25 મેના મોટા સમાચાર: નવા સંસદ ભવનનું ઉદ્ઘાટન રાષ્ટ્રપતિ પાસે કરવાની માંગ પર SC આવતીકાલે સુનાવણી કરશે

રાજકોટમાં 1 અને 2 જૂને યોજાવા જઈ રહેલા બાબા બાગેશ્વર ધીરેન્દ્ર શાસ્ત્રીના કાર્યક્રમનો એકતરફ કોંગ્રેસ વિરોધ કરી રહી છે. તો બીજીતરફ ભાજપના નેતાઓ કાર્યક્રમને સફળ બનાવવા કામે લાગ્યા છે. આ દરમિયાન બાગેશ્વર ધામ સમિતિના કાર્યાલયની મુલાકાતે પહોંચેલા પૂર્વ સીએમ વિજય રૂપાણીએ કોંગ્રેસ પર પ્રહાર કર્યા. રૂપાણીએ કહ્યું કે- કોંગ્રેસ પહેલેથી ધર્મ અને સંસ્કૃતિ વિરોધી છે. લઘુમતીઓના મત મેળવવા તુષ્ટિકરણ કરે છે.

કોંગ્રેસે હિન્દુ સમાજને નજરઅંદાજ કર્યો છે. તેવું નિવેદન વિજય રૂપણી એ આપ્યું છે. હિન્દુ ધર્મની વાત આવે એટલે કોંગ્રેસ અકળાઈ જાય છે. આ ઉપરાંત વિજય રૂપાણીએ બાબા ધીરેન્દ્ર શાસ્ત્રીના કાર્યક્રમને સફળ બનાવવાની વાત પણ કરી છે. આજે બાબા બાગેશ્વર અમદાવાદ ખાતે પહોંચી એક કાર્યક્ર્મમાં હાજરી આપી તેઓ સુરત પહોંચ્યા હતા. જોકે સુરતમાં પણ યોજાનાર બાબા બાગેશ્વરના કાર્યક્ર્મને લઈ તૈયારીઓને આખરી ઓપ અપાઈ ગયો છે. રાજકોટમાં ધીરેન્દ્ર શાસ્ત્રીના કાર્યક્ર્મને લઈને પણ તૈયારી પૂર જોશમાં ચાલી રહી છે. જેની સમીક્ષા વિજય રૂપણીએ કરી હતી. અને કોંગ્રેસનાં બોળેલા શબ્દો ઉપર વળતાં જવાબો આપ્યા હતા.

સાબરકાંઠાના હિંમતનગરમાં સરકારી આવાસના મકાનોમાં નગરપાલિકાની ટીમ દ્વારા તપાસ હાથ ધરવામાં આવી. સરકારી મકાન અસામાજિક તત્વોને ભાડે આપતા હોવાની ફરિયાદો મળ્યા બાદ પાલિકાએ 3 વિસ્તારમાં તપાસ કામગીરી કરી. નગરપાલિકાના ચીફ ઓફિસર દ્વારા આકસ્મિક ચકાસણી હાથ ધરાઇ હતી. જો અસામાજિક તત્વોને મકાન ભાડે આપ્યાનું જણાઇ આવશે તો કાર્યવાહી થશે. વર્ષ 2011માં લાભાર્થીઓ માટે 900 સરકારી મકાન બનાવાયા હતા. જો કે આવાસના મકાન ભાડે અપાતા હોવાની ફરિયાદ અરજી મળતા તપાસ હાથ ધરવામાં આવી.

Bhavnagar: ભાવનગરનો ડમીકાંડ સામે આવ્યા બાદથી જ પોલીસ, SIT અને ACB દ્વારા ઝડપી કાર્યવાહી કરવામાં આવી રહી છે. ભાવનગર ડમીકાંડમાં પોલીસે વધુ 3 આરોપીની ધરપકડ કરી છે. 3 આરોપી પૈકી એક 28 વર્ષીય જયદીપ ધાંધલ્યા, બીજો આરોપી 18 વર્ષીય ઋષિત બારૈયા હોવાનું ખુલ્યું. જો કે એક આરોપી 17 વર્ષીય સગીર હોવાનું સામે આવ્યું. પોલીસે ત્રણેયને પકડીને વધુ પૂછપરછ સહિતની કાર્યવાહી હાથ ધરી છે. અત્યાર સુધી ભાવનગરના ડમીકાંડમાં 50 લોકોની ધરપકડ થઈ ચૂકી છે. પોલીસ તપાસમાં હજુ પણ વધારે લોકોના નામ ખુલશે તેવી શક્યતા છે. 36 આરોપી સામે નોંધાયેલી પોલીસ ફરિયાદ મુજબ 24 આરોપીઓ અને તપાસમાં ખુલેલા 26 આરોપીઓ મળીને કુલ 50 આરોપીઓને ઝડપી પાડવામાં આવ્યા છે.

નવી સંસદ ભવનનું રાષ્ટ્રપતિ દ્વારા ઉદ્ઘાટન કરાવવા માટે સુપ્રીમ કોર્ટમાં દાખલ કરવામાં આવેલી પીઆઈએલ પર સુપ્રીમ કોર્ટ આવતીકાલે સુનાવણી કરશે. સુપ્રીમ કોર્ટમાં જસ્ટિસ જેકે મહેશ્વરીની બેંચ આ કેસની સુનાવણી કરશે. કોર્ટમાં દાખલ કરવામાં આવેલી અરજીમાં કહેવામાં આવ્યું છે કે રાષ્ટ્રપતિ દેશના પ્રથમ નાગરિક છે. બંધારણના અનુચ્છેદ 79 મુજબ રાષ્ટ્રપતિ પણ સંસદનો આવશ્યક ભાગ છે. તેમનું ઉદ્ઘાટન ન કરવાનો લોકસભા સચિવાલય દ્વારા લેવાયેલો નિર્ણય ખોટો છે.

એક તરફ નવી સંસદના ઉદ્દઘાટનનો ગૌરવપૂર્ણ પ્રસંગને લઈને રાજકીય ઘમાસાણ શરૂ થયુ છે. ત્યારે બીજી તરફ ગુજરાતના મુખ્યમંત્રીએ ભૂપેન્દ્ર પટેલે વડાપ્રધાન મોદીની વિદેશ યાત્રાને સફળ અને ગૌરવ વધારનારી ગણાવી છે. તેમણે કહ્યુ વિશ્વમાં પીએમ મોદીની લોકપ્રિયતા વધી છે. તેમના નેતૃત્વમાં ભારત અનેક દેશોનો અવાજ બન્યો છે. અનેક દેશો ભારત સાથે આશાભરી નજરે જુએ છે.  વિશ્વમાં વડાપ્રધાન મોદીના કારણે ભારત અને ભારતના સંસ્કારોનું પણ સન્માન થઈ રહ્યુ છે.

Ahmedabad: બાબા બાગેશ્વરથી જાણીતા બાગેશ્વરધામના પીઠાધિશ ધીરેન્દ્ર શાસ્ત્રી આજે અમદાવાદના મહેમાન બન્યા. વટવામાં દેવકીનંદન મહારાજના એક કાર્યક્રમમાં તેઓ ઉપસ્થિત રહ્યા હતા. વટવામાં આયોજિત શિવકથા દરમિયાન ધીરેન્દ્ર શાસ્ત્રીએ ભારતમાં હિંદુ રાષ્ટ્ર સ્થાપિત કરવાની વાત કરી. આ પ્રસંગે તેમણે જણાવ્યુ કે ભારતના નાગરિકોએ જાગૃત થવુ પડશે. મારુ કામ માત્ર આપને જાગૃત કરવાનું છે. તેમણે સનાતનીઓને એક થવાની હાકલ કરી. કહ્યું જાગશો નહીં તો આવનારી પેઢીમાં રામકથા નહીં થાય. વધુમાં તેમણે જણાવ્યુ કે જે હિંદુ નહીં જાગે તે કાયર ગણાશે. અત્યારે નહીં જાગો તો ભવિષ્યની પેઢી વાતો કરશે.

વડાપ્રધાન નરેન્દ્ર મોદીના 6 દિવસના વિદેશ પ્રવાસ વિશે, કેન્દ્રીય મંત્રી અનુરાગ ઠાકુરે કહ્યું છે કે, આ પ્રવાસ ભારત, ભારતીયતા અને 140 કરોડ ભારતીયો માટે ગર્વની વાત છે. તેમણે કહ્યું કે છેલ્લા કેટલાક દિવસોમાં વૈશ્વિક રાજકારણમાં જે રીતે ભારત અને ભારતના વડાપ્રધાન નરેન્દ્ર મોદીની ચર્ચા થઈ રહી છે તે સામાન્ય નથી. તેમણે કહ્યું કે ભારત મજબૂત થઈ રહ્યું છે અને પીએમ મોદીનો તાજેતરનો વિદેશ પ્રવાસ તેની સાક્ષી આપે છે.

