21 મેના મહત્વના સમાચાર : બોટાદના પાંજરાપોળ ખાતે રાજ કોકોનેટ નામની દુકાનમાં LCBએ પાડ્યા દરોડા, રૂ. 16,11,350 નો જથ્થો જપ્ત

બોટાદના પાંજરાપોળ ખાતે રાજ કોકોનેટ નામની દુકાનમાં LCBએ પાડ્યા દરોડા, રૂ. 16,11,350 નો જથ્થો જપ્ત

બોટાદ LCBએ તેલની દુકાનમાં કરી રેડ. શહેરના પાંજરાપોળ ખાતે રાજ કોકોનેટ નામની દુકાનમાં રેડ. રાજ પ્રોટીન ગોંડલ કંપનીના અલગ અલગ 561 તેલના ડબા શંકાસ્પદ હોવાની પ્રાથમિક માહિતીના આધારે કરી રેડ. 1611350…ની કિંમતના તેલનો સ્ટોક જપ્ત કરી દુકાન સિલ.

પોલીસે વર્દી સાથે ગળામાં ભાજપનો ખેસ નાખ્યો હોય તેમ કોંગ્રેસના ચૂંટાયેલા સભ્યોને ધમકાવે છે

કોંગ્રેસના એક પ્રતિનિધિમંડળે, આજે પ્રદેશ કોંગ્રેસ અધ્યક્ષ અમિત ચાવડાના અધ્યક્ષસ્થાને રાજ્યપાલ દેવવ્રત આચાર્યને મળ્યું હતું. કોંગ્રેસ ડેલિગેશને રાજ્યપાલને લેખિત રજૂઆત કરી જણાવ્યું કે, કોંગ્રેસના ચૂંટાયેલા સભ્યોને ધમકી આપવામાં આવી રહી છે. જિલ્લા તાલુકા પંચાયતની સામાન્ય સભાની ચૂંટણીમાં ભાજપને મત આપવા ધમકી અપાતી હોવાનો કોંગ્રેસનો આક્ષેપ. કોંગ્રેસની બહુમતી છે ત્યાં કોંગ્રેસના ચૂંટાયેલા સભ્યોને ધમકી અપાઈ રહી છે. દ્વારકામાં એલસીબીની ટીમ કોંગ્રેસના સભ્યો રોકાયા હોય ત્યાં જઈને દરવાજા જબજસ્તીથી ખોલાવીને ડરાવવા ધમકાવામાં આવે છે.  ચૂંટાયેલા કોંગ્રેસના સભ્યોને ધમકી અપાય છે. 23 અને 25 મે ના રોજ સામાન્ય સભાની ચૂંટણીમાં ભાજપને મત આપવા દબાણ કરાય છે. કેસ કરવાની, ખોટા કેસમાં ફસાવી દેવાની ધમકી આપવામાં આવી છે. ડીજીપીને પણ પોલીસની વર્દી ઉપર ભાજપનો ખેસ પહેર્યો હોય તેવું વર્તન કરનારા પોલીસની ફરિયાદ કરી છે. વડોદરાના કોર્પોરેટરઆશિષ જોશી પર ખોટો કેસ કરવામાં આવ્યો છે. પોલીસને સામાન્ય સભાના હોલમાં પ્રવેશ ન અપાય તેવી માંગણી કરી.

દોઢ મહિના પૂર્વે મળેલ મહિલાના હાડપિંજરનો કેસ ઉકેલાયો, પ્રેમસંબંધમાં હત્યા કરનાર આરોપીને ઝડપી લેવાયો

વડોદરા ગ્રામ્યના સાવલી તાલુકાના મુવાલ ગામમાં દોઢ મહિના પહેલા મળેલા અજાણી મહિલાના કંકાલ કેસનો આખરે ભેદ ઉકેલાયો છે. પોલીસે પ્રેમ સંબંધમાં થયેલી હત્યાનો પર્દાફાશ કરી આરોપી સાગરસિંહ મકવાણાની ધરપકડ કરી વધુ તપાસ શરૂ કરી છે.

સુરત જિલ્લામાં બોગસ ક્લિનિક અને હોસ્પિટલ મળ્યાં, બન્નેના સંચાલક સામે નોંધાઈ FIR

સુરત જિલ્લામાંથી વધુ એક બોગસ ક્લિનિક અને હોસ્પિટલ ઝડપાઈ. ઓલપાડના અટોદરા ગામેથી ઝડપાઈ ક્લિનિક અને હોસ્પિટલ. આરોગ્ય પ્રધાન પ્રફુલ પાનસેરીયાના માર્ગદર્શન હેઠળ આરોગ્ય વિભાગ હરકતમાં આવ્યું હતું અને સરપ્રાઈઝ ચેકીંગ હાથ ધર્યું હતું. ચેકીંગ માં ‘શ્રી હેલ્થ કેર ક્લિનિક’ તેમજ ‘વંશ હોસ્પિટલ’ બોગસ ક્લિનિક અને હોસ્પિટલ મળી આવી. લોકોના સ્વાસ્થ્ય સાથે ચેડાં કરતા આ બંને સંચાલકો સામે પોલીસ તંત્ર દ્વારા FIR નોંધવાની કાર્યવાહી હાથ ધરવામાં આવી. આરોગ્ય વિભાગની આ કડક કાર્યવાહીથી પંથકના બોગસ તબીબોમાં ફફડાટ વ્યાપી ગયો છે.

હત્યાનો આરોપી 2014થી હતો ફરાર, નામ બદલીને 20 ફિલ્મમાં કર્યું કામ, આખરે ઝડપાયો 

ક્રાઈમ બ્રાન્ચે છેલ્લા 12 વર્ષ થી પેરોલ જમ્પ કરીને ફરાર થયેલા આરોપીની કરી ધરપકડ. 2014 માં 30 દિવસ ની પેરોલ રજા મળી હતી. કેદી હેમંત મોદી પેરોલ લઈ થઈ ગયો હતો ફરાર. છેલ્લા 12 વર્ષથી નામ બદલી એક્ટિંગનું કામ કરી રહ્યા હતો. હિન્દી, ગુજરાતી મૂવી અને વેબ સિરીઝમાં કામ કરી રહ્યો હતો. સપોર્ટિંગ એક્ટર અને અલગ અલગ નાટકોમાં કામ કરી રહ્યો હતો. 2005 માં હત્યા કરી હતી. 20 થી વધુ ફિલ્મોમાં કામ કરી ચૂક્યા હોવાનું સામે આવ્યું. ક્રાઈમ બ્રાન્ચે વધુ તપાસ શરૂ કરી છે.

અમદાવાદઃ અસહ્ય ગરમી અને ઉકળાટને કારણે ત્રાહિમામ

અમદાવાદમાં અસહ્ય ગરમી અને ઉકળાટને કારણે લોકો ત્રાહિમામ પોકારી ઉઠ્યા છે. ભર બપોરે બહાર નીકળતા નાગરિકોને રાહત આપવા માટે આશ્રમ રોડ વિસ્તારમાં સામાજિક સંસ્થા દ્વારા છાશ વિતરણનું સેવાકીય કાર્ય કરવામાં આવ્યું હતું. ભીષણ ગરમીમાં લોકોને થોડી રાહત મળે તેવા હેતુથી આ પ્રયાસ કરવામાં આવ્યો હતો, જેમાં મોટી સંખ્યામાં લોકોએ લાભ લીધો હતો.

સુરેન્દ્રનગરઃ કંડકટરની ભરતી માટે ફર્સ્ટ એઈડના સર્ટી માટે લાગી લાઈનો

વડોદરા: કોંગ્રેસના નેતા સ્વેજલ વ્યાસ સામે પોલીસ ફરિયાદ

વડોદરામાં કોંગ્રેસના નેતા Swaezal Vyas સામે ગોરવા પોલીસ મથકે ફરિયાદ નોંધાતા રાજકીય ઘમાસાણ તેજ બન્યું છે. ફરિયાદ બાદ સ્વેજલ વ્યાસે ભાજપ પર સત્તાનો દુરુપયોગ કરી દબાણ સર્જવાનો આરોપ લગાવ્યો છે. તેમણે દાવો કર્યો કે તેમને ખોટા કેસમાં ફસાવવાનું કાવતરું રચવામાં આવી રહ્યું છે. નોંધનીય છે કે સ્વેજલ વ્યાસે ખાલી દારૂની બોટલ જમા કરાવનારને રૂ.100 આપવાની જાહેરાત કરી હતી, જેને લઈને વિવાદ સર્જાયો હતો. સ્વેજલ વ્યાસના કહેવા મુજબ દારૂબંધીની પોલ ખુલી જવાના ડરથી તંત્ર દ્વારા કાર્યવાહી કરવામાં આવી રહી છે. સાથે જ તેમણે સવાલ ઉઠાવ્યો કે જે કાર્યક્રમ થયો જ નથી તેની ફરિયાદ કેવી રીતે નોંધાઈ શકે.

