarati NewsGujaratPolo forest ma pravasio mate diwali na tehvaro ma harva farva par pratibandh collector e 2 tabaka ma pabandhi farmavi
પોળો ફોરેસ્ટમાં પ્રવાસીઓ માટે દિવાળીના તહેવારોમાં હરવા ફરવા પર પ્રતિબંધ, કલેકટરે બે તબક્કામાં પાબંધી ફરમાવી
દિવાળીના તહેવારોમાં સાબરકાંઠા જિલ્લાના પોળો ફોરેસ્ટમાં જવાનું આયોજન કરતા હોય તો થોભી જજો. વિજયનગરના પોળો ફોરેસ્ટમાં પ્રવાસીઓ માટે પ્રતિબંધ ફરમાવી દેવામાં આવ્યો છે. જિલ્લા કલેકટરે જાહેરનામુ બહાર પાડીને પ્રવાસીઓ માટે પાબંધી ફરમાવી દીધી છે. આગામી 15 દિવસ દરમ્યાન બે તબક્કાના પ્રતિબંધ જાહેર કરવામાં આવ્યા છે. જિલ્લા કલેકટર દ્વારા કોરોના મહામારીને લઈને પ્રવાસીઓની સુરક્ષાને ધ્યાને રાખીને […]
Follow us on
દિવાળીના તહેવારોમાં સાબરકાંઠા જિલ્લાના પોળો ફોરેસ્ટમાં જવાનું આયોજન કરતા હોય તો થોભી જજો. વિજયનગરના પોળો ફોરેસ્ટમાં પ્રવાસીઓ માટે પ્રતિબંધ ફરમાવી દેવામાં આવ્યો છે. જિલ્લા કલેકટરે જાહેરનામુ બહાર પાડીને પ્રવાસીઓ માટે પાબંધી ફરમાવી દીધી છે. આગામી 15 દિવસ દરમ્યાન બે તબક્કાના પ્રતિબંધ જાહેર કરવામાં આવ્યા છે. જિલ્લા કલેકટર દ્વારા કોરોના મહામારીને લઈને પ્રવાસીઓની સુરક્ષાને ધ્યાને રાખીને પોળો પ્રવાસન વિસ્તારને પ્રતિબંધીત જાહેર કરી દેવામાં આવ્યો છે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
વિસ્તારમાં બહારથી કોઈ પણ પ્રવાસી અહીં આવી શકશે નહીં અને અહી ફરી શકશે નહીં. આમ કરનારા પ્રવાસીઓ સામે કાયદાકીય પગલા ભરવામાં આવશે. વિસ્તારમાં કાર અને મીની બસ કે લકઝરી બસની અવરજવર પર પણ પ્રતિબંધ લગાવી દેવામાં આવ્યો છે. જિલ્લા કલેકટર દ્વારા તા. 14મી નવેમ્બર થી 22 નવેમ્બર સુધીના સળંગ 8 દીવસ માટે પ્રતિબંધ ફરમાવ્યો છે. આ ઉપરાંત નવેમ્બર માસના અંતમાં 28, 29 અને 30 તારીખે એમ ત્રણ દિવસ માટે પ્રતિબંધ ફરમાવાયો છે.
તમારા Telegram પર TV9 Gujarati ના સમાચાર વાંચવા માટે તુરંત આ પેજને Like કરો
જિલ્લા કલેકટર સીજે પટેલે કહ્યુ હતુ કે, પ્રવાસીઓના આરોગ્યની સુરક્ષાની જાળવણી કરવી આવશ્યક છે. જેના આગોતરા પગલાના ભાગરુપે જાહેરનામુ બહાર પાડ્યુ છે. કોરોનાની સ્થિતી દરમ્યાનથી તેને નિયંત્રણ કરવામાં આવી રહ્યુ છે. શનિ-રવિવારની રજાઓમાં પણ અકુંશ દાખવવામાં આવી રહ્યો છે. આમ ભીડને ધ્યાને રાખીને પગલા ભરવામાં આવી રહ્યા છે.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો