રાજ્યમાં કર્ફ્યૂગ્રસ્ત વિસ્તારો અને હોટ સ્પોટ વિસ્તારોમાં ફરજ બજાવતા પોલીસના જવાનોને PPE શુટ અપાશે. રાજ્ય પોલીસ વડા શિવાનંદ ઝાએ જાહેરાત કરી છે કે જે પોલીસ જવાનો કોરોના પ્રભાવિત વિસ્તારોમાં કામ કરે છે અને કોરોનાના દર્દીઓના સીધા સંપર્કમાં કામ કરતા હોય તેવા જવાનોને PPE શુટ આપવામાં આવશે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
રાજ્યના પોલીસ જવાનોમાં કોરોનાના કેસ વધતા આ નિર્ણય કરવામાં આવી રહ્યો છે. મહત્વનું છે કે રાજ્યમાં કુલ 14 જેટલા પોલીસના જવાનોનો કોરોના રિપોર્ટ પોઝિટિવ આવ્યો છે, જ્યારે વડોદરા ગ્રામ્યના એક પોલીસ જવાનને પણ કોરોના થયો છે.
&
આ તરફ કર્ફ્યૂગ્રસ્ત વિસ્તારોમાં રાજ્ય આઈબી પણ નજર રાખી રહી છે. પોલીસ વડા શિવાનંદ ઝાના કહેવા મુજબ જે પણ વિસ્તારોમાં લૉકડાઉન અને કર્ફ્યૂનું પાલન નથી થતું તેવી આઈબી મારફતે માહિતી મળશે, ત્યાં પોલીસનો બંદોબસ્ત વધારી દેવામાં આવશે.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો
Published On - 1:14 pm, Sat, 18 April 20