સુરત: ગરમીના સતત ઉંચકાતા પારાથી લોકો ત્રાહિમામ

વડોદરાઃ આજવા રોડ વિસ્તારમાં અસામાજિક તત્વોનો આતંક

વડોદરાના આજવા રોડ વિસ્તારમાં અસામાજિક તત્વોનો આતંક સામે આવ્યો છે. શ્રી હરિ ટાઉનશીપમાં જ્વેલર્સની દુકાન ધરાવતા વેપારી પર દુકાન બહાર CCTV કેમેરા લગાવવાની અદાવતમાં હુમલો કરવામાં આવ્યો હોવાનો આરોપ છે. બાપોદ પોલીસ મથક પાસે જ પથ્થરમારો થતાં એક વ્યક્તિ ઈજાગ્રસ્ત થયો હતો, જેને સારવાર માટે હોસ્પિટલ ખસેડવામાં આવ્યો હતો. આરોપ છે કે હોસ્પિટલ સુધી રેકી કરીને અન્ય એક વ્યક્તિ પર પણ હુમલો કરવામાં આવ્યો હતો. સાથે જ એકતાનગર પાસે રોકીને બેગ લૂંટવાનો પ્રયાસ પણ લુખ્ખાઓએ કર્યો હોવાનું સામે આવ્યું છે. સમગ્ર ઘટનાને લઈને વેપારીએ પોલીસ પાસે આરોપીઓ સામે કડક કાર્યવાહી કરવાની માંગ કરી છે.

મહારાષ્ટ્રઃ ઉલ્હાસનગરમાં ઇમારત પત્તાની જેમ ધરાશાયી

મહારાષ્ટ્રના ઉલ્હાસનગરમાં એક ઇમારત પત્તાના મહેલની જેમ ધરાશાયી થવાની ઘટના સામે આવી છે. માહિતી મુજબ ઇમારતનું પુનર્નિર્માણ કામ ચાલી રહ્યું હતું ત્યારે જ અચાનક આખી ઇમારત તૂટી પડી હતી. ઘટનાનો વીડિયો પણ સામે આવ્યો છે, જેમાં ઇમારત ક્ષણોમાં ધરાશાયી થતી જોવા મળે છે. ચર્ચા છે કે ઇમારત તોડવાની કામગીરી દરમિયાન નિયમોનું ઉલ્લંઘન કરવામાં આવ્યું હતું, જેના કારણે આ દુર્ઘટના સર્જાઈ હોઈ શકે છે. ઘટના સમયે ઇમારત તોડવાની પ્રક્રિયા ચાલુ હતી. સદનસીબે કોઈ જાનહાનિ થઈ કે નહીં તે અંગેની સ્પષ્ટ માહિતી હજુ સામે આવી નથી, પરંતુ ઘટનાએ સુરક્ષા વ્યવસ્થાને લઈને અનેક સવાલો ઉભા કર્યા છે.

રાજ્યમાં આજથી પ્રિ મોન્સૂન એક્ટિવીટી વધવાની આગાહી

ગુજરાતમાં આજથી પ્રિ-મોન્સૂન એક્ટિવિટી વધવાની શક્યતા વ્યક્ત કરવામાં આવી રહી છે. હવામાન નિષ્ણાત અંબાલાલ પટેલે આગાહી કરી છે કે આજથી રાજ્યના વિવિધ વિસ્તારોમાં પ્રિ-મોન્સૂન વરસાદની શરૂઆત થઈ શકે છે. ખાસ કરીને 22થી 24 મે દરમિયાન ગાજવીજ સાથે વરસાદ પડવાની સંભાવના વ્યક્ત કરવામાં આવી છે. અંબાલાલ પટેલના જણાવ્યા મુજબ સૌરાષ્ટ્ર અને દક્ષિણ ગુજરાતના કેટલાક વિસ્તારોમાં હળવો વરસાદ અથવા છાંટા પડી શકે છે. સાથે જ આવતીકાલથી દક્ષિણ ગુજરાતમાં ગાજવીજ સાથે વરસાદની શક્યતા વધુ રહેશે. ઉપરાંત સૌરાષ્ટ્રના કેટલાક ભાગોમાં પણ વીજળીના કડાકા-ભડાકા સાથે વરસાદી માહોલ સર્જાઈ શકે છે. હવામાનમાં અચાનક પલટા સાથે લોકોને ગરમીમાંથી આંશિક રાહત મળવાની શક્યતા છે.

ગીર સોમનાથઃ કુખ્યાત જાવેદ વાંદરી પર ફાયરિંગ CCTV આવ્યા સામે

ગીર સોમનાથ જિલ્લામાં કુખ્યાત જાવેદ વાંદરી પર ફાયરિંગની ગંભીર ઘટના સામે આવી છે. તુરક સમાજના પ્રમુખ જાવેદ વાંદરી પર ગઈકાલે સોમનાથ ટોકીઝ પાસે બપોરના સમયે ફાયરિંગ કરવામાં આવ્યું હતું. ઘટનાના CCTV ફૂટેજ પણ સામે આવ્યા છે, જેમાં હુમલાની ઝલક જોવા મળે છે. આ હુમલામાં જાવેદ વાંદરીનું મોત થયું હોવાનું જાણવા મળ્યું છે. પ્રાથમિક માહિતી મુજબ આ ઘટના અંગત અદાવતમાં થયેલી ફાયરિંગની હોઈ શકે છે તેવી શક્યતા વ્યક્ત કરવામાં આવી રહી છે. પોલીસે ઘટનાની ગંભીરતાને ધ્યાનમાં લઈને વધુ તપાસ હાથ ધરી છે અને આરોપીઓની શોધખોળ શરૂ કરી છે.

સુરત: અડાજણમાં બિલ્ડરના ઘરે ચોરીનો ઉકેલાયો ભેદ

અમદાવાદ: 12 વર્ષથી ફરાર હત્યાનો આરોપી ઝડપાયો

અમદાવાદમાં 12 વર્ષથી ફરાર હત્યાના આરોપીની પોલીસે ધરપકડ કરી છે. વર્ષ 2014માં 30 દિવસના પેરોલ પર છૂટ્યા બાદ તે ફરાર થઈ ગયો હતો અને ત્યારથી નામ બદલીને છુપાઈને જીવન જીવી રહ્યો હતો. પ્રાથમિક માહિતી મુજબ આરોપી છેલ્લા 12 વર્ષથી અભિનય ક્ષેત્રમાં સક્રિય હતો અને હિન્દી તેમજ ગુજરાતી ફિલ્મો, નાટકો અને વેબ સિરીઝમાં કામ કરતો હતો.આરોપી હેમંત મોદી વર્ષ 2005ના હત્યા કેસમાં જેલમાં સજા ભોગવી રહ્યો હતો. બાદમાં પેરોલ પર બહાર આવ્યા પછી તે ફરાર થઈ ગયો હતો. પોલીસ તપાસમાં જાણવા મળ્યું છે કે તે પોતાની ઓળખ છુપાવીને અલગ નામથી કામ કરતો હતો. હાલ પોલીસે આરોપીને ઝડપી લઈને વધુ તપાસ શરૂ કરી છે.

ભરૂચ: ગૌ હત્યા અટકાવવામાં પોલીસને મળી સફળતા

સુરત: વકીલોની સામાન્ય સભામાં હોબાળો

અમેરિકન નેવીએ ઈરાની તેલ ટેન્કર પર કરી ચઢાઈ

મિડલ ઈસ્ટ વિસ્તારમાં અમેરિકા અને ઈરાન વચ્ચે તણાવ સતત વધી રહ્યો છે. તાજેતરમાં ઓમાનની ખાડીમાં ઈરાની ધ્વજવાળા એક તેલ ટેન્કર પર અમેરિકન નેવી દ્વારા કાર્યવાહી કરવામાં આવી હતી. United States Navyની આ કાર્યવાહીનો વીડિયો પણ સામે આવ્યો છે, જેમાં જહાજને રોકવામાં આવતું જોવા મળે છે. આ ઘટના Gulf of Omanમાં બની હતી, જ્યાં ઈરાનના તેલ ટેન્કરને તેની પોર્ટ તરફ આગળ વધતા અટકાવવામાં આવ્યું હતું. માહિતી મુજબ, ઈરાની જહાજ અમેરિકાની નાકાબંધીનો ભંગ કરી રહ્યું હતું તેવા આરોપો લગાવવામાં આવ્યા હતા. તપાસ બાદ જહાજને માર્ગ બદલવાના નિર્દેશ આપવામાં આવ્યા હતા. આ સમગ્ર ઘટનામાં Iran સાથેનો તણાવ વધુ ઘેરો બન્યો છે. બીજી તરફ United States Central Command (CENTCOM) દ્વારા દાવો કરવામાં આવ્યો છે કે અત્યાર સુધી 91 કોમર્શિયલ જહાજોના માર્ગ બદલાવવામાં આવ્યા છે.

પિતાની નજર સામે જ બાળકને ખેંચી ગયો મગર

ગિર ગઢડા જિલ્લાના કોડીનાર તાલુકાના હરમડીયા ગામે દુર્ઘટનાજનક ઘટના સામે આવી છે, જ્યાં 12 વર્ષના બાળકનું મગરના હુમલામાં મોત થયું છે. માહિતી મુજબ બાળક સાંગાવાડી નદીમાં હાથપગ ધોઈ રહ્યો હતો ત્યારે અચાનક મગરે તેના પર હુમલો કર્યો અને પિતાની નજર સામે જ બાળકને પાણીમાં ખેંચી ગયો હતો. ઘટનાની જાણ થતાં ફાયર વિભાગ અને વન વિભાગની ટીમોએ તાત્કાલિક શોધખોળ શરૂ કરી હતી. ભારે જહેમત બાદ અંદાજે પાંચ કલાક પછી મગરે બાળકના મૃતદેહને જડબામાંથી મુક્ત કર્યો હતો. બાદમાં મૃતદેહને બહાર કાઢી પોસ્ટમોર્ટમ માટે ખસેડવામાં આવ્યો હતો. ઘટનાને કારણે ગામમાં શોકનો માહોલ છવાઈ ગયો છે.

વન નેશન, વન ઇલેક્શનને લઈ ગુજરાતમાં બેઠકનો ધમધમાટ

‘વન નેશન, વન ઇલેક્શન’ મુદ્દે Gujaratમાં યોજાયેલી જોઈન્ટ પાર્લામેન્ટ્રી કમિટીની બેઠકનો આજે અંતિમ દિવસ છે. દિવસભર વિવિધ બેઠકો અને ચર્ચાઓનો ધમધમાટ જોવા મળશે. સવારે સાડા નવ વાગ્યે કમિટીના સભ્યો રાજ્યપાલની મુલાકાત લેશે, જ્યારે 11 વાગ્યા બાદ સંઘ પ્રદેશોના અધિકારીઓ સાથે બેઠક યોજાશે. ત્યારબાદ દિવ, દમણ અને દાદરા નગર હવેલીના પદાધિકારીઓ સાથે પણ ચર્ચા કરવામાં આવશે. બપોરે 12થી 1 વાગ્યા દરમિયાન સિનિયર એડવોકેટ્સ અને બાર કાઉન્સિલના હોદ્દેદારો સાથે મહત્વપૂર્ણ બેઠક યોજાશે. ત્યારપછી રાજ્યના પ્રબુદ્ધ નાગરિકો અને મીડિયા પ્રતિનિધિઓ સાથે ચર્ચા કરવામાં આવશે. આખરે બપોરે 2 વાગ્યે JPCના ચેરમેન ત્રણ દિવસીય બેઠકના નિષ્કર્ષ અંગે પ્રેસ કોન્ફરન્સ સંબોધશે.