વડા પ્રધાન નરેન્દ્ર મોદી આ વર્ષે ફ્રાન્સના પેરિસમાં 14 જુલાઈએ બેસ્ટિલ-ડે પરેડના મુખ્ય અતિથિ હશે. નવી દિલ્હીમાં ફ્રેન્ચ દૂતાવાસે ટ્વિટર પર આ માહિતી આપી હતી. પીએમ મોદી ફ્રાન્સના રાષ્ટ્રીય દિવસની પરેડમાં ભાગ લેનારા ભારતના બીજા વડાપ્રધાન હશે. અગાઉ 2009માં ફ્રાંસની સરકારે તત્કાલિન વડાપ્રધાન ડૉ.મનમોહન સિંહને વિશેષ અતિથિ તરીકે આમંત્રિત કર્યા હતા.

લખનૌમાં આયોજિત ખેલો ઈન્ડિયા યુનિવર્સિટી ગેમ્સમાં ભાગ લેવા આવેલા ખેલાડીઓ બીમાર પડી રહ્યા છે. ગરમીના કારણે મોટાભાગના ખેલાડીઓ બીમાર પડ્યા હોવાના અહેવાલ છે. 6 ખેલાડીઓને ઉલ્ટી અને ઝાડા થવાને કારણે સિવિલ હોસ્પિટલમાં દાખલ કરાયા હોવાનું જાણવા મળે છે.

જાપાનમાં ગોળીબાર અને છરાબાજીની ઘટનામાં બે પોલીસકર્મીઓ સહિત ત્રણ લોકોના મોત થયા છે. અત્યાર સુધીની માહિતી મુજબ હુમલાખોર રાઈફલ અને ચાકુ સાથે એક ઈમારતમાં છુપાયેલો છે.

Pakistan : ઈમરાનખાન, તેની પત્ની બુશરા બીબી સહીત પીટીઆઈના 80 નેતાઓ વિમાનમાં હવેથી નહી બેસી શકે. પાકિસ્તાનના પૂર્વ વડાપ્રધાન ઈમરાનખાનની મુશ્કેલીઓ ઘટવાનું નામ નથી લેતી. સરકાર અને સૈન્ય સામે કાનુની લડાઈ લડી રહેલા ઈમરાનખાન અને તેના પત્ની બુશરાબીબી સહીત પીટીઆઈના 80 નેતાઓ હવે વિમાનમાં નહી ઉડી શકે.

INS વિક્રાંત પર મિગ 29નું નાઇટ લેન્ડિંગ સફળ રહ્યું છે. આ માટે રક્ષા મંત્રી રાજનાથ સિંહે ભારતીય નૌસેનાને અભિનંદન પાઠવ્યા છે.

બાબા બાગેશ્વર ચાર્ટર્ડ પ્લેનમાં બેસીને અમદાવાદ એરપોર્ટ પહોંચ્યા છે. તેઓ મધ્યપ્રદેશથી અમદાવાદ આવ્યા હતા.બાબા બાગેશ્વર તેમજ યજમાન અમરાઈ વાડીના પૂર્વ કોર્પોરેટર અરવિંદ ચૌહાણના ભાઈ જુનગી ભાઈના ઘરે જશે. ત્યાં બપોરનું ભોજન લીધા બાદ તેઓ વટવા ખાતે પૂર્વ આયોજીત કાર્યક્રમમાં હાજરી આપશે.

આજથી રાજ્યમાં બાબા બાગેશ્વર (Baba Bageshwar) ધીરેન્દ્ર શાસ્ત્રીના દરબારનો સીલસીલો શરુ થશે. જેના પગલે આયોજકોમાં ઉત્સુકતા જોવા મળી રહી છે. બાબા બાગેશ્વર ધીરેન્દ્ર શાસ્ત્રી આજે ગુજરાત આવશે અને સૌથી પહેલા અમદાવાદના વટવામાં એક કાર્યક્રમમાં તેઓ હાજર રહેશે. અમદાવાદ એરપોર્ટ પર તેમના આગમનને લઈને પોલીસ અને બાઉન્સર વીઆઈપી એક્ઝિટ પર પહોંચી છે.

