GANDHINAGAR : CM ભુપેન્દ્ર પટેલે એક જ દિવસમાં 8 ટાઉન પ્લાનિંગ સ્કીમને મંજૂરી આપી

CM ભુપેન્દ્ર પટેલે અમદાવાદની પાંચ ડ્રાફટ ટી.પી. સ્કીમ, ભાવનગર-રાજકોટ પ્રત્યેકની એક ડ્રાફ્ટ ટી.પી. સ્કીમ અને પાટણની એક પ્રિલિમિનરી સ્કીમને મંજૂરી આપી.

7 ડ્રાફ્ટ ટી.પી સ્કીમથી 72.34 હેકટર અને એક પ્રિલિમિનરી સ્કીમથી 13.97 હેક્ટર મળી કુલ 86.31 હેકટર જમીન શહેરી વિકાસ કામો માટે સંપ્રાપ્ત થશે.

ડ્રાફ્ટ સ્કીમોની મંજૂરીથી શહેરી વિસ્તારોમાં આંતરમાળખાકીય સવલતો ઉભી થશે.

GANDHINAGAR : મુખ્યપ્રધાન ભૂપેન્દ્ર પટેલ (CM Bhupendra Patel) ગુજરાતના શહેરી વિકાસને ગતિ આપવા ચાર શહેરોની કુલ 8 ટાઉન પ્લાનિંગ સ્કીમ (town planning schemes)ને મંજૂરી આપી છે. મુખ્યપ્રધાને મંજૂર કરેલી 7 ડ્રાફટ સ્કીમોમાં અમદાવાદના નરોડામાં ટી.પી. સ્કીમ નં. 124 -એ,બી,સી,ડી, અને સાંતેજમાં ટી.પી. સ્કીમ નં. 153, રાજકોટની વાવડીમાં ટી.પી. સ્કીમ નં. 25 તેમજ ભાવનગરના સીદસરમાં ટી.પી. સ્કીમ નં. 28 નો સમાવેશ થાય છે.

અમદાવાદ, રાજકોટ અને ભાવનગરની આ 7 ડ્રાફટ ટી.પી. સ્કીમો મંજૂર થવાથી કુલ 72.34 હેકટર્સ જમીન સંપ્રાપ્ત થશે.આ ઉપરાંત પાટણ વિસ્તારની 1 પ્રિલીમીનરી સ્કીમને પણ મંજુરી આપવામાં આવી છે. જેનાથી કુલ 13.97 હેકટર્સ જમીન સંપ્રાપ્ત થશે.આમ, રાજ્યના કુલ 4 શહેરોની 8 ટાઉન પ્લાનીંગ સ્કીમ મંજૂર થવાથી સમગ્રતયા 86.31 હેકટર્સ જમીન સંપ્રાપ્ત થશે.

અત્રે ઉલ્લેખનીય છે કે આ 8 ટાઉન પ્લાનીંગ સ્કીમ મંજૂર થતા સંપ્રાપ્ત જમીન પર સંબંધિત સત્તામંડળ જાહેર સુવિધા અને વિકાસ કામો કરી શકશે.આ ચાર શહેરોમાં સંપ્રાપ્ત જમીન પર સામાજીક અને આર્થિક રીતે નબળા વર્ગના લોકોના રહેઠાંણ, ખૂલ્લી જગ્યા, બાગ-બગીચાનું નિર્માણ થઇ શકશે તેમજ આંતરમાળખાકીય સવલતોના ખર્ચને પહોંચી વળવા વેચાણ માટેની જમીન પણ ઉપલબ્ધ બનશે.ચાર શહેરોની કુલ 8 ટાઉન પ્લાનીંગ સ્કીમો મંજૂર થતા રાજ્યના નગરોના સુગ્રથિત અને સુઆયોજીત ઝડપી વિકાસની નેમ સાકાર થશે.

ઉલ્લેખનીય છે કે મુખ્યપ્રધાન ભૂપેન્દ્ર પટેલે આજે સી.એમ. ડેશબોર્ડના ઇન્ડીકેટર્સના આધારે રાજ્યના વિવિધ વિકાસલક્ષી પ્રોજેક્ટસ તથા ફલેગશીપ યોજનાઓની કામગીરીની પ્રગતિની સમીક્ષા અને આગામી આયોજન માટે હવેથી દર મહિનાના પ્રથમ બુધવારે બેઠક યોજવાનો નવતર અભિગમ અપનાવ્યો છે.

આ સંદર્ભે આજે પ્રથમ ઉચ્ચસ્તરીય બેઠકમાં મુખ્યપ્રધાને પ્રધાનમંત્રી સ્વનિધિ યોજના, રાજ્યના શહેરોના આવાસ વિહોણા લોકો માટે શેલ્ટર હોમ, વડનગરના સર્વગ્રાહી વિકાસ, ધરોઇ ડેમ વિસ્તારનો પ્રવાસન ધામ તરીકે વિકાસ, ડાયમન્ડ બુર્શ–ડ્રીમ સિટી સુરત જેવી વિવિધ યોજનાઓની તલસ્પર્શી સમીક્ષા કરી હતી.

આ પણ વાંચો : Vibrant Gujarat 2022 : વાયબ્રન્ટ ગુજરાત ગ્લોબલ સમિટ 2022 માટે આ મહિને જાપાન અને દક્ષિણ કોરિયામાં રોડશો યોજાશે

આ પણ વાંચો : માત્ર 14 દિવસમાં ચુકાદો : સાંતેજ દુષ્કર્મ અને હત્યા કેસમાં આરોપીને જીવનના છેલ્લા શ્વાસ સુધીની કેદની સજા