Mother’s Day 2022: ભાવનગર જિલ્લામાં 108 એમ્બ્યુલન્સે ખરા અર્થમાં માતાની ગરજ સારી, અત્યાર સુધીમાં 6449 સગર્ભા માતાને એમ્બ્યુલન્સમાં સફળ પ્રસુતિ કરાવી
ભાવનગર (Bhavnagar) જિલ્લામાં છેલ્લા 3 મહિનામાં પ્રસૂતિ જાન્યુઆરી મહિનામાં 28 પ્રસૂતિ, ફેબ્રુઆરીમાં 25 પ્રસૂતિ અને માર્ચ મહિનામાં 38 પ્રસૂતિ 108 એમ્બ્યુલન્સ વાનમાં કરવામાં આવી છે. જ્યારે જિલ્લામાં છેલ્લાં ત્રણ મહિનામાં 6232 સગર્ભા માતાને આ સેવાનો લાભ મળ્યો છે.
આજે વિશ્વ માતૃત્વ દિવસ (World Mother’s Day) છે. ભારતમાં માતૃત્વનો અનેરો મહિમા છે. કહેવાય છે કે માતાના વ્હાલ અને પ્રેમની તોલે કોઇ ન આવી શકે. ગુજરાતના ભાવનગરમાં (Bhavnagar) સરકારની 108 ઇમરજન્સી એમ્બ્યુલન્સ (Ambulance) જ માતાની ગરજ સારતી જોવા મળે છે. જિલ્લાની 108 ની સેવા દ્વારા અનેકવાર સગર્ભા માતાની સેવા કરી રહી છે અને સગર્ભા માતા મૃત્ય દર ઘટાડવામાં મહત્વપૂર્ણ સાબિત થઇ છે. સગર્ભા માતાને 108 ની સેવા થકી જિલ્લાના અંતરીયાળ અને છેવાડાની સગર્ભા માતાના ઘરના ઉમરા સુધી પહોંચીને યોગ્ય હોસ્પિટલ લઈ જતાં ભાવનગર જિલ્લામાં 6449 સગર્ભા માતાને એમ્બ્યુલન્સમાં જ સફળ પ્રસૂતિ કરાવવામાં આવી છે.
ગુજરાતી કવિ બોટાદકરે માતાના પ્રેમને છાજે તે માટે લખ્યું છે કે,”જનની તો જોડ સખી નહીં જડે રે લોલ..” જો કે ગુજરાતના ભાવનગરમાં કોઇ મહિલા નહીં પરંતુ વહીવટી તંત્ર દ્વારા ચાલતી 108ની ઇમરજન્સીની સેવા ખરાં અર્થમાં માતાની ગરજ સારે છે. ભાવનગર જિલ્લાની 108 એમ્બ્યુલન્સ દ્વારા અત્યાર સુધીમાં 6449 સગર્ભા માતાની સફળ પ્રસૂતિ કરાવવામાં આવી છે. માત્ર સગર્ભા મહિલાઓને સેવા પુરી પાડવાની જ વાત કરવામાં આવે તો પ્રસૂતિ દરમિયાનના કિસ્સામાં બે લાખ (2,14,097) થી વધારે સગર્ભા માતાને સેવા પૂરી પાડવામાં આવી છે. આ રીતે ખરા અર્થમાં 108ની ઇમરજન્સી એમ્બુલન્સ સેવા એ એક માતા જે રીતે પોતાના બાળકની સંભાળ રાખે તે રીતે કાળજી રાખીને એક માતાની ભૂમિકા ભજવી છે.
આ રીતે રાજ્ય સરકારની નિઃ શૂલ્ક એવી 108 સેવામાં માતૃત્વ દિવસ ઉપર અનેક માતા આ સેવા કરવાના આશીર્વાદ મેળવી ચૂકી છે. જિલ્લામાં છેલ્લા 3 મહિનામાં પ્રસૂતિ જાન્યુઆરી મહિનામાં 28 પ્રસૂતિ, ફેબ્રુઆરીમાં 25 પ્રસૂતિ અને માર્ચ મહિનામાં 38 પ્રસૂતિ 108 એમ્બ્યુલન્સ વાનમાં કરવામાં આવી છે. જ્યારે જિલ્લામાં છેલ્લાં ત્રણ મહિનામાં 6232 સગર્ભા માતાને આ સેવાનો લાભ મળ્યો છે.
જાન્યુઆરી મહિનામાં 1409 સગર્ભા, ફેબ્રુઆરીમાં 1862 સગર્ભા અને માર્ચ મહિનામાં 1901 સગર્ભા 108 એમ્બ્યુલન્સ સેવા દ્વારા હોસ્પિટલ ખસેડવામાં આવી હતી. જિલ્લાની સગર્ભા અવસ્થામાં એકપણ માતાનું મૃત્યુ ૧૦૮ એમ્બ્યુલન્સ સેવામાં નોંધાઇ નથી. આમ, 108ની આકસ્મિક એમ્બ્યુલન્સ સેવા ભાવનગરની માતૃત્વ ધારણ કરેલી મહિલાઓના બાળકોને સુરક્ષિત રીતે આ જગતમાં લાવવાં માટે માતાની ભૂમિકા ભજવી છે.
આ માતાઓના સંતાનોને જ્યારે મોટા થઇને ખબર પડશે કે તેમને આ જગતમાં લાવવાં માટે 108ની સેવાએ કેવી મહત્વપૂર્ણ કામગીરી કરી હતી. તો તેઓ તેમની માતા સાથે 108 એ પણ માતાની ગરજ સારી હતી તેવી યાદ સાથે યાદ કરશે એ જ 108 માટે વિશ્વ માતૃત્વ દિવસની સાચી ઉજવણી બની રહેશે.