બાબા બાગેશ્વરને લગતા તમામ સમચાર જાણવા અહીં ક્લિક કરો.

21 જૂને યોગ દિવસના અવસરે વડાપ્રધાન નરેન્દ્ર મોદી મધ્યપ્રદેશના જબલપુરમાં હશે. 9મા આંતરરાષ્ટ્રીય યોગ દિવસનો મુખ્ય કાર્યક્રમ જબલપુરમાં યોજાશે.

સુરતના(Surat) જહાંગીરપૂરામાં મહિલા પ્રોફેસરના આપઘાત(Suicide)  કેસમાં રોજ નવા નવા ખુલાસા થઇ રહ્યાં છે.ત્યારે રાંદેર પોલીસે આંધ્રપ્રદેશથી આરોપી જુહી શેખની ધરપકડ કરી છે.પાકિસ્તાન સાથે સીધા જ સંપર્કમાં રહેતી અને રૂપિયા પહોંચાડતી મુખ્ય મુસ્લિમ મહિલાને આંધ્રપ્રદેશથી પોલીસે દબોચી છે.આરોપી મહિલાને પકડવા માટે પોલીસ કર્મચારીઓ બે દિવસ મુસ્લિમ પહેરવેશમાં મહિલાના ઘર આસપાસ રેકી કરી હતી અને ત્યારબાદ પાકિસ્તાનથી ભારત વચ્ચેની મુખ્ય સૂત્રધાર જૂહી શેખને દબોચી હતી.

નવા સંસદ ભવનનાં ઉદ્ઘાટનનો મામલો સુપ્રીમ કોર્ટમાં પહોંચ્યો છે. અરજીમાં કહેવામાં આવ્યું છે કે માત્ર રાષ્ટ્રપતિ જ ઉદ્ઘાટન કરી શકે છે. અરજીમાં લોકસભા સચિવાલય, ગૃહ મંત્રાલય અને કાયદા મંત્રાલયને પક્ષકાર બનાવવામાં આવ્યા છે. એડવોકેટ સીઆર જયા સુકિને આ અરજી દાખલ કરી છે.

રાજકોટમાં(Rajkot) 1 અને 2 જૂને યોજાવા જઈ રહેલા બાબા બાગેશ્વર ધીરેન્દ્ર શાસ્ત્રીના(Dhirendra Shastri) કાર્યક્રમનો એકતરફ કોંગ્રેસ વિરોધ કરી રહી છે. તો બીજીતરફ ભાજપના નેતાઓ કાર્યક્રમને સફળ બનાવવા કામે લાગ્યા છે. આ દરમિયાન બાગેશ્વર ધામ સમિતિના કાર્યાલયની મુલાકાતે પહોંચેલા પૂર્વ સીએમ વિજય રૂપાણીએ કોંગ્રેસ પર પ્રહાર કર્યા.

રૂપાણીએ કહ્યું કે- કોંગ્રેસ પહેલેથી ધર્મ અને સંસ્કૃતિ વિરોધી છે, લઘુમતીઓના મત મેળવવા તુષ્ટિકરણ કરે છે.. કોંગ્રેસે હિન્દુ સમાજને નજરઅંદાજ કર્યો છે,, હિન્દુ ધર્મની વાત આવે એટલે કોંગ્રેસ અકળાઈ જાય છે.. આ ઉપરાંત વિજય રૂપાણીએ બાબા ધીરેન્દ્ર શાસ્ત્રીના કાર્યક્રમને સફળ બનાવવાની વાત પણ કરી છે.

નવા સંસદ ભવનના ઉદ્ઘાટનને લઈ વિપક્ષ એકત્ર થઈ રહ્યો છે. ઉદ્ઘાટન કાર્યક્રમનો વિરોધ 19 વિપક્ષી દળો દ્વારા કરવામાં આવી રહ્યો છે. આ દરમિયાન પીએમ મોદી (PM Narendra Modi)પણ ત્રણ દેશોનો પ્રવાસ પૂર્ણ કરીને ગુરુવારે સવારે ભારત પહોંચ્યા હતા. ભારત પહોંચતા જ પીએમ મોદીએ ઓસ્ટ્રેલિયાની લોકશાહીનો હવાલો આપીને પાલમ એરપોર્ટથી જ વિપક્ષ પર ઈશારામાં પ્રહારો કર્યા હતા.

