પોતાની વિવિધ પડતર માગોને લઇ ફરી એકવાર તલાટીઓએ (Talati) રાજ્ય સરકાર (gujaratસામે બાંયો ચઢાવી છે.આજથી રાજ્યમાં 8 હજાર 500 તલાટીઓ અચોક્કસ મુદતની હડતાળ (Strike) પર ઉતરશે.તમામ પંચાયતને (Gram Panchayat) તાળાબંધી કરી તલાટીઓ પોતાનો વિરોધ વ્યક્ત કરશે.ડિઝાસ્ટર મેનેજમેન્ટ (Disaster Management) સિવાય તમામ કામગીરીનો બહિષ્કાર કરી રોષ વ્યક્ત કરશે.એટલું જ નહીં પંચાયતને તાળાબંધી કરી DDOને ચાવી સોંપશે.તલાટીની હડતાળને પગલે ગ્રામ પંચાયતોની કામગીરી ખોરવાશે.
બીજી તરફ સમાધાન કરવા રાજ્ય સરકાર તલાટી મહામંડળને તેડું મોકલા માટે તૈયારી કરી રહી છે.જ્યાં સુધી પોતાની માંગ સ્વીકારમાં નહીં આવે ત્યાં સુધી તલાટીઓએ હડતાળ ચાલું રાખવાની ચીમકી ઉચ્ચારી છે.તલાટીઓને આક્ષેપ છે કે નવ મહિના પહેલા સરકાર તમામ પ્રશ્નો ઉકેલાની ખાતરી આપી હતી.પરંતુ સરકારે હજી સુધી કોઇ માંગ સ્વીકારી નથી.એટલું જ નહીં 14 જુલાઇએ તલાટી મહામંડળે પત્ર લખી અલ્ટિમેટમ આપ્યું હતું કે જો પંદર દિવસમાં પ્રશ્ન નહીં ઉકેલાય તો અચોક્કસ મુદતની હડતાળ પાડવામાં આવશે.