લૉકડાઉનમાં બેકાર બે રત્નકલાકારો બન્યા ગુનેગાર, સાંસદના નામે રચ્યું ઠગાઇનું તરકટ

લૉકડાઉનમાં બેકાર બનેલા બે રત્ન કલાકારે સાંસદના નામે ઠગાઈનું તરકટ રચ્યું. સંઘ પ્રદેશ દમણ-દીવના સાંસદના નામે ઠગાઈ કરતા બે શખ્સોને પોલીસે ઝડપી પાડ્યા. મૂળ અમદાવાદ રહેતા બે રત્ન કલાકાર સાંસદ લાલુ પટેલના નામે ઉદ્યોગપતિઓને ફોન કરતા. અને મંદિર બનાવવાના બહાને ફાળો ઉઘરાવતા હતા. કેટલાક ઉદ્યોગપતિઓએ સાંસદને ફંડ એકાઉન્ટમાં જમા કરાવ્યાની જાણ કરી. તો અવાક બની ગયેલા સાંસદે પોલીસ ફરિયાદ નોંધાવી. અને ટેકનિકલ સર્વેલન્સના આધારે પોલીસે બંને ગઠિયાઓને ઝડપી પાડ્યા. પોલીસની પ્રાથમિક તપાસમાં બંનેએ 10થી વધુ કંપનીઓમાંથી ઉઘરાણું કર્યાનું સામે આવ્યું છે.