ઓસ્ટ્રેલિયાના ભૂતપૂર્વ વડાપ્રધાને પણ ભાગ લીધો હતો

પાલમ એરપોર્ટ પર હાજર સમર્થકોને સંબોધિત કરતી વખતે પીએમ મોદીએ ઓસ્ટ્રેલિયાની લોકશાહીને ટાંકતા કહ્યું કે સિડનીમાં ભારતીય સમુદાયના કાર્યક્રમમાં સત્તાધારી પક્ષથી લઈને વિપક્ષ સુધીના તમામ સભ્યો અને નેતાઓ હાજર હતા. વર્તમાન વડાપ્રધાન એન્થોની અલ્બેનીઝ પણ ત્યાં હતા અને ભૂતપૂર્વ વડાપ્રધાને પણ ભાગ લીધો હતો.

નવા સંસદ ભવનના વડાપ્રધાનના હસ્તે ઉદ્ઘાટનનો વિપક્ષી દળો વિરોધ કરી રહ્યા છે. જેની મુખ્યમંત્રી ભૂપેન્દ્ર પટેલે નિંદા કરી છે. ખેડા જિલ્લાના નડિયાદમાં એક કાર્યક્રમ દરમિયાન મુખ્યપ્રધાને કહ્યું કે સંસદ ભવનના (Parliament House) નવનિર્મિત સંકુલનું લોકાર્પણએ ગૌરવપૂર્ણ બાબત છે. વિપક્ષી દળોના વિરોધનો નિર્ણય નિંદનીય છે, અપમાનજનક છે અને લોકતાંત્રિક મૂલ્યો પર હુમલો છે. વિપક્ષોના બહિષ્કારની આ પહેલી ઘટના નથી. વિપક્ષે અગાઉ પણ સંસદીય નિયમો અને સંસદનો બહિષ્કાર કરેલો છે. આ પહેલા GST વિશેષ સત્રનો પણ બહિષ્કાર કર્યો હતો. આ તેમનું આત્મઘાતી પગલું છે.

વડાપ્રધાન નરેન્દ્ર મોદીએ કહ્યું છે કે દિલ્હી અને દેહરાદૂન વચ્ચે ચાલતી વંદે ભારત એક્સપ્રેસ ટ્રેન દેશની રાજધાનીને ઝડપી ગતિએ જોડશે. આ ટ્રેનથી દિલ્હી અને દેહરાદૂન વચ્ચેનો મુસાફરીનો સમય ઘણો ઓછો થઈ જશે.

બાગેશ્વર ધામના ધીરેન્દ્ર શાસ્ત્રી (Dhirendra Shastri) આજે અમદાવાદમાં વટવા ખાતે દેવકીનંદન મહારાજના એક કાર્યક્રમમાં હાજરી આપવાના છે. વટવાના કાર્યકમાં હાજરી આપવા ધીરેન્દ્ર શાસ્ત્રી સવારે 12 થી 1 વાગ્યા દરમિયાન અમદાવાદ એરપોર્ટ પર પહોંચશે. અમદાવાદ એરપોર્ટથી તેઓ વટવા કાર્યક્રમ સ્થળ પર જવા રવાના થશે. જો અન્ય કાર્યક્રમ નક્કી હશે તો રૂટમાં અન્ય સ્થળે પણ ધીરેન્દ્ર શાસ્ત્રી જઈ શકે તેવી શક્યતા છે.

આજથી રાજ્યમાં બાબા બાગેશ્વર (Baba Bageshwar) ધીરેન્દ્ર શાસ્ત્રીના દરબારનો સીલસીલો શરુ થશે. જેના પગલે આયોજકોમાં ઉત્સુકતા જોવા મળી રહી છે. બાબા બાગેશ્વર ધીરેન્દ્ર શાસ્ત્રી આજે ગુજરાત આવશે અને સૌથી પહેલા અમદાવાદના વટવામાં એક કાર્યક્રમમાં તેઓ હાજર રહેશે. અમદાવાદ એરપોર્ટ પર તેમના આગમનને લઈને પોલીસ અને બાઉન્સર વીઆઈપી એક્ઝિટ પર પહોંચી છે.

સંજય રાઉતે કહ્યું છે કે આપણા દેશમાં લોકશાહીની હત્યા કરવામાં આવી છે. પીએમ લોકશાહીની વાત કરે છે. 3 દેશોની મુલાકાત લીધા બાદ પરત ફર્યા છે. પીએમ લોકશાહીની વાત કરે છે તો દેશની લોકશાહીનું પણ ધ્યાન રાખો. પહેલા રાષ્ટ્રપતિ પાસે જાઓ અને તેમને નવા સંસદ ભવનનું ઉદ્ઘાટન કરવા આમંત્રણ આપો, પછી લોકશાહીની વાત કરો.

ધોરણ 10નું પરિણામ જાહેર થતાં મુખ્યપ્રધાન ભૂપેન્દ્ર પટેલ (Chief Minister Bhupendra Patel) વિદ્યાર્થીઓને અભિનંદન આપ્યાં અને પોતાના ઉજ્જવળ ભવિષ્ય માટે શુભકામના પાઠવી. તો શિક્ષણ પ્રધાન કુબેર ડિંડોરે (Education Minister Kuber Dindore) પણ પાસ થયેલા તમામ ઉમેદવારોને શુભેચ્છા પાઠવી. જ્યારે નાપાસ થનાર વિદ્યાર્થીઓને સાત્વના આપતા કહ્યું કે હિમ્મત હાર્યા વિના ફરી પરીક્ષાની તૈયારી કરે.

મુખ્યમંત્રી ભૂપેન્દ્ર પટેલે ઉમેદવારોને શુભેચ્છા પાઠવી છે, મુખ્યમંત્રીએ જણાવ્યુ કે, તમામ વિદ્યાર્થીઓને હૃદય પૂર્વક અભિનંદન અને ઉજવળ કારકિર્દી માટે શુભકામનાઓ પાઠવું છું. બોર્ડની પરીક્ષા વિદ્યાર્થીના કારકિર્દી ઘડતરમાં મહત્વનો ભાગ ભજવે.

ધોરણ 10નું પરિણામ જાહેર થતાં મુખ્યપ્રધાન ભૂપેન્દ્ર પટેલે વિદ્યાર્થીઓને અભિનંદન આપ્યાં અને પોતાના ઉજ્જવળ ભવિષ્ય માટે શુભકામના પાઠવી. તો શિક્ષણ પ્રધાન કુબેર ડિંડોરે પણ પાસ થયેલા તમામ ઉમેદવારોને શુભેચ્છા પાઠવી, જ્યારે નાપાસ થનાર વિદ્યાર્થીઓને સાત્વના આપતા કહ્યું કે હિમ્મત હાર્યા વિના ફરી પરીક્ષાની તૈયારી કરે.

ગુજરાત બોર્ડ 10નું  64.62 રિઝલ્ટ  આજે 25 મે 2023ના રોજ જાહેર કરવામાં આવ્યું છે . ગુજરાત બોર્ડની પરીક્ષા આપતા વિદ્યાર્થીઓ ઓફિશિયલ વેબસાઇટ gseb.org પર તેમની માર્કશીટ ચેક કરી શકાશે. ગુજરાતમાં ધોરણ 10ના આજે જાહેર થયેલા પરિણામમાં વિષયવાર સામે આવેલા પરિણામ પર નજર કરીએ તો જણાશે કે અંગ્રેજી વિષયનું પરિણામ સૌથી વધુ 95.06 ટકા આવ્યું છે જ્યારે વિજ્ઞાન વિષયનું પરિણામ સૌથી ઓછી 67.72 ટકા આવ્યું છે. આ ઉપરાંત વિષયવાર પરિણામની ટકાવારી પર નજર કરીએ તો ગુજરાતી 84.60 ટકા , હિન્દી 89.78 ટકા, અંગ્રેજી 95.06 ટકા, સામાજિક વિજ્ઞાન 86.77 ટકા, વિજ્ઞાન 67.72 ટકા ગણિત 94.99 ટકા, ગુજરાતી SL 89.73 ટકા, હિન્દી SL 87.34 ટકા ,અંગ્રેજી SL 85.21 ટકા, સંસ્કૃત SL 90.89 ટકા ,મૂળભૂત ગણિત 70.49 ટકા પરિણામ નોંધાયું છે.

ગુજરાતની 2724 શાળાનું પરિણામ 100 ટકાથી વધુ જાહેર થયુ છે. ઝીરો ટકા પરિણામ ધરાવતી 157 શાળા છે. તો 30 ટકાથી ઓછુ પરિણામ ધરાવતી શાળા 1084 છે.

આ વર્ષે છોકરીઓએ છોકરાઓને પાછળ છોડી દીધા છે, 11 ટકા છોકરીઓનું પરિણામ વધુ છે.

ધોરણ-10નું ગુજરાત બોર્ડની પરીક્ષાનું પરિણામ જાહેર થઇ ગયુ છે. ધોરણ 10નું પરિણામ 64.62 ટકા  જાહેર થયુ છે. આ પરીક્ષા સમગ્ર રાજ્યમાં 958 કેન્દ્ર પર લેવામાં આવી હતી. ગુજરાતની 2724 શાળાનું પરિણામ 100 ટકાથી વધુ જાહેર થયુ છે. ઝીરો ટકા પરિણામ ધરાવતી 157 શાળા છે. તો 30 ટકાથી ઓછુ પરિણામ ધરાવતી શાળા 1084 છે.

ધોરણ 10ના ગ્રેડ મુજબ પરિણામમાં સૌથી વધુ પરીક્ષાર્થીઓ C-1 ગ્રેડમાં પાસ થયા છે.

ગુજરાતના 33 જિલ્લા પૈકી સૌથી વધુ સુરત જિલ્લામાં 76.45 ટકા પરિણામ જાહેર થયુ છે. જ્યારે સૌથી ઓછુ 40.75 ટકા પરિણામ દાહોદ જિલ્લામાં આવ્યુ છે.

આ પરીક્ષામાં કુલ 741411 નિયમિત પરીક્ષાર્થીઓ નોંધાયા હતા, જે પૈકી 734898 પરીક્ષાર્થીનો પરીક્ષામાં ઉપસ્થિત રહ્યા હતા અને 474893 પરીક્ષાર્થીઓ પ્રમાણપત્રને પાત્ર બનતા નિયમિત પરીક્ષાર્થીનીનું પરિણામ 64.62 ટકા જાહેર કરવામાં આવે છે. જ્યારે રિપીટર પરીક્ષાર્થી તરીકે 165690 પરીક્ષાર્થીઓ નોંધાયા હતા. તે પૈકી 158623 પરીયાર્થીઓ ઉપસ્થિત રહ્યા હતા. જેમાંથી 27446 પરીક્ષાર્થીઓ સફળ થતાં તેઓનું પરિણામ 17.30 ટકા આવ્યું છે.

પરીક્ષા સમગ્ર રાજ્યમાં 958 કેન્દ્ર પર લેવામાં આવી હતી. જેમાં બનાસકાંઠા જિલ્લાના કુંભારિયા કેન્દ્રનું સૌથી વધુ 95.92 ટકા પરિણામ આવ્યુ છે. જ્યારે નર્મદા જિલ્લાના ઉતાવળી કેન્દ્રમાં સૌથી ઓછુ 11.94 ટકા પરિણામ આવ્યુ છે.

આ વર્ષે પરીક્ષા દરમ્યાન ગેરરીતિના 30 કેસ નોંધાયેલ હતા. જ્યારે CCTV કેમેરા અને ટેબ્લેટ્સના વીડિયો ફૂટેજના આધારે પ્રાથમિક રીતે ગેરરીતિમાં સામેલ જણાતા 681 પરીક્ષાર્થીઓનું પરિણામ અનામત રાખવામાં આવેલ છે, જેની રૂબરૂ સુનાવણી જિલ્લા કક્ષાએ કરવામાં આવેલ છે.

બનાસકાંઠા જિલ્લાનું કુંભારિયા કેન્દ્ર 95.92 ટકા પરિણામ મેળવીને મોખરે રહ્યું છે. જ્યારે નર્મદા જિલ્લાનું ઉતાવળી કેન્દ્ર 11.94 ટકા મેળવી સૌથી છેલ્લે રહેલ છે.

ગુજરાત બોર્ડનું ધોરણ-10નું 64.62 ટકા પરિણામ જાહેર થયું છે.

ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા 14 માર્ચથી 29 માર્ચ સુધી ધોરણ 10ની પરીક્ષા યોજાઈ હતી. બોર્ડ દ્વારા જાહેર કરાયેલા નોટિફિકેશન મુજબ ધોરણ 10ની પ્રેક્ટિકલ પરીક્ષા, ઇન્ટર્નલ મૂલ્યાંકન અને પ્રોજેક્ટ વર્ક જાન્યુઆરીમાં યોજાયું હતું.

