ભારે વરસાદની આગાહીને લઈને રાજકોટમાં તહેનાત કરાશે SDRFની ટીમ, પ્રાંત અધિકારી-મામલતદાર સહીતના કર્મીઓની રજા રદ

સૌરાષ્ટ્રમાં આવાનારા દિવસોમાં ભારેથી અતિભારે વરસાદ વરસવાની હવામાન વિભાગે આગાહી કરી છે. જેના પગલે મુખ્યપ્રધાન વિજય રૂપાણીએ જિલ્લા કલેકટર સાથે વાત કરીને સ્ટેટ ડિઝાસ્ટર રેસ્ક્યુ ફોર્સને (SDRF) રાજકોટમાં તહેનાત કરવાની જાણ કરાઈ છે. અત્યાર સુધીમાં પડેલા વરસાદને પગલે, રાજકોટ જિલ્લાના નવ જળાશયો છલોછલ ભરાયેલા છે. તો 15 ડેમ ઓવરફ્લો થઈ ચૂક્યા છે. આ જળાશયોના ઉપરવાસમાં જો હવે વધુ વરસાદ આવે તો તબાહી સર્જાઈ શકે છે. જેના ધ્યાને રાખીને સાવચેતીના ભાગરૂપે SDRFની ટીમ તહેનાત કરાશે. પ્રાંત અધિકારી અને મામલતદાર સહીતના કર્મચારીઓની રજા રદ કરી દેવાઈ છે.

આ પણ વાંચોઃઅંબિકા નદીમાં ઘસમસતા પાણી 21 ફુટે પહોચ્યા, ગણદેવી અને અમલસાડને જોડતો બ્રિજ બંધ કરાયો