Gujarat : કપરાડા, દાદરા નગર હવેલી, સાબરકાંઠા, દાહોદ પંથકમાં વહેલી સવારથી વરસાદી માહોલ, વાંચો કયાં-કેટલો વરસાદ નોંધાયો ?
સાબરકાંઠા જિલ્લાના વિજયનગર, ઇડર અને પોશીના પંથકમાં વરસાદ નોંધાયો છે. વરસાદી માહોલથી ખેડૂતોને રાહત થઇ છે. પોશીનામાં ગઇકાલે 3 ઇંચ વરસાદ બાદ આજે સવારે એક ઇંચ વરસાદ ખાબક્યો છે. વિજયનગરમાં સવારના અરસા દરમ્યાન પોણા બે ઇંચ વરસાદ નોંધાયો છે. જયારે સવારથી જ જિલ્લામાં વાદળછાયું વાતાવરણ જોવા મળ્યું છે.
સંઘ પ્રદેશ દાદરા નગરહવેલીમાં વરસાદી માહોલ છવાયો છે. સેલવાસમાં છેલ્લા 24 કલાકમાં 4 ઇંચ વરસાદ નોંધાયો છે. જેમાં સૌથી વધારે ખાનવેલમાં 8 ઇંચ વરસાદ નોંધાયો છે. આજે પણ સવારથી વરસાદી માહોલ યથાવત છે. સમગ્ર પંથકમાં વરસાદી પાણી ભરાયા છે.
વલસાડ જિલ્લામાં ધોધમાર વરસાદ નોંધાયો છે. જિલ્લાના તમામ તાલુકાઓમાં વહેલી સવારથી સારો વરસાદ નોંધાયો છે. જેમાં સૌથી વધારે કપરાડામાં 2 ઇંચથી વધુ વરસાદ વરસ્યો છે. કપરાડામાં ભારે વરસાદથી નદી-નાળાઓ છલકાયા છે. કેટલીક જગ્યાએ કોઝવે પાણીમાં ગરકાવ થયા છે.
સાબરકાંઠા જિલ્લાના વિજયનગર, ઇડર અને પોશીના પંથકમાં વરસાદ નોંધાયો છે. વરસાદી માહોલથી ખેડૂતોને રાહત થઇ છે. પોશીનામાં ગઇકાલે 3 ઇંચ વરસાદ બાદ આજે સવારે એક ઇંચ વરસાદ ખાબક્યો છે. વિજયનગરમાં સવારના અરસા દરમ્યાન પોણા બે ઇંચ વરસાદ નોંધાયો છે. જયારે સવારથી જ જિલ્લામાં વાદળછાયું વાતાવરણ જોવા મળ્યું છે.
સાબરકાંઠાના વિજયનગરમાં સવારે બે કલાકમાં ધોધમાર વરસાદ ખાબક્યો છે. ઠેરઠેર ખેતરોમાં વરસાદી પાણી ભરાયા છે. વિજયનગર, બાલેટા, કોડીયાવાડા, પાલ ચિતરીયા, દઢવાવ, ચિઠોડામાં ભારે વરસાદ નોંધાયો છે. અહીં, વહેલી સવારથી આ વિસ્તારમાં વરસાદી માહોલ છવાયેલો છે.
ભાવનગરના સિહોર તાલુકામાં પાંચ તલાવડા-દેવળીયાનો માર્ગ વરસાદી પાણી ભરાતા બંધ થયો છે.. ઉપરવાસમા પડેલા વરસાદના પાણી સિહોર પંથકમાં છવાયાં હતા. ઉલ્લેખનીય છે કે 3 વર્ષથી સરપંચે તંત્રને રજુઆત કરે છે છતાં હજુ સુધી કોઈ ઉકેલ આવ્યો નથી. ત્યારે વધુ એક વખત રસ્તો બંધ થતા સરપંચે ફરી તંત્રને આવેદન આપી સિહોર તા.પંચાયત ખાતે ધરણા કરવાની ચિમકી ઉચ્ચારી છે. સ્થાનિકોના જણાવ્યા મુજબ વરસાદ આવતાની સાથે રસ્તા પર પાણી ભરાઈ જતા રસ્તો બંધ થાય છે જેથી સ્થાનિકોને હાલાકીનો સામનો કરવો પડે છે.
દાહોદ જિલ્લાના લીમખેડા પંથકનો ઉમરિયા ડેમ ઓવરફ્લો થયો છે. અને, ધાનપુર તાલુકાના અદલવાડા ડેમ છલકાયો છે. દાહોદની દુધીમતિ નદીના જુના કોઝ-વે સુધી પાણી ફરી વળ્યા છે. દાહોદમાં ભારે વરસાદથી ડેમ, નદી, નાળા છલકાયા છે.
અમદાવાગ શહેરમાં અનેક વિસ્તારોમાં બપોરે ધોધમાર વરસાદ શરૂ થયો છે. જેમાં અમદાવાદ શહેરમાં સવારથી વાદળછાયું વાતાવરણ હતું. તેમજ ગત મોડીરાતથી અનેક વિસ્તારોમાં વરસાદના છૂટા છવાયા ઝાપટાં પણ પડ્યા હતા. ધીમીધારે વરસાદને પગલે શહેરમાં ઠડંકનો અહેસાસ થઇ રહ્યો છે.