ધોરણ 10માં 9.50 લાખ કરતાં વધુ વિદ્યાર્થીઓએ બોર્ડની પરીક્ષા આપી હતી. ગુજરાત બોર્ડની વેબસાઈટ પર સીટ નંબર નાખીને વિદ્યાર્થીઓ ઓનલાઇન પરિણામ જોઈ શકશે. બેથી ત્રણ દિવસ બાદ વિદ્યાર્થીઓને માર્કશીટ આપવામાં આવશે.

GSEB SSC રિઝલ્ટ આ રીતે કરો ચેક

1. સ્ટેપ-1 રિઝલ્ટ ચેક કરવા માટે સૌ પહેલાં ઓફિશિયલ વેબસાઈટ gseb.org પર જાઓ
2. સ્ટેપ 2- હોમ પેજ પર Check Gujarat Board Resultની લિંક પર ક્લિક કરો.
3. સ્ટેપ 3- આગળના પેજ પર રોલ નંબર એન્ટર કરીને લોગિન કરો.
4. સ્ટેપ 4- રિઝલ્ટ સ્ક્રીન પર દેખાશે.
5. સ્ટેપ 5- રિઝલ્ટ ચેક કર્યા પછી પ્રિન્ટ લો અને હાર્ડ કોપી રાખો.

Gujarat Board 10th Result 2023 : ગુજરાત બોર્ડ 10નું રિઝલ્ટ  આજે 25 મે 2023ના રોજ જાહેર થશે. ગુજરાત બોર્ડની પરીક્ષા આપતા વિદ્યાર્થીઓ ઓફિશિયલ વેબસાઇટ gseb.org પર તેમની માર્કશીટ ચેક કરી શકાશે. ગુજરાત બોર્ડે 12મા વિજ્ઞાન પ્રવાહનું પરિણામ જાહેર કરી દીધું છે.

ગુજરાત માધ્યમિક શિક્ષણ બોર્ડ દ્વારા જાહેર કરાયેલા સમયપત્રક મુજબ ધોરણ 10ની બોર્ડની પરીક્ષા 14થી 28 માર્ચ 2023 દરમિયાન લેવામાં આવી હતી. જ્યારે ધોરણ 12ની પરીક્ષા 14 માર્ચથી 25 માર્ચ દરમિયાન લેવામાં આવી હતી. તમે નીચે આપેલા સ્ટેપ્સથી માર્કશીટ તપાસી શકશો.

GSEB SSC HSC રિઝલ્ટ આ રીતે કરો ચેક

1. સ્ટેપ-1 રિઝલ્ટ ચેક કરવા માટે સૌ પહેલાં ઓફિશિયલ વેબસાઈટ gseb.org પર જાઓ
2. સ્ટેપ 2- હોમ પેજ પર Check Gujarat Board Resultની લિંક પર ક્લિક કરો.
3. સ્ટેપ 3- આગળના પેજ પર રોલ નંબર એન્ટર કરીને લોગિન કરો.
4. સ્ટેપ 4- રિઝલ્ટ સ્ક્રીન પર દેખાશે.
5. સ્ટેપ 5- રિઝલ્ટ ચેક કર્યા પછી પ્રિન્ટ લો અને હાર્ડ કોપી રાખો.

WhatsApp પર જુઓ Gujarat Board Result

ગુજરાત બોર્ડ વિદ્યાર્થીઓને વોટ્સએપ પર માર્કશીટ ચેક કરવાનો વિકલ્પ આપે છે. વિદ્યાર્થીઓ વોટ્સએપ નંબર 6357300971 પર તેમનો સીટ નંબર મોકલીને પણ તેમનું રિઝલ્ટ મેળવી શકે છે. વધુ વિગતો માટે તમે નોટિફિકેશન જોઈ શકો છો.

વર્ષ 2022 માં GSEB SSC 10માનું રિઝલ્ટ 6 જૂને જાહેર કરવામાં આવ્યું હતું. GSEB SSC 10 મા પરિણામની સાથે બોર્ડના અધિકારીઓ દ્વારા સંસ્કૃત પ્રથમ પરીક્ષાનું પરિણામ પણ જાહેર કરવામાં આવ્યું હતું. આ ઉપરાંત ધોરણ 10ની બોર્ડની પરીક્ષામાં પાસ થવાની ટકાવારી 65.18 ટકા રહી છે.