મહેસાણા : વિજાપુરના વસઇ ખાતે રૂ 94.71 લાખના ખર્ચે નિર્મિત નવીન બસ સ્ટેશનનું ધારાસભ્યના હસ્તે લોકાર્પણ
વસઇ બસ સ્ટેશનના લોકાર્પણ પ્રસંગે ધારાસભ્ય રમણભાઇ પટેલે જણાવ્યું હતું કે છેવાડાના વિસ્તારમાં પરીવહનની ઉત્તમ સુવિધા ઉપલ્બધ થઇ છે. રાજ્યનો એસ.ટી વિભાગ રાષ્ટ્રીય કક્ષાના પરીણામો હાંસલ કરવાની નેમ ધરાવે છે.
મહેસાણા જિલ્લાના વિજાપુર (Vijapur)તાલુકાના વસઇ ખાતે રૂ 94.71 લાખના ખર્ચે અધત્તન સુવિધા સભર નાગરિકોની સુખાકારી માટે નવીન બસ સ્ટેશનનું (new bus station)લોકાર્પણ વિજાપુરના ધારાસભ્ય રમણભાઇ પટેલના (MLA Ramanbhai Patel)હસ્તે કરવામાં આવ્યું હતું. રાજ્ય સરકાર દ્વારા નાગરિકોની સુખ અને સુવિધામાં વધારો થાય તે દિશામાં આર. સી. સી ફ્રેમ સ્ટ્રકચરવાળા સુવિધાયુક્ત બસ સ્ટેશનો બનાવાઇ રહ્યા છે.
વસઇ ખાતે બનાવેલ બસ સ્ટેશન 3,440 ચોરસ મીટર જમીન વિસ્તારમાં 309 ચોરસ મીટરનું બાંધકામ કરવામાં આવેલ છે. 03 પ્લેટફોર્મ સહિત વેઇટીંગ હોલ, ટીકીટ અને પાસ રૂમ, ડ્રાઇવર અને કંડકટર રૂમ, કેન્ટીન, વોટર રૂમ, પાર્સલ રૂમ, સ્ટોલ કમ શોપ સહિતની સુવિધા બનાવાઇ છે.
વસઇ બસ સ્ટેશનના લોકાર્પણ પ્રસંગે ધારાસભ્ય રમણભાઇ પટેલે જણાવ્યું હતું કે છેવાડાના વિસ્તારમાં પરીવહનની ઉત્તમ સુવિધા ઉપલ્બધ થઇ છે. રાજ્યનો એસ.ટી વિભાગ રાષ્ટ્રીય કક્ષાના પરીણામો હાંસલ કરવાની નેમ ધરાવે છે. તેમણે ઉમેર્યું હતું કે 16 વિભાગો, 125 ડેપો , 226 બસ સ્ટેન્ડ સાથે 1554 પીકઅપ સ્ટેન્ડ ધરાવે છે.
અત્રે ઉલ્લેખનીય છેકે સમગ્ર રાજ્યમાં મહેસાણા એસ.ટી વિભાગે કર્મયોગીઓના સાથ અને સહકારથી ડિઝલની એવરેજમાં પ્રથમ સ્થાન પ્રાપ્ત કર્યું છે.
વાહન વ્યવહાર મંત્રી પૂર્ણેશભાઇ મોદી અને પ્રવાસ મંત્રી અરવિંદભાઇ રૈયાણીની પ્રેરણા અને માર્ગદર્શનથી નવનિર્મતિ વસઇ બસ સ્ટેશન લોકાર્પણ કાર્યક્રમમાં જિલ્લા પંચાયત સદસ્ય ભરતભાઇ પટેલ, તાલુકા પંચાયત વિજાપુર પ્રમુખ ભાવિકભાઇ પટેલ, વિભાગીય નિયામક એસ.ટી વી.એલ ચૌધરી, પુર્વ ધારાસભ્ય કાન્તીભાઇ પટેલ, બાંધાકામ સમિતિ જિલ્લા પંચાયત ચેરમેન રાજુભાઇ પટેલ સહિત એસ.ટીના અધિકારીઓ, પદાધિકારીઓ પ્રબુધ્ધ નાગરિકો ઉપસ્થિત રહ્યા હતા.
આ પણ વાંચો : આ કેવી સુવિધા? ગુજરાતના 3 હાઇવે વેચી દેવામાં આવશે, હાઈવે ઓથોરિટીએ તૈયારીઓ શરૂ કરી
આ પણ વાંચો : Russia-Ukraine: યુક્રેન પર ‘મહાકાય બોમ્બ’થી હુમલો કરી શકે છે રશિયા ! વ્લાદિમીર પુતિને યુદ્ધ માટે બનાવી ખતરનાક યોજના