ગુજરાતમાં સીએમ રૂપાણીના અધ્યક્ષસ્થાને મહાનગરના હોદ્દેદારોની મહત્વપૂર્ણ બેઠક, વિકાસ કામોની સમીક્ષા કરાશે

સીએમ રૂપાણી દ્વારા બોલાવવામાં આવેલી આ બેઠકમાં મહાનગરપાલિકાના વિકાસ કાર્યોની સમીક્ષા કરવામાં આવશે. તેમજ શહેરોના માળખાકીય વિકાસ માટે ટીપી સ્કીમના અમલ અને દબાણ અંગે પણ ચર્ચા કરવામાં આવશે

ગુજરાત(Gujarat) ના મુખ્યમંત્રી વિજય રૂપાણી(Vijay Rupani)ના અધ્યક્ષ સ્થાને ગુરુવારે મહત્વપૂર્ણ બેઠક મળશે. જેમાં ગાંધીનગર સિવાય રાજ્ય ની તમામ મહાનગર પાલિકા(Corporation)ના કમિશ્નર, મેયર અને સ્ટેન્ડિંગ કમિટીના ચેરમેન બેઠકમાં ઉપસ્થિત રહેશે.

આ ઉપરાંત આ બેઠકમાં શહેરી સુખાકારીની સુવિધા અને પીવાના પાણીના આયોજન અંગે પણ ચર્ચા કરવામાં આવશે. બેઠકમાં રોડ રસ્તાની કામગીરી, આવાસ યોજના, ફાયર સેફટી મુદ્દે પણ ચર્ચા કરાશે.

રાજ્યમાં કોરોના કાળની પ્રથમ લહેર બાદ બીજી લહેર પૂર્વે યોજાયેલી મહાનગર પાલિકાની ચુંટણીમાં ભાજપની જીત બાદ મહાનગર પાલિકાના હોદ્દેદારો સાથે સીએમ રૂપાણીની આ પ્રથમ બેઠક છે. જેમાં મહદઅંશે વિકાસ કામોની સમીક્ષા કરીને તેમાં જરૂરી સૂચનાનો આપવામાં આવશે. આ બેઠક ગુરુવારે સાંજે ચાર વાગે મળશે.

ઉલ્લેખનીય છે કે, ગુજરાતમાં આગામી વર્ષે વિધાનસભાનું ઇલેકશન યોજાવવાનું છે. જેના પગલે શહેરી વિસ્તારના સરકાર દ્વારા અનેક વિકાસ કાર્યોની મંજૂરી આપવામાં આવી છે. તેમજ આ કામો ઝડપથી પૂર્ણ થાય અને તેનો લાભ લોકોને મળે તે પણ જરૂરી છે. જેથી શહેરી વિસ્તારોમાં કરવામાં આવી રહેલા કામોની સમીક્ષા પણ જરૂરી છે. જેથી કામો સમયસર પૂર્ણ કરી શકાય.

આ પણ  વાંચો : Good news : SBIના ગ્રાહકો માટે આવ્યા સારા સમાચાર ! ATMમાંથી ફાટેલી નોટ નીકળે તો તુરંત જ કરો આ કામ, મળી જશે નવી નોટ

આ પણ વાંચો :Bhavnagar : પાલીતાણાનો શેત્રુંજી ડેમ મોડી રાત્રે ઓવરફલો, ડેમના 59 દરવાજા ખોલાયા 

Click on your DTH Provider to Add TV9 Gujarati