ગુજરાતમાં 24 કલાકમાં કોરોનાના 577 નવા કેસ નોંધાયા, 410 દર્દી થયા સ્વસ્થ, જાણો તમારા જિલ્લાની વિગત

ગુજરાતમાં કોરોના વાઈરસના કેસમાં વધારો થઈ રહ્યો છે.  છેલ્લાં 24 કલાકમાં કોરોના વાઈરસના 577 નવા કેસ નોંધાયા છે. રાજ્યમાં આ 577 નવા પોઝિટિવ કેસ સાથે કુલ કેસની સંખ્યા વધીને 29,578 થઈ ગઈ છે.  રાજ્યમાં છેલ્લાં 24 કલાકમાં કોરોનાના લીધે 18 લોકોના મોત થયા છે જ્યારે આ જ સમયગાળામાં કોરોના વાઈરસના સંક્રમણમાંથી મુક્ત થયા બાદ 410 લોકો ઘરે પહોંચ્યા છે.

 આ પણ વાંચો : ફેયર એન્ડ લવલીનું નામ બદલવા કંપનીએ કરી જાહેરાત, કાળામાથી ગોરા થવાનો દાવો રંગભેદને ઉત્તેજન આપતા હોવાના મુદ્દે પડી હતી પસ્તાળ 

ગુજરાતમાં કોરોના વાઈરસના સંક્રમણમાંથી કુલ 23,260 લોકો થયા મુક્ત 

ગુજરાતમાં કોરોના વાઈરસના કેસના કુલ પોઝિટિવ કેસ 29 હજારના આંકને પાર પહોંચી ગયા છે.  રાજ્યમાં કોરોના વાઈરસના એક્ટિવ કેસની સંખ્યા 6,318 નોંધાઈ છે.  છેલ્લાં 24 કલાકમાં 18 લોકોએ કોરોનાના લીધે રાજ્યમાં જીવ ગુમાવ્યો છે અને કુલ મોતની સંખ્યા 1,754 થઈ ગઈ છે.  કોરોના વાઈરસના સંક્રમણમાંથી 23,260 લોકો સ્વસ્થ થયા છે.

અમદાવાદ અને સુરત જિલ્લામાં નોંધાયા સૌથી વધારે કોરોના પોઝિટિવ કેસ

અમદાવાદમાં કોરોના વાઈરસના કેસમાં ઘટાડો જોવા મળ્યો છે તો બીજી તરફ સુરત જિલ્લામાં કોરોના વાઈરસના કેસ વધી રહ્યાં છે.  અમદાવાદ જિલ્લામાં કોરોના વાઈરસના 238 પોઝિટિવ કેસ છેલ્લાં 24 કલાકમાં નોંધાયા છે. જ્યારે સુરતમાં છેલ્લાં 24 કલાકમાં કોરોના વાઈરસના 164 નવા પોઝિટિવ કેસ સામે આવ્યા છે.  આ સિવાય અન્ય જિલ્લાની વાત કરીએ તો વડોદરામાં 44 નવા પોઝિટિવ કેસ નોંધાયા છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો