Gujarat Corona Update : રાજ્યમાં કોરોનાના 62 નવા કેસ, સતત બીજા દિવસે એક પણ દર્દીનું મૃત્યુ નહીં
Gujarat corona Update : રાજ્યમાં આજે 8 જુલાઈના રોજ 534 અને અત્યાર સુધીમાં કુલ 8,12,522 દર્દીઓને ડીસ્ચાર્જ કરવામાં આવ્યા છે. આ સાથે જ રાજ્યમાં કોરોના રીકવરી રેટ વધીને 98.60 ટકા થયો છે.
Gujarat corona Update : રાજ્યમાં કોરોનાના નવા કેસ ઘટી રહ્યા છે અને દૈનિક મૃત્યુનો આંકડો શૂન્ય પર આવી ગયો છે, અને સાથે એક્ટીવ કેસમાં સતત ઘટાડો નોંધાઈ રહ્યો છે. રાજ્યમાં આજે 8 જુલાઈના રોજ સતત બીજા દિવસે એક પણ દર્દીની મૃત્યુ નોંધાયું નથી છે. તો સાથે એક્ટીવ કેસ પણ ઘટીને 1497 થયા છે.
કોરોના નવા 69 કેસ રાજ્યમાં આજે 8 જુલાઈના રોજ કોરોનાના નવા 62 કેસો નોંધાયા છે અને છેલ્લા 24 કલાકમાં કોરોનાને કારણે 1 પણ દર્દીનું મૃત્યુ થયું નથી. આ સાથે જ રાજ્યમાં કોરોનાના કુલ કેસોની સંખ્યા 8,23,959 થઇ છે અને મૃત્યુઆંક બે દિવસથી 10,072 પર સ્થિર થયો છે.
અમદાવાદમાં 15, સુરતમાં 9 નવા કેસ રાજ્યમાં આજે 8 જુલાઈના રોજ અમદાવાદ શહેરમાં સૌથી વધુ નવા કેસ નોંધાયા છે. રાજ્યના મહાનગરો પ્રમાણે કોરોનાના નવા કેસો જોઈએ તો અમદાવાદમાં 15, સુરતમાં 9, રાજકોટ અને વડોદરામાં 6-6, ભાવનગરમાં 2 તેમજ જામનગર, જુનાગઢ અને ગાંધીનગર શહેરમાં કોરોના વાયરસનો 1-1 નવો કેસ નોંધાયો છે, અન્ય કેસો રાજ્યના વિવિધ શહેર-જિલ્લાઓમાંથી છે. (Gujarat Corona Update)
534 દર્દીઓ સાજા થયા, એક્ટીવ કેસ 1497 થયા રાજ્યમાં આજે 8 જુલાઈના રોજ કોરોનાથી સાજા થયેલા કુલ 534 દર્દીઓને ડીસ્ચાર્જ કરવામાં આવ્યા છે. આ સાથે જ રાજ્યમાં અત્યાર સુધીમાં કુલ 8,12,522 દર્દીઓને ડીસ્ચાર્જ કરવામાં આવ્યા છે. રાજ્યમાં હાલ રીકવરી રેટ વધીને 98.60 ટકા થયો છે. રાજ્યમાં હાલ એક્ટીવ કેસ ઘટીને 1497 થયા છે, જેમાં 9 દર્દીઓ વેન્ટીલેટર પર છે જયારે 1488 દર્દીઓની સ્થિતિ સ્થિર છે. (Gujarat Corona Update)
આજે સતત બીજા દિવસે રસીકરણ બંધ રહ્યું રાજ્યમાં આજે 8 જુલાઈના રોજ સતત બીજા દિવસે કરોના રસીકરણ બંધ રહ્યું છે. છેલ્લે 6 જુલાઈના રોજ નોંધાયેલા રસીકરણના આંકડા પ્રમાણે રાજ્યમાં અત્યાર સુધીમાં કુલ 2,73,25,191 ડોઝનું રસીકરણ પૂર્ણ થયું છે.
સમજણ અને સાવચેતીથી જળવાશે તમારી અને તમારા પ્રિયજનોની સલામતી
કોવિડ અનુરૂપ વ્યવહારોનું અચૂક પાલન કરો તથા અન્યો પણ કરાવો@MoHFW_INDIA @CMOGuj @JpShivahare @DrNilamPatel04 @Nitinbhai_Patel @InfoGujarat @PIBAhmedabad @VMCVadodara @MySuratMySMC @AmdavadAMC pic.twitter.com/reCmQRKv0G
— GujHFWDept (@GujHFWDept) July 8, 2021