વાવ-થરાદઃ ભાજપના કોર્પોરેટરનો ભાઈ સુરેશ ત્રિવેદી ડ્રગ્સ સાથે ઝડપાયો

ઇજિપ્તનું અસવાન શહેર બન્યું વિશ્વનું સૌથી ગરમ શહેર

વિશ્વના અનેક દેશોમાં હાલ અસહ્ય ગરમીનો પ્રકોપ જોવા મળી રહ્યો છે અને અનેક શહેરો અગનભઠ્ઠી સમાન બન્યા છે. Aswan વિશ્વનું સૌથી ગરમ શહેર બન્યું છે, જ્યાં રેકોર્ડબ્રેક 49.4 ડિગ્રી તાપમાન નોંધાયું છે. વિશ્વના સૌથી ગરમ 10 શહેરોમાં ઇજિપ્તના 3 શહેરોનો સમાવેશ થયો છે. સાથે જ ભારતના પણ 3 શહેરો આ યાદીમાં સામેલ થયા છે, જે વધતી ગરમીની ગંભીર સ્થિતિ દર્શાવે છે. બીજી તરફ Arafat વિશ્વનું બીજું સૌથી ગરમ સ્થળ બન્યું છે, જ્યાં 48.4 ડિગ્રી તાપમાન નોંધાયું છે. વધતી ગરમીને કારણે અનેક દેશોમાં જનજીવન પ્રભાવિત બન્યું છે અને આરોગ્ય સંબંધિત ચિંતાઓ પણ વધી રહી છે.

પશ્ચિમ બંગાળ: ફાલતા મતવિસ્તારમાં આજે ફરીથી મતદાન

પશ્ચિમ બંગાળના દક્ષિણ 24 પરગણા જિલ્લાના ફાલતા મતવિસ્તારમાં આજે ફરીથી મતદાન થઈ રહ્યું છે.

અમદાવાદઃ નિકોલમાં જ્વેલર્સમાં સેલ્સ ગર્લએ કરેલી ચોરીનો કેસ

અમદાવાદના નિકોલ વિસ્તારમાં જ્વેલર્સમાં સેલ્સ ગર્લ દ્વારા કરાયેલી ચોરીના કેસમાં પોલીસે ફરાર પ્રેમી મયુર માળીની ધરપકડ કરી છે. પ્રાથમિક તપાસમાં સામે આવ્યું છે કે સેલ્સ ગર્લે પ્રેમી સાથે નવું જીવન શરૂ કરવાની ઈચ્છાથી દાગીનાની ચોરી કરી હતી. ચોરી બાદ બંને દિલ્હી પહોંચી હોટલમાં રોકાયા હતા અને ત્યાં દારૂની મહેફિલ પણ માણી હતી. દરમિયાન પ્રેમીને જાણ થઈ કે પ્રેમિકાના અન્ય યુવક સાથે પણ સંબંધો હતા, જેના કારણે બંને વચ્ચે વિવાદ સર્જાયો હતો. આરોપ છે કે ત્યારબાદ પ્રેમી દાગીના લઈને ફરાર થઈ ગયો હતો. બીજી તરફ સેલ્સ ગર્લે પ્રેમી પર દાગીનાની દાનત બગડ્યાનો આક્ષેપ કર્યો છે. પૂછપરછ દરમિયાન આરોપીએ દાગીના ઉદયપુરમાં છુપાવ્યા હોવાનો ખુલાસો કર્યો હોવાનું જાણવા મળ્યું છે. હાલ પોલીસે આરોપીના રિમાન્ડ મેળવવા કોર્ટમાં કાર્યવાહી હાથ ધરી છે.

PM મોદી કેબિનેટ પ્રધાનો સાથે યોજશે મહત્વપૂર્ણ બેઠક

વિદેશ પ્રવાસ પૂર્ણ કરીને પરત ફર્યા બાદ પ્રધાનમંત્રી Narendra Modi તાત્કાલિક એક્શનમાં આવ્યા છે. આજે સાંજે 4 વાગ્યે મહત્વપૂર્ણ કેબિનેટ બેઠક યોજાશે, જેમાં PM મોદી કેબિનેટ પ્રધાનો સાથે દેશની હાલની આર્થિક સ્થિતિ અંગે વિસ્તૃત સમીક્ષા કરશે. બેઠકમાં વિકાસકાર્યો, મોંઘવારી, રોકાણ અને આગામી નીતિઓ અંગે મહત્વપૂર્ણ ચર્ચા થવાની શક્યતા છે.