બનાસકાંઠા: મગફળીની ટેકાના ભાવે ખરીદીમાં ખેડૂતોને ધક્કા, VCE કર્મચારીઓની હડતાળથી હાલાકી

બનાસકાંઠામાં મગફળીની ટેકાના ભાવે નોંધણીમાં ખેડૂતો ધક્કા ખાઈ પરેશાન થઈ રહ્યાં છે. ગ્રામ પંચાયતમાં કોમ્પ્યૂટર ઓપરેટર તરીકે કામ કરતા VCE કર્મચારીઓએ હડતાળ પાડી છે, જેથી ગ્રામ પંચાયતોમાં ટેકાના ભાવે નોંધણી પ્રક્રિયા બંધ થઈ ગઈ છે. લાખણી તાલુકામાં સરકારી ગોડાઉન પર હાલમાં એક જ કોમ્પ્યુટર ઉપલબ્ધ છે, તો બીજી તરફ કોરોના કાળમાં મોટી સંખ્યામાં ખેડૂતો લાઈન લગાવીને ઉભા રહે છે. આ ખેડૂતો સોશિયલ ડિસ્ટન્સીંગનું પાલન ન કરતા કોરોનાનો ખતરો તોળાઈ રહ્યો છે. લાખણી તાલુકામાં એક જ કોમ્પ્યુટર હોવાથી નંબર ન આવતા ખેડૂતો હાલાકી ભોગવી રહ્યા છે. તંત્ર વધારે કોમ્પ્યુટર ગોઠવીને ઝડપથી નોંધણી પ્રક્રિયા કરે તેવી ખેડૂતોની માગણી છે.

આ પણ વાંચો: મગફળીના વજનમાં ઘટાડા મામલે સરકાર ખેડૂતોને આપી શકે છે રાહત, નિયમોમાં ફેરફાર થવાથી ખેડૂતોને થશે લાભ

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો